1 Kronikɛls 11:3 - EBƆRƐ BE KAWƆL

³ Amoso Israɛlebi be bejuŋkparpoana nɛ b daŋ ba Deevid kutɔ ashi Hibrɔn na shin nɛ bumo nɛ mo wora kɔnɔkoŋwule be ŋkre ashi Ebɔrɛ be anishito nna. Kumo be kaman nɛ b ta ŋku n do mbe kumu so m buu mo Israɛl be kuwura fanɛ kananɛ Enyɛnpe Ebɔrɛ ŋini anebi Samuɛl na gbagba.

1 Kronikɛls 11:3 ပူးပေါင်းရင်းမြစ်များ

2 Samuɛl 2:4

Ndoŋ nna nɛ Juda be basa na ba Hibrɔn m ba duga ŋku n do Deevid be kumu so a ŋini fanɛ b buu mo Juda be kuwura. Deevid ka nu fanɛ Jabesh nɛ k wɔ Giliad na be basa e puli Sɔɔl,

2 Samuɛl 5:3

Amoso Israɛlebi be bejuŋkparpoana na kikɛ nɛ ewura Deevid daŋ wora kɔnɔkoŋwule be ŋkre nna ashi Ebɔrɛ be anishito nɛ b ta ŋku n do mbe kumu so m buu mo Israɛl kikɛ be kuwura.

2 Samuɛl 5:5

Nfɛ ashunu nɛ bargato nɛ e daŋ chena Hibrɔn ashi Juda be efuli so n ji kuwura, nseŋ naŋ chena Jerusalɛm malɛ n ji kuwura Israɛl nɛ Juda kikɛ be efuli so nfɛ adesa nɛ asa.

2 Bewura 11:17

Bɔrɛmatapo Jehowada daŋ shin nna nɛ mo nɛ ewura Jɔash nɛ basa na wora kɔnɔkoŋwule be ŋkre fanɛ baaŋ baa ji kashenteŋ a sa Enyɛnpe Ebɔrɛ.

2 Bewura 23:30

Ndoŋ nna nɛ mbe benimuana na ta mbe kebuni n wɔtɔ gbaŋɛturko to n yɔ Jerusalɛm n ya puli mo gbagba be nchaŋ nɛ e kur to. Kumo be kaman nɛ Juda be basa duga ŋku n wurge mo pibinyɛn Jehowahaz be kumu so n lara mo nɛ e ki Juda be ewura.

1 Kronikɛls 11:10

Enyɛnpe Ebɔrɛ daŋ nase kɔnɔ nna fanɛ Deevid beeŋ ki ewura nɛ Israɛlebi na kikɛ e yili mbe kaman. Mbe kuwurji daŋ ji eleŋ ga ŋkpal benapo lempo ko ka daŋ chɛ mo to so.

2 Kronikɛls 23:3

Bumo kikɛ daŋ ba shɛr bɔrɛlambu na to nna nɛ bumo nɛ ewura pibinyɛn Jɔash wora kɔnɔkoŋwule be ŋkre. Ndoŋ nna nɛ Jehowada kaŋɛ bumo le: “Ewura nɛ e wu na pibinyɛn nde. Mo e naŋ ki ewura naniere ŋkpal manɛ so Enyɛnpe Ebɔrɛ na nase kɔnɔ nna fanɛ ewura Deevid be kaman to ebi e naaŋ baa ji kuwura saŋkikɛ.

Demujipoana 11:11

Ndoŋ nna nɛ Jɛfta tu benimu na n yɔ nɛ b ya ta mo ŋ ki bumo be ewura nɛ bumo be benapo be ejuŋkparpo. Nɛ Jɛfta yɔ Enyɛnpe Ebɔrɛ na be anishito n ya kaŋɛ mo fanɛ e shin nɛ benimu na be kɔnɔ naseso na a bɔl so.

1 Samuɛl 11:15

Ndoŋ nna nɛ bumo kikɛ yɔ Gilgaal be kakpa nɛ baa bunyaŋ Ebɔrɛ na n ya yili kumo fanɛ Sɔɔl e la bumo be ewura. Kumo be kaman nɛ b lara kɔnɔkoŋwuleso be esarga ndoŋ nseŋ ji eyur ndoŋ ga.

1 Samuɛl 15:28

Nɛ Samuɛl kaŋɛ mo le: “Kananɛ fo baŋ kpɛa ma piŋi ere be kɔnɔso ere, loŋ gbagba na chap nɛ Enyɛnpe Ebɔrɛ gboŋi fo Israɛl be kuwurji to kabre nseŋ ta kumo m buu fo echenashapo nɛ e bɔ fo.

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”

1 Samuɛl 16:3

Fo kaŋ baa lara sarga na fo tre Jɛsi nɛ e ba ndoŋ nɛ ŋ ŋini fo kusɔ nɛ feeŋ wora. Meeŋ ŋini fo esa nɛ feeŋ chulgi ŋku na n do mbe kumu so n lara ŋ ki ewura na.”

1 Samuɛl 23:18

Ndoŋ nna nɛ bumo benyɔ kikɛ naŋ nase keteri kpakpaso be nnɔ ashi Ebɔrɛ be anishito n sa abar. Nɛ Deevid bre daŋ shir a wɔ Hɔrɛsh nɛ Jonatan malɛ yɔ epe.

1 Samuɛl 28:17

N chɛr ŋ kaŋɛ fo fanɛ Enyɛnpe Ebɔrɛ na teŋ yili kumo fanɛ e beeŋ sɔ fo kuwurji na n sa Deevid.