1 Kronikɛls 1:14 - EBƆRƐ BE KAWƆL

¹⁴ Keenan malɛ be kenana e daa la Jebusiebi nɛ Amɔriebi nɛ Gɛgashebi,

1 Kronikɛls 1:14 ပူးပေါင်းရင်းမြစ်များ

Jɛnesis 10:16

nɛ Jebusiebi nɛ Amɔriebi nɛ Gɛgashebi

Jɛnesis 15:21

nɛ Amɔriebi nɛ Keenanebi nɛ Girgasebi nɛ Jebusiebi be nsawule kikɛ n ti so.”

Jɛnesis 48:22

Ma alɛ bee sa fo kasawule nɛ k chɔ fo daana peya ŋkpal fo ka beeŋ ba ka chɔ bumo so so. Loŋ be kasawule na nɛ n daŋ ta ma tokobi nɛ keta ŋ kɔ n sɔ ashi Ammɔnebi kutɔ na.”

2 Samuɛl 21:2

Gibiɔnebi na daa maŋ la Israɛlebi, b daa la Amɔriebi be katuŋ fimbi ko nna nɛ Israɛlebi na daŋ nase kɔnɔ n sa bumo fanɛ baŋ baa kuŋ bumo. Ama Sɔɔl daŋ wora ania nɛ e mur bumo nna ŋkpal e ka daa sha fanɛ Israɛlebi nɛ Judaebi e sɔ bumo be efuli na kikɛ so.

2 Samuɛl 24:16

Ama Enyɛnpe Ebɔrɛ be Malaika ka daa shin nɛ e mur Jerusalɛm na, nɛ kuwɔr pɛ Enyɛnpe Ebɔrɛ nɛ e chɛrga mbe nfɛra a yɔ basa na be kasogberge na be kaplɛa so nseŋ kaŋɛ Malaika nɛ e bee mɔ bumo na le: “K nyalɛ loŋ. Lara fo enɔ ashi bumo be asheŋ to!” Kumo be jemanɛ na nɛ Malaika na wɔ Aruna nɛ e la Jebusi be esa na be kugooro na ase.

2 Bewura 21:11

“Ewura Manase be asheŋ nɛ e daŋ wora na daŋ lubi a chɔ kusɔ nɛ Keenanebi na daŋ wora gba. E daŋ shuŋ agbir nna nseŋ shin nɛ Juda be efuli so ebi gba luri kulubi to.

1 Kronikɛls 1:13

Keenan be mbia e daa la Sidɔn nɛ Hɛf. Sidɔn e daa la mo pibinyɛn nimuso. Efuliana nɛ a bee ji bumo be atre ere be basa e daa la bumo be kenana.

1 Kronikɛls 1:15

nɛ Hivebi nɛ Aakebi nɛ Sinebi,

Nehemaya 9:8

Ŋkpal e ka daa ji kashenteŋ a sa fo so fo nɛ mo daŋ wora kɔnɔkoŋwule be ŋkre nna fanɛ feeŋ ta Keenanebi nɛ Hitebi nɛ Amɔriebi nɛ Pɛrizebi nɛ Jebusiebi nɛ Giigaebi be nsawule n sa mbe kaman to ebi. Naniere fo wora fo kɔnɔ naseso na m bɔlɔ so fanɛ kananɛ fee wora saŋkikɛ na.

Ɛksodɔs 33:2

Loŋ be kasawule na e kɔ kanya alegaiso nsaa wora ajibi nɛnɛ na. Meeŋ shin nɛ ma malaika e juŋkpar menyi nɛ men ju Keenanebi nɛ Amɔriebi nɛ Hitebi nɛ Pɛrizebi nɛ Hivebi nɛ Jebusiebi na kikɛ ashi loŋ be kasawule na so.

Ɛksodɔs 34:11

Amoso, nɛ men bɛ ma mmalga nɛ mee ta a sa menyi kabre ere so, meeŋ ju Amɔriebi nɛ Keenanebi nɛ Hitebi nɛ Pɛrizebi nɛ Hivebi nɛ Jebusiebi ashi kasawule ere so.

Eemɔs 2:9

Ama ŋkpal bumo so, nɛ m mur Amɔriebi nɛ b daa wɔ nteŋ fanɛ ndibi tenteŋ nɛ baa tre Sida na, nsaa kɔ eleŋ malɛ fanɛ ndibi gboŋgboŋi lempo na. N daŋ mur bumo be ayabi nɛ achin kikɛ nna cheche.

Zakareya 9:7

Filistiebi na maaŋ naa we eblaŋ nɛ a kraa kɔ ŋklaŋ amo to ŋko a ji ajibi nɛ baa kishi. Bekama nɛ baaŋ ji efute na beeŋ ki ma basa a du fanɛ Juda be yiri to be kabuna ko be basa. Ekrɔnebi malɛ beeŋ ki ma basa fanɛ kananɛ Jebusiebi ki na.

Ditɛronɔmi 20:17

Ŋkpal manɛ so, Enyɛnpe Ebɔrɛ na teŋ yili kumo fanɛ men mur Hitebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi na kikɛ nna.

Ditɛronɔmi 7:1

Ndoŋ nna nɛ Mosis naŋ kaŋɛ: “Israɛlebi, Enyɛnpe menyi be Ebɔrɛ na beeŋ chɛ menyi to nɛ men suge Hitebi nɛ Giigashebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi be nsawule. Efuli ashunu ere be kekama be basa shibi nsaa kɔ eleŋ a chɔ menyi Israɛlebi, ama nɛ men kre kena n ya tu bumo,

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

Demujipoana 1:21

Ama Bɛnjamin be yiri na bre daŋ maŋ tiŋ n ju Jebusebi nɛ b daa wɔ Jerusalɛm to na, ŋkpal loŋ so Bɛnjaminebi na nɛ bumo e wɔtɔ hale nɛ kabre.