1 Kronikɛls 12:18 - EBƆRƐ BE KAWƆL

¹⁸ Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

1 Kronikɛls 12:18 ပူးပေါင်းရင်းမြစ်များ

2 Samuɛl 15:21

Nɛ Ittai kaŋɛ ewura na le: “Yiramu, ŋkpal Enyɛnpe Ebɔrɛ nɛ e la ma shɛdajipo na so, kaplɛkama nɛ fee yɔ, hale nɛ k la luwu to nna gba, ma nɛ fo beeŋ yɔ.”

2 Samuɛl 17:25

Absalɔm daŋ ta Amasa nna n yili benapo na be enimu Jɔab be eyilikpa. Jɛta nɛ e la Ishmaɛl be kanaŋ to be esa na pibinyɛn e daa la Amasa. Nahaash be mbicheso e daa la Abigɛl, nɛ e la Amasa mo nio na nɛ Zeruwa nɛ mo alɛ la Jɔab mo nio na. Abigɛl mo sipo e daa la Zeruwa.

2 Samuɛl 19:13

Kumo be kaman nɛ ewura Deevid naŋ kaŋɛ bumo fanɛ b kaŋɛ Amasa malɛ le: “Ŋkpal fo ka la ŋkurgepo so, yili kabre a yɔ, fo e naaŋ ki benapo nɛ Jɔab bee keniso na be enimu. Nɛ m baa maŋ wora loŋ, Ebɔrɛ e bishi ma!”

2 Samuɛl 5:2

Dra kikɛ, hale saŋɛ so nɛ Sɔɔl daa la anyi be ewura na gba, fo e naa juŋkpar Israɛlebi a yɔ kena to. Enyɛnpe Ebɔrɛ na e yili kumo fanɛ, fo e naŋ ki anyi be ejuŋkparpo nɛ ewura, a keni anyi so fanɛ kananɛ mbolpɔkpapo bee keni mbe mbolpɔ so na.”

1 Bewura 9:22

Ewura Sɔlɔmɔn daa maa tintiŋ Israɛlebi na bre nɛ baa shuŋ ashuŋ kpakpaso ama e daŋ ta bumo be beko nna ŋ ki benapo n ta beko malɛ ki benapo be benimu n ta beko ŋ ki egbaŋɛturko be benimu nɛ beko malɛ bee dii egbaŋɛ a kɔ kena.

2 Bewura 10:15

Jehu ka naŋ lar a yɔ, nɛ e ya tu Rekab pibinyɛn Jonadab. Ndoŋ nna nɛ Jehu chɔrɔ mo nseŋ bishi mo le: “Ma nɛ fo kikɛ be nfɛra la kukoŋwule nna. Feeŋ chɛ ma to a?” Nɛ Jonadab yɛ: “Mm, meeŋ chɛ fo to.” Ndoŋ nna nɛ Jehu kaŋɛ mo le: “Kumo ere ta fo enɔ n sa ma.” Nseŋ pɛ mbe enɔ to ŋ gberge mo nɛ e luri gbaŋɛturko na to,

2 Bewura 10:5

Ndoŋ nna nɛ krachi nɛ e bee keni ewura be laŋ to ebi so na nɛ enimu nɛ mo alɛ bee keni kade na so na nɛ benimuana na nɛ bumo kurgepoana na, ta le be kubɔya ere n ya sa Jehu. B yɛ: “An la fo nyɛrbi nna, anyi alɛ wora shiriya nɛ an wora kusɔ kama nɛ fo kaŋɛ anyi. Anyi maaŋ buu ekama kuwura, amoso wora kusɔ kama nɛ fee fɛ fanɛ k walɛ.”

2 Bewura 9:32

Ndoŋ nna nɛ Jehu maŋ kumu so ŋ keni tokuro na ase m ponte ŋ kaŋɛ: “Wanɛ e bɛ ma so?” Nɛ ewura be laŋ to be benimuana yili tokuro na ase a jule a keni mo.

1 Kronikɛls 11:11

Benapo lempo na be ejuŋkparpo e daa la Jashobiam nɛ e la Hachmɔn pibinyɛn na. Mo e daa la benapo lempo na to be bekpakpaso asa be enimu na. Mo e daŋ ta kekpa m mɔ benapo alfa asa ashi kena koŋwule to na.

1 Kronikɛls 12:17

Ndoŋ nna nɛ Deevid daŋ lar n ya tu bumo nseŋ kaŋɛ bumo le: “Nɛ men la beteri nɛ baa ba nɛ b ba chɛ ma to ŋ kɔ nna bre, kumo ere mee wora menyi ansaŋ nɛ keba. Ama nɛ fanɛ men ba nna nɛ men ba debɔr ma ŋ ŋini ma doŋana saŋɛ nɛ m maŋ wora menyi kulubi kikɛ ere, an nananyɛnana be Ebɔrɛ na beeŋ gberge menyi kusoe.”

1 Kronikɛls 2:17

Abigɛl mo kul be ketre e daa la Jɛta nɛ e daŋ shi Ishmaɛl be kanaŋ to. Bumo pibinyɛn be ketre e daa la Amasa.

