1 Kronikɛls 13:3 - EBƆRƐ BE KAWƆL

³ Saŋɛ na so anyeeŋ ya ta Enyɛnpe Ebɔrɛ be ŋkre be deka nɛ an daŋ kplaŋ so saŋɛ so nɛ Sɔɔl daa la ewura na.”

1 Kronikɛls 13:3 ပူးပေါင်းရင်းမြစ်များ

1 Kronikɛls 13:2

Kumo be kaman nɛ e kaŋɛ Israɛlebi na kikɛ le: “Nɛ kepar menyi nsaa la Enyɛnpe Ebɔrɛ gba be kepar, kumo ere men shin nɛ an shuŋi mbɔ anyi be basa nɛ b ka na nɛ bɔrɛmatapoana na nɛ Livaiebi nɛ b wɔ bumo be nde to na kutɔ ŋ kaŋɛ bumo nɛ b ba anyi kutɔ nfe.

1 Kronikɛls 13:4

E ka sa le be nfɛra ere n loge, nɛ kumo be loŋ par basa na kikɛ ga nɛ b shuli kumo be loŋ.

1 Kronikɛls 15:13

Ŋkpal men ka daa maŋ wɔtɔ nɛ men sulɔ kumo sososo na so, Enyɛnpe Ebɔrɛ daŋ gberge anyi kusoe nna ŋkpal anyi ka daa maŋ wora kusɔ nɛ k daga so.”

Nshɛ 132:6

Jemanɛ nɛ an daa wɔ Bɛtlɛhɛm na, nɛ an nu fanɛ Enyɛnpe Ebɔrɛ na be ŋkre be deka na daa wɔ kakpa ko nɛ k mata kakpa nɛ baa tre Jearim na.

1 Samuɛl 14:18

Ndoŋ nna nɛ Sɔɔl kaŋɛ Ahija nɛ e daa la bɔrɛmatapo na le: “Ba nɛ an bishi Ebɔrɛ kusɔ nɛ e bee sha fanɛ an wora.”

1 Samuɛl 14:36

Kumo be kaman nɛ Sɔɔl kaŋɛ le: “Men shin nɛ an ya kɔ Filistiebi na kanyɛ ere kikɛ hale n ya fo karechɛso m mɔ bumo kikɛ nseŋ muu bumo be asɔ kikɛ.” Ndoŋ nna nɛ b kaŋɛ le: “Anyeeŋ wora kusɔ kama nɛ fee sha.” Nɛ bɔrɛmatapo Ahija malɛ kaŋɛ le: “Men shin nɛ an bishi Ebɔrɛ kusɔ nɛ anyeeŋ wora.”

1 Samuɛl 22:10

Nɛ Ahimɛlɛk bishi Enyɛnpe Ebɔrɛ kusɔ nɛ k daga Deevid ka wora nseŋ sa Deevid ajibi. E ta Goliɛf nɛ e la Filisti be esa na be tokobi gba n ti so n sa mo.”

1 Samuɛl 22:15

Mannɛ kede e la ma sososo ŋ ka bee malga Ebɔrɛ kutɔ ŋkpal Deevid so. Kumo alɛ be loŋ maŋ naŋ dii fo agbo kikɛ. Nɛ manɛ be kulubi nɛ mee fin fo? Sa maŋ wu ma ŋko ma kanaŋ to be esa kikɛ kulubi ŋkpal le be asheŋ ere so!”

1 Samuɛl 23:2

nɛ e bishi Enyɛnpe Ebɔrɛ le: “N ya kɔ Filistiebi na kena a?” Nɛ Enyɛnpe Ebɔrɛ kaŋɛ le: “Mm, ya kɔ bumo kena nseŋ mɔlga Kiilaebi.”