1 Kronikɛls 11:16 - EBƆRƐ BE KAWƆL

¹⁶ Loŋ be jemanɛ na nɛ Deevid malɛ wɔ kumɔlga be kakpa lempo ashi kebee na so nɛ Filistiebi ko malɛ wɔ Bɛtlɛhɛm.

1 Kronikɛls 11:16 ပူးပေါင်းရင်းမြစ်များ

2 Samuɛl 5:17

Filistiebi ka nu fanɛ Deevid ki Israɛl be ewura na nɛ bumo be benapo kikɛ ya ka fin mo nɛ b pɛ. Deevid malɛ ka nu loŋ nɛ e shile n yɔ kakpa nɛ e beeŋ nya kumɔlga.

1 Kronikɛls 11:17

Ndoŋ nna nɛ achukoŋ pɛ Deevid nɛ e kaŋɛ le: “Nɛ esa ko daa beeŋ ya jɔ Bɛtlɛhɛm be kabunagboŋ na ase be ketirbu na be nchu m bar ma nɛ n nu nna, k daa beeŋ par ma ga!”

Nshɛ 142:1

Mee shu a tre Enyɛnpe Ebɔrɛ nna; a kule mo fanɛ e wu ma kuwɔr.

1 Samuɛl 10:5

Kumo be kaman nɛ fo yɔ Gibia, kakpa nɛ Filistiebi be benapo be keeyi to wɔ na. Fo baa luri kade na to, feeŋ tu anebiana be katuŋ ko nɛ b bɛ abar so n shi kakpa nɛ baa bunyaŋ Ebɔrɛ na a gbelge to a ba nɛ b juŋkpar bumo a laŋ ejaŋjilaŋ nɛ ŋkure nɛ egoji nsaa foŋ nlopi nɛ bumo alɛ bee wu asheŋ a kaŋɛ.

1 Samuɛl 13:23

Ndoŋ nna nɛ Filistiebi na shuŋi benapo be katuŋ ko fanɛ b yɔ Mikmash n ya kuŋ ekpa nɛ k dese m bɔla abee na to na.

1 Samuɛl 13:4

Nɛ mbɔ na kaŋɛ Israɛl be basa le: “Sɔɔl mɔ Filistiebi be benapo be enimu na ashi Gɛba nɛ Israɛlebi be asheŋ pɛ Filistiebi na agbo ga, amoso k daga fanɛ kade kikɛ ka lara benapo nɛ b ya ti Sɔɔl be benapo so ashi Gilgaal.”

1 Samuɛl 22:1

Ndoŋ nna nɛ Deevid shile Gaaf be kade to n yɔ kebeelaŋ ko nɛ k mata kade nɛ baa tre Adulam na to. Mo daana nɛ mbe kanaŋ nɛ b ka na ka nu fanɛ e wɔ ndoŋ nɛ b yɔ ndoŋ n ya tu mo.

1 Samuɛl 22:4

Nɛ Mowab be ewura na shuli nɛ Deevid shin nɛ mo tuto nɛ mo nio ya kaa wɔ ewura na kutɔ nɛ Deevid bre kraŋ ŋana.

1 Samuɛl 22:5

Ndoŋ nna nɛ anebi Gad kaŋɛ Deevid le: “Sa maŋ chena nfe. Bɛta n yɔ Juda be kasawule so manaŋ.” Nɛ Deevid lar n yɔ Hɛrɛf be kupo to.

1 Samuɛl 23:25

Ndoŋ nna nɛ Sɔɔl nɛ mbe benapo lar nɛ b ya fin Deevid, ama Deevid ka nu fanɛ Sɔɔl bee ba, nɛ e yɔ kefalta be kebee ko so ashi Mayɔn be kiyi to n ya kaa wɔ ndoŋ. Sɔɔl ka pin fanɛ Deevid wɔ ndoŋ na, nɛ e naŋ fara a ju a buu mo so.