1 Kronikɛls 11:8 - EBƆRƐ BE KAWƆL

⁸ E daŋ shin nna nɛ b yili kebee na be epeŋilarkpa be kaba so be kakpa nɛ b sulɔ shishɛr m mata na n lɔŋɛ kade na m pɔr nɛ Jɔab malɛ pɔr kakpa nɛ k ka na n chɛ so.

1 Kronikɛls 11:8 ပူးပေါင်းရင်းမြစ်များ

1 Bewura 11:27

Kananɛ asheŋ na daŋ nite nde. Ewura Sɔlɔmɔn daa lɔŋɛ Jerusalɛm be egbal na nna a pɔr nseŋ shin nɛ baa sulɔ ajembu a wɔtɔ kemaŋ nɛ k wɔ kumo be epeŋilarkpa be kaba so na to.

1 Bewura 9:15

Ewura Sɔlɔmɔn daŋ tintiŋ basa nna nɛ b pɔr bɔrɛlambu na nɛ ewura be laŋ na nseŋ sulɔ ajembu m mata kade na be epeŋilarkpa be kaba so be egbal na. Kumo be kaman nɛ e shin nɛ b pɔr egbal ŋ kulti kade na kikɛ. E daŋ shin nɛ b lɔŋɛ m pɔr Hazɔɔ nɛ Majido nɛ Gaza be nde gba nna.

2 Bewura 12:20

Shimei pibinyɛn Jozabad nɛ Shoma pibinyɛn Jehozabad nɛ b la ewura Jɔash be benimuana na e kre mbe kemɔ nseŋ mɔ mo ashi kowu nɛ b pɔr n yili kasawule nɛ k wɔ Jerusalɛm be epeŋilarkpa be kemantaŋ nɛ b sulɔ shishɛr n wɔtɔ nɛ k mata kade nɛ baa tre Silla na. Jerusalɛm nɛ k la ewura Deevid be kade to be kakpa nɛ baa puli bewura na, nɛ b daŋ puli Jɔash nɛ mo pibi Amaziya malɛ sɔ mo so n ji kuwura.

1 Kronikɛls 11:7

Deevid daŋ ya chena kumɔlga be kakpa lempo na nna amoso nɛ b daa tre kumo “Deevid be kadegboŋ na.”

1 Kronikɛls 11:9

Ŋkpal Enyɛnpetale ka daa wɔ Deevid kutɔ so, mbe kuwurji daŋ baa nya eleŋ nna a ti so saŋkikɛ.

Nehemaya 4:2

Le nɛ e kaŋɛ mo braana nɛ Samɛria be benapo be anishito: “Manɛ nɛ Juwebi, basa pɔso be katuŋ ere bee fɛ fanɛ baa wora ere? Baa sha keta kachɛ koŋwule nna n lɔŋɛ egbal na m pɔr nseŋ lara esarga loŋ be kachɛ koŋwule na gbagba a? Baa fɛ fanɛ baaŋ tiŋ n ta ajembu nɛ a chɔɔ m biti abar so ere n lɔŋɛ kusɔ ko a?”

Demujipoana 9:20

Ama nɛ fanɛ kusɔ nɛ men wora Gidiɔn nɛ mbe kanaŋ ere maŋ daga, kumo ere edɛ e shi Abimelɛk kutɔ m ba chɔɔ menyi, Shɛkɛm be benimu nɛ bɔrɛmatapoana nɛ benapo nimusoana na m mur. Kumo be kaman nɛ edɛ e shi menyi alɛ gba kutɔ n chɔɔ Abimelɛk m mur!”

Demujipoana 9:6

Kumo be kaman nɛ Shɛkɛm be benimu nɛ bɔrɛmatapoana nɛ benapo nimusoana na kikɛ shɛr kedibi gboŋgboŋi nɛ k yil m mata kefalta cheembi nɛ k wɔ Shɛkɛm na be kifito nɛ b buu Abimelɛk kuwura.