1 Kronikɛls 11:5 - EBƆRƐ BE KAWƆL

⁵ Jebusiebi na daŋ kaŋɛ Deevid nna fanɛ e maaŋ tiŋ n luri bumo be kade na to kikɛ, ama Deevid daŋ ya tiŋ ŋ kɔ n sɔ kebeegboŋ nɛ baa tre Zayɔn na be kumɔlga be mboŋ lempo kikɛ nna nɛ kade na ki Deevid be kade to.

1 Kronikɛls 11:5 ပူးပေါင်းရင်းမြစ်များ

2 Samuɛl 5:9

B ka sɔ kumɔlga be kakpa lempo na n loge, nɛ ewura Deevid chena ndoŋ nseŋ nase kumo “Deevid be kade.” Kumo be kaman nɛ e pɔr nwu m bɛ abar so n chambɔ kumo ashi kebee nɛ k wɔ ndoŋ be epeŋilarkpa be kaba so na.

2 Samuɛl 6:10

E daŋ yili mbe nfɛra nna fanɛ e maaŋ naŋ yɛr kumo Jerusalɛm to, amoso e daŋ ta ŋkre be deka na nna ŋ gbɛ n ya yili Obɛd Edɔm nɛ e la Gaaf be kadetobia na be laŋ to.

2 Samuɛl 6:12

Ewura Deevid ka nu fanɛ ŋkpal ŋkre be deka na ka wɔ Obɛd Edɔm be laŋ to so, nɛ mo nɛ mbe kanaŋ kikɛ nya nɛfa na nɛ e lara kumo laŋ na to n yɔ Jerusalɛm nɛ kagbenefuli.

1 Bewura 8:1

B ka pɔr bɔrɛlambu na n loge be kaman nɛ Ewura Sɔlɔmɔn shuŋi n tre bejuŋkparpoana na kikɛ nɛ Israɛl be eyiriana nɛ mbuna mbunaana be benimuana kikɛ fanɛ b ba shɛr Jerusalɛm n ta Enyɛnpe Ebɔrɛ be ŋkre be deka na ashi Zayɔn nɛ k la Deevid be kade to na n yɔ bɔrɛlambu na to.

1 Kronikɛls 11:4

Ewura Deevid daŋ keta Israɛl be benapo kikɛ nna n ya kɔ Jerusalɛmebi. Loŋ be jemanɛ na nɛ b daa tre Jerusalɛm Jebusi nna. Jebusiebi na e daŋ juŋkpar n chena Jerusalɛm be kasawule na so.

1 Kronikɛls 11:6

Ewura Deevid daŋ kaŋɛ mbe benapo nna le: “Ekama nɛ e baŋ juŋkpar m mɔ Jebusi be esa e naŋ ki ma benapo kikɛ be enimu!” Ndoŋ nna nɛ Jɔab nɛ mo nio la Zeruwa na, juŋkpar n yɔ kena na to nɛ b ta mo ŋ ki benapo na kikɛ be enimu.

1 Kronikɛls 11:7

Deevid daŋ ya chena kumɔlga be kakpa lempo na nna amoso nɛ b daa tre kumo “Deevid be kadegboŋ na.”

2 Kronikɛls 5:2

Kumo be kaman nɛ ewura Sɔlɔmɔn shuŋi n tre bejuŋkparpoana na kikɛ nɛ Israɛl be eyiriana nɛ mbuna mbunaana kikɛ fanɛ b ba shɛr Jerusalɛm to, saŋɛ na so baaŋ lara Enyɛnpe Ebɔrɛ be ŋkre be deka ashi Zayɔn nɛ k la Deevid be kade to na n yɔ bɔrɛlambu na to.

Nshɛ 122:5

Ndoŋ nɛ Israɛl be bewura bee chena a ji bumo be basa demu.

Nshɛ 132:13

Enyɛnpe Ebɔrɛ na e lara Zayɔn be kebee ashi Jerusalɛm to, nɛ k baa la mbe echenakpa.

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 48:2

Mbe kebeegboŋ cheembi na du jeŋgreŋ nna nsaa walɛ. Nɛ Ebɔrɛ Ewurgboŋ nɛ e wɔ kumo so na bee sa durnya to be basa kikɛ kagbenefuli.

Nshɛ 78:68

Juda be yiri to ebi nɛ Zayɔn be kebee nɛ e daa sha ga ashi Jerusalɛm to na nɛ e daŋ lara n yili n sa mbe kumu.

Nshɛ 87:2

Mo alɛ bee sha kadegboŋ na a chɔ kade kikɛ ashi Israɛl be efuli na kikɛ so.

Nshɛ 87:5

Kashenteŋto, kusɔ nɛ baaŋ baa kaŋɛ a laŋɛ Jerusalɛm be kaplɛa so nde: “Jerusalɛm to nɛ b kurge kuti nɛ kuti. Enyɛnpetale Ebɔrɛ na malɛ e naa sa kumo eleŋ.”

Nshɛ 9:11

Men boŋ nshɛ n fur Enyɛnpe Ebɔrɛ nɛ e wɔ Zayɔn be kebee so a ji basa so kuwura na, n shin nɛ efuliana e nu kusɔ nɛ e wora.

Romebi 9:33

Kumo be asheŋ nɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Men keni, kejembu nɛ n ta n nase Zayɔn nɛ k bee shin nɛ basa bee fiti kumo na, kumo e la fanɛ kefalta nɛ baaŋ fiti n tɔr na. Ama ekama nɛ e yirda mo Yesu na bre maaŋ ji anishinyɔr kikɛ.”

Hibruwebi 12:22

Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.

Kelaraŋŋini 14:1

Nɛ n naŋ keni n wu Kpakpafɔlbi na ka yil Zayɔn be kebee so. Mo nɛ basa ŋgboŋ kalfa nɛ ŋgboŋ adena nɛ ŋgboŋ ana nɛ b daŋ sibɛ mbe ketre nɛ mo Tuto na be ketre n deŋi bumo be nsɔto so na e daa yil.

Demujipoana 19:10

Ama kanyɛn na daa maŋ naa sha kedi ndoŋ, nɛ mo nɛ mo jipoche nɛ bumo be kayɛrbi kre asɔ n deŋi ekurma anyɔ na so nseŋ fara a yɔ. B ka ya kaa fo kade nɛ baa tre Jebus, kumo koŋwule na e la Jerusalɛm na, nɛ kaase bee fo. Nɛ kanyɛn na be kayɛrbi na kaŋɛ mo le: “Men shin nɛ an dese Samsɔn be basa ere kutɔ n wushi.”

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.