1 Kronikɛls 13:1 - EBƆRƐ BE KAWƆL

¹ Ewura Deevid daŋ tre mbe benapo be benimu nɛ baa keni benapo be ntuŋ kagboŋ kagboŋ nɛ kalfa kalfa so na nna nɛ mo nɛ bumo to jina.

1 Kronikɛls 13:1 ပူးပေါင်းရင်းမြစ်များ

2 Samuɛl 6:1

Nɛ Deevid naŋ tre mbe benapo lempo ŋgboŋ adesa ashi Israɛl be efuli so m ba abar so,

2 Bewura 23:1

Ewura Josaya daŋ tre Juda nɛ Jerusalɛm be bejuŋkparpo kikɛ m ba abar so

1 Kronikɛls 12:14

Gad be yiri to be basa ere be beko daa la benapo be benimugboŋ nɛ b daa keni benapo be katuŋ kagboŋ so nna nɛ beko malɛ la benimu nɛ baa keni benapo be katuŋ kalfa so.

1 Kronikɛls 12:20

Benapo nɛ b daŋ shi Manase be yiri to n ya ti Deevid so saŋɛ so nɛ e bɛta a yɔ Ziklag na e daa la Adna nɛ Jozabad nɛ Jedial nɛ Maikel nɛ Jozabad nɛ Elihu nɛ Zilletai. Bumo b ekama daa keni benapo kagboŋ be katuŋ so ashi Manase be yiri to nna.

1 Kronikɛls 12:40

Isaaka nɛ Zɛbyulɔn nɛ Naftali be eyiri nɛ b wɔ kufɔ na daŋ sulɔ ajibi nɛ nyifu nɛ asɔrso nɛ baa tre greep na be awɔlso nɛ asɔnuuso nɛ ɔlif be ŋku, ekurma nɛ enyɔma nɛ egbolufɛlso so nna. B daŋ bar ana nɛ mbolpɔ gba ndoŋ m ba mɔ n ji. Ade kikɛ daa ŋini kagbenefuli nɛ b nya efuli na so nna.

1 Kronikɛls 13:2

Kumo be kaman nɛ e kaŋɛ Israɛlebi na kikɛ le: “Nɛ kepar menyi nsaa la Enyɛnpe Ebɔrɛ gba be kepar, kumo ere men shin nɛ an shuŋi mbɔ anyi be basa nɛ b ka na nɛ bɔrɛmatapoana na nɛ Livaiebi nɛ b wɔ bumo be nde to na kutɔ ŋ kaŋɛ bumo nɛ b ba anyi kutɔ nfe.

2 Kronikɛls 1:2

Kachako nɛ ewura Sɔlɔmɔn kaŋɛ mbe benapo be benimuana nɛ b daa keni benapo kagboŋ be katuŋ so nɛ benapo kalfa be katuŋ so nɛ ekrachi nimuso nɛ kanaŋ to be benimuana nɛ basa nɛ b ka na kikɛ nna kenishipereso

2 Kronikɛls 29:20

Epul to nɛ ewura Hɛzekaya tre kade na to be benimuana na nɛ b yɔ bɔrɛlambu na to.

Aŋasa 15:22

Ŋkre lela kikɛ bee shi kasotoji lela to nna. Kechena ŋ kre asheŋ nɛnɛ pɔɛŋ nseŋ wora e naa shin nɛ asheŋ bee nite nɛnɛ.

Matiu 25:16

Kenya nɛ e daŋ nya ebɔtɛ anu na ya fara epul na to n ta mbe amansherbi na a ji yawu n naŋ nya ebɔtɛ anu be tɔnɔ n ti so.