1 Kronikɛls 10:7 - EBƆRƐ BE KAWƆL

⁷ Israɛlebi nɛ b wɔ Jizreel be ketaŋɛ to na ka nu fanɛ Israɛl be benapo shile nɛ b mɔ Sɔɔl nɛ mbe mbinyɛnsobi, nɛ bumo alɛ gba shile ŋ ka bumo be nde, nɛ Filistiebi na ba sɔ amo n chena.

1 Kronikɛls 10:7 ပူးပေါင်းရင်းမြစ်များ

1 Kronikɛls 10:6

Kananɛ Sɔɔl nɛ mbe mbinyɛnsobi asa nɛ mo kurgepoana nyɛnso kikɛ daŋ wu kachɛ koŋwule nna na. Kachɛ koŋwule na nɛ Sɔɔl nɛ mbe benapo na kikɛ daŋ wu.

1 Kronikɛls 10:8

B ka kɔ kena na ŋ ŋklade na nɛ Filistiebi na yɔ nɛ b ya muu bubuni na be asɔ, nseŋ ya wu Sɔɔl nɛ mbe mbinyɛnsobi asa na nɛ b wu a dese kebeegboŋ nɛ baa tre Gilbɔa na so.

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.

Levitikɔs 26:36

Meeŋ shin nɛ kufugboŋ ko e tɔr menyi nɛ men wɔ efuli pɔtɛ nɛ men doŋana nyaŋ menyi nɛ men ya ka wɔ so na. Nɛ afu ber kefantaŋ gba nɛ men nu kumo be egbri menyeeŋ lara keya n shile. Menyeeŋ bir to n shile fanɛ b ka bee ju menyi kena to na n ya tɔr jemanɛ nɛ edoŋ kikɛ maŋ taga menyi to gba.

Ditɛronɔmi 28:33

Efuli pɔtɛ so be basa beeŋ ba suge menyi be adɔjibi nɛ men gben n dɔ n nya na. Menyi maaŋ naŋ nya shɛŋ ama kɔrfɛ nɛ kamɛaŋ nawule.

Ditɛronɔmi 28:43

Befɔ nɛ menyi nɛ bumo chena men be ndeana to na beeŋ dii dama n nya eleŋ ga, ama ketir e naaŋ pɛ menyi ere nɛ men be eleŋ e yɔɔ so.

Demujipoana 6:2

Ŋkpal Midianebi na ka daa chɔ Israɛlebi na eleŋ ga so, Israɛlebi na daŋ fin mboŋ nna ŋ ŋana ashi abeelaŋ to nɛ abeeana so nɛ mboŋ nɛ basa maaŋ wu bumo.

1 Samuɛl 13:6

Ndoŋ nɛ b yili ŋ kre kena m ba kɔ Israɛlebi na n shin nɛ ebɔl lar bumo. Nɛ Israɛl be benapo ko shile n ya ŋana abeelaŋ to nɛ beko malɛ ya ŋana amaŋ to nɛ abee to nɛ ajanmaŋ to nɛ atirbu nɛ a maŋ kɔ nchu to;

1 Samuɛl 31:7

Israɛlebi nɛ b wɔ Jizreel be ketaŋɛ be kaba ndoŋ, nɛ bumo nɛ bumo alɛ wɔ Jɔɔdan be lɔr na be epeŋilarkpa be kaba so na ka nu fanɛ Israɛl be benapo shile nɛ b mɔ Sɔɔl nɛ mbe mbinyɛnsobi, nɛ bumo alɛ gba shile n lar bumo be nde to nɛ Filistiebi na ba sɔ amo n chena.