1 Kronikɛls 12:20 - EBƆRƐ BE KAWƆL

²⁰ Benapo nɛ b daŋ shi Manase be yiri to n ya ti Deevid so saŋɛ so nɛ e bɛta a yɔ Ziklag na e daa la Adna nɛ Jozabad nɛ Jedial nɛ Maikel nɛ Jozabad nɛ Elihu nɛ Zilletai. Bumo b ekama daa keni benapo kagboŋ be katuŋ so ashi Manase be yiri to nna.

1 Kronikɛls 12:20 ပူးပေါင်းရင်းမြစ်များ

1 Kronikɛls 12:19

Manase be yiri to be benapo ko daŋ ya ti Deevid be benapo so nna saŋɛ nɛ e daŋ lar n ya tu Filistiebi na nɛ e kɔ ewura Sɔɔl kena na. E daa maŋ naŋ chɛ Filistiebi na to ŋkpal manɛ so b daa fɛ nna fanɛ e beeŋ debɔr bumo ŋ ŋini mo nyɛnpe dra Sɔɔl. Amoso b daŋ shin nna nɛ Deevid bɛta n yɔ Ziklag.

1 Kronikɛls 12:21

B daa la benapo lempo nna. Ŋkpal loŋ so nɛ Deevid ta bumo ŋ ki mbe benapo be benimu. Bumo e daa chɛ mo to a kɔ mo doŋana nɛ baa ta kena a purgi basa na.

1 Kronikɛls 8:20

Elianaya nɛ Ziletai nɛ Eliɛl nɛ

Ɛksodɔs 18:21

Ama a daga fanɛ fo lara benyɛn nɛ b kɔ kabɔrɛŋana nsaa la basa nɛ esa beeŋ tiŋ n yirda nɛ baaŋ tiŋ n shuŋ fo kushuŋ ere ashi basa na to. Shin nɛ b ki bejuŋkparpo a keni basa kagboŋ kagboŋ so nɛ basa kalfa kalfa so nɛ basa adununu so nɛ basa kudu kudu so.

Ditɛronɔmi 1:15

Ndoŋ nna nɛ n shin nɛ basa nɛ men lara eyiriana na to nɛ b nyi asheŋ nsaa kɔ kenyi nɛ kepinto nɛnɛ na ki menyi be bejuŋkparpo. Beko daa keni basa kagboŋ so, nɛ beko daa keni basa kalfa so, nɛ beko bee keni basa adunu so nɛ beko malɛ bee keni basa kudu so.

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”

1 Samuɛl 29:11

Ndoŋ nna nɛ Deevid nɛ mo braana na wule ŋ koso kachipurdidi m pɛ Ziklag be ekpa nɛ Filisti be benapo na malɛ lar n yɔ Jizreel nɛ b ya kɔ Israɛlebi na kena.

1 Samuɛl 29:3

Filisti be benapo be benimu na ka wu bumo, nɛ b bishi le: “Manɛ nɛ Israɛlebi ere bee wora nfe?” Nɛ Akish kaŋɛ le: “Deevid nɛ e daa la Sɔɔl nɛ e la Israɛl be ewura be kayɛrbi na nna? E wɔ ŋ kutɔ nfe n chɛr ga. Yili jemanɛ nɛ e ba ŋ kutɔ na malɛ m ba fo mbre m maŋ wu kulubi ko ashi mo so.”

1 Samuɛl 29:4

Ama Filisti be benapo be benimu na daŋ nya agbo nna n wɔtɔ Akish nseŋ kaŋɛ mo le: “Shin nɛ kanyɛn na e bɛta a yɔ kade nɛ fo sa mo na to. Sa maŋ shin nɛ e tu anyi n yɔ kena na to. Nɛ mannɛ aloŋ, e beeŋ naŋ kilgi a kɔ anyi nɛ Sɔɔl e kpal loŋ so n naŋ sɔ mo ŋ ki mbe benapo be enimu.