1 Kronikɛls 11:19 - EBƆRƐ BE KAWƆL

¹⁹ ŋ kaŋɛ le: “M maaŋ nuu nchu ere! M baŋ nuu amo, k beeŋ baa du fanɛ ŋ ka nuu basa nɛ b ta bumo be amu ŋ kpa kelara ere be ŋklaŋ nna!” Ndoŋ nna nɛ e kini amo be kenu. Benapo lempo asa na be kenyɛn nɛ b daŋ ji nna na.

1 Kronikɛls 11:19 ပူးပေါင်းရင်းမြစ်များ

Jɛnesis 9:4

Ama men sa maŋ kaŋ we eblaŋ kama nɛ kumo be ŋklaŋ maŋ lar kumo to, ŋkpal manɛ so, ŋklaŋ na to nɛ ŋkpa wɔ.

2 Samuɛl 23:17

nseŋ kaŋɛ le: “Enyɛnpe Ebɔrɛ, nuso gba nɛ meeŋ wora n nuu nchu ere! Ma kenuu amo beeŋ baa du nna fanɛ basa nɛ b ta bumo be amu ŋ kpa kelara ere be ŋklaŋ nɛ mee nuu na!” Ŋkpal loŋ so nɛ e kini kenuu nchu na. Le be kenyɛn be ashuŋ nɛ benapo lempo asa na daŋ shuŋ.

1 Bewura 21:3

Nɛ Nabɔf kaŋɛ ewura na le: “N nananyɛnana kutɔ nɛ n ji asɔrso be kudɔ ere be kapetɛ, amoso Ebɔrɛ e baa pete ma gba nɛ n ta kumo n sa fo!”

1 Kronikɛls 11:18

Nɛ benapo lempo asa na ŋana n yɔ Filistiebi na be keeyi to n ya jɔ ketirbu nɛ k wɔ Bɛtlɛhɛm be kabunagboŋ na ase na be nchu m bar Deevid nɛ e kini amo be kenu nseŋ chulgi amo n wurge kasawule fanɛ sarga n sa Enyɛnpe Ebɔrɛ,

1 Kronikɛls 11:20

Jɔab mo da Abishai e daa la benapo adesa na be ejuŋkparpo. Mo e daŋ ta mbe kekpa m mɔ benapo alfa asa kikɛ na. Amoso mbe ketre daŋ dii nna fanɛ benapo lempo asa na.

Job be kawɔl 31:31

Esa kikɛ maŋ naŋ di akoŋ ma laŋ to kikɛ. Ma beshumpo gba nyi ŋ ka bee sɔ befɔ nɛnɛ.

Nshɛ 72:14

Mo e naa mɔlga bumo ashi kamɛaŋ nɛ awurfoŋ to, ŋkpal manɛ so, bumo be ŋkpa be asheŋ tir mo nna.

Levitikɔs 17:10

Israɛl be esa kikɛ ŋko bumo to be efɔ kikɛ baŋ ji eblaŋ nɛ ŋklaŋ kraa wɔ kumo to, Enyɛnpe Ebɔrɛ na beeŋ pal kaman n sa amodoŋwura nseŋ lara mo ashi mbe basa to.

Maak 14:24

Nɛ Yesu kaŋɛ bumo: “Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so.

Baru lela nɛ Jɔn kute na 6:55

ŋkpal manɛ so, ma eyur ere la ajibi gbagba nna nɛ ma ŋklaŋ malɛ la asɔnuuso gbagba.

Romebi 16:4

B daŋ kpal ma so nna n ta bumo be amu ŋ kpa kelara. Mee chɔrɔ bumo ga ŋkpal loŋ so, mannɛ n nawule gba malɛ e naa chɔrɔ bumo. Nnyamase be asɔriebiana na kikɛ gba bee chɔrɔ bumo ga.

1 Kɔrintebi 15:30

To, nɛ anyi alɛ ai? Manɛ e ba nɛ anyee luri kenishipere to le saŋkama ere?

Demujipoana 5:18

Ama Zɛbyulɔn nɛ Naftali be eyiri be benapo bre ta bumo be ŋkpa nna ŋ kpa kelera n yɔ kena na to.

Demujipoana 9:17

Men nyiŋi kananɛ n tuto kɔ n sa menyi. E ta mbe kumu nna ŋ kpa kelera m mɔlga menyi ashi Midianebi kutɔ.

1 Samuɛl 19:5

E ta mbe kumu gba nna ŋ kpa kelera saŋɛ nɛ e ya mɔ Goliɛf na. Kumo alɛ be loŋ e shin nɛ Enyɛnpe Ebɔrɛ kɔ n sɔ Israɛl be basa na. Fo alɛ gba ka wu kumo be loŋ nɛ fo kagbene fuli fo. Nɛ manɛ e ba nɛ fee sha kewora esa nɛ e maŋ wora shɛŋ kulubi hale a fin Deevid nɛ fo mɔ kenyanyaŋɛso?”