Aizaaya 59:17

E beeŋ ta keji asheŋ nɛ amo be ekpa so m buu fanɛ enapo be kebɛlso be kekpaŋkale nɛ kumɔlga malɛ gba m buu fanɛ enapo be kebɛlso be kekpaŋwuro. Mo alɛ beeŋ naŋ ta kewora asheŋ ekpa nɛ k daga so kenishipereso fanɛ kusɔbuuso m buu nseŋ sɔ basa nɛ baa ji awurfoŋ be kɔnɔ so ŋ ka kulubi kukɔ.

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Matiu 12:30

Esa kama nɛ e maŋ la n teri la n doŋ nna nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna.

Galeeshaebi 6:16

Ebɔrɛ be kagbenewushi nɛ mbe kuwɔr e baa wɔ bekama nɛ baa bɛ le be kesheŋ ere so n ti Ebɔrɛ be basa kikɛ so.

Demujipoana 13:25

Kachako Samsɔn ka daa wɔ mboŋ nɛ baa tre Zora nɛ Ɛshtaɔl be kefɛato ashi Dan be keeyi to na nɛ Enyɛnpe Ebɔrɛ na be Kiyoyu na fara a sa mo eleŋ.

Demujipoana 3:10

Enyɛnpe Ebɔrɛ na be Kiyoyu e daŋ gbelge Ofniɛl so nɛ e ki Israɛl be efuli so be ejuŋkparpo nseŋ juŋkpar bumo n ya kɔ Mɛsopoteemia be ewura, Kushan Rishateem kena. Ndoŋ nna nɛ Enyɛnpe Ebɔrɛ na shin nɛ Ofniɛl kɔ m pɔɔ so.

Demujipoana 6:34

Ndoŋ nna nɛ Enyɛnpe Ebɔrɛ na be Kiyoyu ba Gidiɔn so nɛ e foŋ kabel n tre Abiyeza be kabuna be benyɛn kikɛ fanɛ b ba bɛ mo so,

Ruf be kawɔl 1:16

Nɛ Ruf kaŋɛ mo: “Sa maa kaŋɛ ma fanɛ n yige fo m bɛta a yɔ epe. Kaplɛkama nɛ fee yɔ, ndoŋ nɛ meeŋ yɔ. Kakpa nɛ feeŋ ya kaa wɔ, ndoŋ nɛ meeŋ baa wɔ. Fo basa beeŋ baa la ma basa nɛ fo Ebɔrɛ e baa la ma Ebɔrɛ.

1 Samuɛl 16:4

Ndoŋ nna nɛ Samuɛl wora kusɔ nɛ Enyɛnpe Ebɔrɛ kaŋɛ fanɛ e wora na nseŋ yɔ Bɛtlɛhɛm, nɛ ndoŋ be benimuana na ba mo kutɔ m ba kaa chicha kufuso, nseŋ bishi le: “Kagbenewushi so nɛ fo ba ere a?”

1 Samuɛl 16:5

Nɛ Samuɛl yɛ: “Mm. M ba nna nɛ m ba lara sarga n sa Enyɛnpe Ebɔrɛ, amoso men lara alubi ashi men be ŋgbene to pɔɛŋ nseŋ ba ŋ kutɔ.” Kumo be kaman nɛ e kaŋɛ Jɛsi nɛ mbe mbia fanɛ b lara kulubi ashi bumo be ŋgbene to pɔɛŋ nseŋ ba kakpa nɛ baa lara sarga na.

1 Samuɛl 22:7

Nɛ e kaŋɛ mbe benimuana na le: “Men nu nfe! Men la Bɛnjamin be kaman to ebi nna, amoso men baŋ shin nɛ Jɛsi pibinyɛn ere ki ewura, e maaŋ sa menyi kudɔsawule ŋko ndibi nɛ baa tre Greep na be adɔ. Mo alɛ maaŋ naŋ ta menyi ŋ ki mbe benapo ŋgboŋ ŋgboŋ nɛ kalfa kalfa be bejuŋkparpoana fanɛ kananɛ n ta menyi ŋ ki ere.

1 Samuɛl 24:12

Enyɛnpe Ebɔrɛ nawule e naaŋ ji anyi kikɛ demu m pin emo nɛ e wora n foe ekpa. Mo alɛ beeŋ gberge fo kusoe ŋkpal kusɔ nɛ fo wora ma ere so. Ama ma ere maaŋ wora fo shɛŋ.

1 Samuɛl 24:13

Dra kikɛ nɛ baa bɔ keŋasa a kaŋɛ fanɛ: ‘Basa lubi e naa wora kulubi.’ Amoso ma ere maaŋ wora fo kulubi kikɛ.

1 Samuɛl 24:16

Deevid ka malga n loge nɛ Sɔɔl kaŋɛ le: “M pibi Deevid, fo nna a?” Kumo be kaman nɛ e fara a shu awɔrso

1 Samuɛl 8:12

E beeŋ lara bumo be beko nɛ b ki benapo ŋgboŋto ŋgboŋto be benimu nɛ beko malɛ e ki benapo adununu be benimu. E beeŋ shin nɛ bumo be beko e baa dɔ mo nɛ beko malɛ e baa teŋi mbe asɔ nɛ beko e baa wora akɔsɔ nɛ mbe egbaŋɛturko be asɔ.