1 Kronikɛls 11:23 - EBƆRƐ BE KAWƆL

²³ E daŋ mɔ Ijipt be kanyɛn gboŋgboŋi ko nɛ mbe nteŋ du fanɛ ayadra ashunu nɛ bargato nɛ e daŋ keta kekpa gboŋgboŋi ko a kɔ mo, ama Bɛnaya bre daŋ ta kaprɛ nna ŋ kɔ mo nseŋ suge Ijipt be esa na be kekpa na ashi mbe enɔ to nseŋ mɔ mo.

1 Kronikɛls 11:23 ပူးပေါင်းရင်းမြစ်များ

1 Kronikɛls 11:24

Le be kenyɛn nɛ Bɛnaya nɛ e daa la benapo lempo adesa na to be eko na daŋ ji.

1 Kronikɛls 20:5

Kena ko ka naŋ koso Israɛlebi na nɛ Filistiebi na be kefɛato nɛ Jair pibinyɛn Ɛlhanan mɔ Lami nɛ e la Goliɛf nɛ e shi Gaaf na mo da na. Mbe kekpa be kedibi be bumburuŋ daa du fanɛ keyapuye nna.

Ditɛronɔmi 3:11

(Ewura Ɔg e daŋ ka edimɛdi be yiri nɛ baa tre Refaebi na be esa lalalogesopo. Kejembu nɛ b daŋ ta n lɔŋɛ deka nɛ b ta m puli mo na. Kumo be nteŋ daa sa fanɛ ayadra kuduana nɛ kumo be mparto malɛ daa sa fanɛ ayadra ashe, nɛ esa kraa beeŋ wu kumo ashi Ammɔnebi be kadegboŋ nɛ baa tre Rabba na to.)

1 Samuɛl 17:4

Kanyɛn ko nɛ baa tre Goliɛf nɛ e shi Gaaf be kade to daŋ lar Filistiebi na be keeyi to nna m ba kaa to Israɛlebi na emaŋ. E daa shibi a chɔ dimɛdi kikɛ nɛ mbe nteŋ daa sa fanɛ ayadra akpanu nɛ gbrɛbi,

1 Samuɛl 17:51

Deevid daŋ shile nna n ya pe Goliɛf be tokobi ashi kumo be efar to ŋ ku Goliɛf be kumu. Filistiebi na ka wu fanɛ bumo kikɛ to be elempo na wu, nɛ b lara keya n shile.

1 Samuɛl 17:7

Mbe kekpa be kedibi be bumburuŋ daa sa fanɛ keyapuye, nɛ kumo be kumu be egbɛ malɛ sa fanɛ kilo ashunu. Enapo ko daa juŋkpar mo nna a keta mbe kebɛlso be kusɔ kuŋso na.