1 Bewura 9:1 - EBƆRƐ BE KAWƆL

¹ Ewura Sɔlɔmɔn ka pɔr bɔrɛlambu na nɛ ewura be laŋ na nɛ kusɔ kama nɛ e bee sha na n loge,

1 Bewura 9:1 ပူးပေါင်းရင်းမြစ်များ

1 Bewura 3:1

Ewura Sɔlɔmɔn nɛ Ijipt be ewura daŋ wora kɔnɔkoŋwule nna nɛ Sɔlɔmɔn ta Ijipt be ewura na pibiche. E daŋ ta mo nna m ba chena Jerusalɛm ewura Deevid be kade to hale n ya fo saŋɛ so nɛ e pɔr mbe laŋ nɛ bɔrɛlambu na nɛ egbal nɛ k kulti Jerusalɛm na kikɛ n loge.

1 Bewura 6:37

Ewura Sɔlɔmɔn ka ji kuwura be kafɛ nasopo to nɛ Hibruwebi be kafɛ to be kufɔl nyɔsopo nɛ baa tre Ziv na to nɛ b daŋ pɔr bɔrɛlambu na be gbaltɔlase na.

1 Bewura 7:1

Nfɛ kuduasa nɛ Sɔlɔmɔn daŋ ta m pɔr ewura be laŋ na.

1 Bewura 7:2

Laŋ na to be lambugboŋ nɛ b daa tre Lebanɔn be Kupo na be nteŋ daa la ayadra kalfa nɛ adunu nna nɛ kumo be mpar malɛ daa la ayadra adushunu nɛ anu nɛ kumo be jeŋgreŋ malɛ la ayadra adena nɛ anu. Sida be eshabɔrɛ be egbaŋ ana nɛ amo be kekama kɔ eshabɔrɛ kuduanu nɛ b ta elarbeŋ adena nɛ anu n deŋi amo so nɛ b daŋ yɔɔri kowu na kikɛ n deŋi so.

1 Bewura 7:51

Ewura Sɔlɔmɔn ka wora bɔrɛlambu na to be kushuŋ kikɛ n loge, nɛ e ta asɔ nɛ mo tuto ewura Deevid ta m bɔɔ Enyɛnpe Ebɔrɛ enɔ na n wɔtɔ bɔrɛlambu na be ebuana nɛ baa ta asɔwurbi a yili na to. Amo e la shuwa nɛ gbiti nɛ asɔ nɛ baa ta a shuŋ bɔrɛlambu na to na.

1 Bewura 8:66

Kumo be kachɛ burwasopo na, nɛ ewura Sɔlɔmɔn shin nɛ basa na kikɛ yɔ bumo peana. Nɛ bumo be ŋgbeneana fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ mbe kayɛrbi ewura Deevid na so.

1 Bewura 9:10

Nfɛ adunyɔ nɛ ewura Sɔlɔmɔn daŋ ta m pɔr bɔrɛlambu na nɛ ewura be laŋ n loge.

1 Bewura 9:11

Tayɛ be ewura, Hiram, e daŋ sa ewura Sɔlɔmɔn sida nɛ paɛŋ be ndibi nɛ shuwa nɛ b ta n shuŋ kushuŋ na kikɛ. B ka loge kumo be kushuŋ na, nɛ ewura Sɔlɔmɔn ta Galili be kebonfu na be kaba so be nde adunyɔ n sa ewura Hiram.

1 Bewura 9:19

nseŋ pɔr nde nɛ e bee ta mbe ajibi nɛ egbaŋɛturko nɛ egbaŋɛ a yili to na. Ewura Sɔlɔmɔn daŋ shin nna nɛ mbe beshumpo pɔr asɔ nɛ e bee sha n yili Jerusalɛm nɛ Lebanɔn nɛ mbe efuli so be kaplɛkama.

2 Kronikɛls 7:1

Ewura Sɔlɔmɔn ka kule Ebɔrɛ n loge, nɛ edɛ shi esoso m ba chɔɔ sarga nɛ b lara na. Ndoŋ nna nɛ Enyɛnpe Ebɔrɛ be kefulto nyaŋɛ n fulto bɔrɛlambu na kikɛ to.

2 Kronikɛls 7:11

Ewura Sɔlɔmɔn ka pɔr bɔrɛlambu na nɛ ewura be laŋ na n loge, nɛ kusɔ kama nɛ e kre n yili a yɔ amo be kaplɛa so na nite nɛnɛ,

2 Kronikɛls 8:1

Nfɛ adunyɔ nɛ Sɔlɔmɔn daŋ ta m pɔr bɔrɛlambu na nɛ ewura be laŋ n loge.

2 Kronikɛls 8:6

Loŋ koŋwule na nɛ e wora n sa Baalaf nɛ nde nɛ e bee ta ajibi nɛ egbaŋɛturko nɛ egbaŋɛ a yili na. Ewura Sɔlɔmɔn daŋ shin nna nɛ mbe beshumpo pɔr asɔ nɛ e bee sha n yili Jerusalɛm nɛ Lebanɔn nɛ mbe efuli so be kaplɛkama.

Kaŋinichiŋgeliŋ 2:10

Shɛŋ shɛŋ be kenya daa maŋ du ma so kpakpa. Kusɔ kama malɛ maŋ wɔtɔ nɛ k beeŋ tiŋ ŋ kuŋ ma ekpa nɛ m maaŋ wora kusɔ nɛ k beeŋ fuli ma kagbene. Kusɔ kama malɛ nɛ n daŋ wora na, daŋ bɔlɔ ma kenishi nna. Ma alɛ bee wu amo kikɛ fanɛ asɔ nɛ e la tɔnɔ n sa ma nna.

Kaŋinichiŋgeliŋ 2:4

N wora asɔgboŋ damta. M pɔr nwu, nseŋ dɔ ndibisɔrso be adɔana.

Kaŋinichiŋgeliŋ 6:9

Shin nɛ kusɔ nɛ fo kɔ e baa bɔlɔ fo kenishi a chɔ fo ka beeŋ baa kɔ a fin kananɛ feeŋ ba nya ga saŋkama. K la asheŋ fuloŋ nna nɛ kumo alɛ be loŋ du fanɛ fo ka bee ju a bɛ afu so na.