1 Kronikɛls 12:8 - EBƆRƐ BE KAWƆL

⁸ Gad be yiri na to be basa ko gba daŋ ya tu Deevid ashi mbe kumɔlga be kakpa lempo keshishɛrsawule na so nna nseŋ ki mbe benapo. Bumo alɛ gba daa la benapo lempo nna nsaa nyi kananɛ baa ta asɔ kuŋso nɛ ekpa a kɔ kena nsaa gbir kenishi fanɛ ebuluŋ nseŋ naa du wurɛwurɛbi malɛ fanɛ kebee so be chibir.

1 Kronikɛls 12:8 ပူးပေါင်းရင်းမြစ်များ

2 Samuɛl 1:23

Kemaŋkura nɛ kasha nɛ basa daa kɔ n sa Sɔɔl nɛ Jonatan na daa shi ga. Bumo alɛ be ŋkpa nɛ luwu kikɛ malɛ to, b maŋ yige abar. B daa du manaŋ manaŋ a chɔ kajɔnɔkoso, nsaa kɔ eleŋ malɛ a chɔ ebuluŋ.

2 Samuɛl 17:10

nɛ benapo kama nɛ b kɔ kenyɛn fanɛ ebuluŋ gba e fara a lɔ kufu, ŋkpal manɛ so Israɛl ebi kikɛ nyi fo tuto ka la enapogboŋ nɛ mbe basa malɛ bee kɔ kena ga.

2 Samuɛl 2:18

Zeruwa gba be mbinyɛnbi asa daŋ ti bumo so. Bumo e daa la Jɔab nɛ Abishai nɛ Asahɛl. Ndoŋ nna nɛ Asahɛl nɛ e daa shile ga fanɛ chibir na,

2 Samuɛl 23:20

Jehowada pibinyɛn Bɛnaya nɛ e shi Kabziil na gba daa la enapo lempo ko nna: E daa kɔ kenyɛn ga hale n daŋ mɔ Mowabebi be benapo lempo anyɔ ko. Kachako gba e daŋ lar bɔrɛ nɛ abɔrɛjembubi to nna n ya gbelge kejamaŋ to m mɔ buluŋ.

1 Kronikɛls 11:16

Loŋ be jemanɛ na nɛ Deevid malɛ wɔ kumɔlga be kakpa lempo ashi kebee na so nɛ Filistiebi ko malɛ wɔ Bɛtlɛhɛm.

1 Kronikɛls 11:22

Jehowada pibinyɛn Bɛnaya nɛ e shi Kabziil na daa la enapo lempo nna. E daŋ ji kenyɛn ekpa damta so ga hale m mɔ Mowab be benapo lempo anyɔ ko. Kachako nɛ e daŋ lar bɔrɛ nɛ abɔrɛjembubi to n ya gbelge kejamaŋ to m mɔ buluŋ.

1 Kronikɛls 12:16

Saŋko Bɛnjamin nɛ Juda be benapo be katuŋ ko daŋ yɔ Deevid kutɔ nna ashi kumɔlga be kakpa lempo na.

1 Kronikɛls 12:9

Kananɛ b bɛ abar so nde. Eza e daa la bumo be ejuŋkparpo, n ta Obadaya m bɛ so n ta Eliab nɛ Mishmana nɛ Jɛremaya nɛ Attai nɛ Eliɛl nɛ Johanan nɛ Elzabad nɛ Jɛremaya nɛ Makbanaya.

2 Kronikɛls 25:5

Ewura Amaziya daŋ shuŋi nna n tre Juda nɛ Bɛnjamin be eyiriana to be benyɛn nɛ b fo nfɛ adunyɔ m baŋ so na n shin nɛ b barga to n yili mbuna mbuna so, nɛ e lara benapo be benimu nɛ baaŋ baa keni basa kagboŋ kagboŋ be ntuŋ so nɛ basa kalfa kalfa be ntuŋ so n sa bumo. Benyɛn nɛ b daŋ fo ekpa nɛ abɛlso be asɔkuŋso be keta ŋ kɔ kena na kikɛ daa la basa ŋgboŋ alfa asa nna.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Aŋasa 6:5

Wora ania n lar kesheŋ na to manaŋ, fanɛ kananɛ kusɔbɔya ŋko kabuibi nɛ e wɔ kejigbelɛ to bee wu ekpampo nsaa kɔ a fin kumɔlga kumo be kumu na.

Sɔlɔmɔn 8:14

N jipo lela shile manaŋ fanɛ chibir ka shi kebeegboŋ nɛ ndibi nɛ amo be efɛa wɔ ebel yil so na, m ba ma kutɔ.

Jɛremaya 46:9

Kaŋɛ egbaŋɛ na kenishipereso fanɛ b baa shile a yɔ nɛ egbaŋɛturko na malɛ e baa shil a chɔ so! Kaŋɛ menyi be esoji na fanɛ b lar m bɛ abar so a yɔ, Itiopiaebi nɛ Libiyaebi na e keta abɛlso be asɔ kuŋamuso, Lidiya be basa na keta ata nɛ atanyembi nna.’ ”

1 Samuɛl 23:14

Deevid daŋ ya ŋana abeelaŋ nɛ a wɔ keshishɛrsawule nɛ baa tre Ziif na to nna. Sɔɔl daŋ baa fin mo nna saŋkama, ama Ebɔrɛ daa maŋ ta Deevid m bɔɔ mo enɔ.

1 Samuɛl 23:29

Kede be kaman nɛ Deevid lar ndoŋ n ya ŋana kakpa nɛ k beeŋ baa du kpakpa nɛ b wu mo ashi Engedi be kebonfu so.

1 Samuɛl 24:22

Nɛ Deevid nase kɔnɔ fanɛ e beeŋ wora loŋ. Ade kikɛ be kaman nɛ Sɔɔl bɛta n yɔ epe nɛ Deevid malɛ nɛ mbe basa bɛta n yɔ bumo be eŋanakpa.