1 Bewura 8:9 - EBƆRƐ BE KAWƆL

⁹ Shɛŋ shɛŋ daa maŋ wɔ ŋkre be deka na to ama ajembufalta anyɔ nɛ Mosis daŋ ta n wɔtɔ kumo to ashi kebeegboŋ nɛ baa tre Sainai na ase, saŋɛ so nɛ Enyɛnpe Ebɔrɛ daŋ lara Israɛlebi na Ijipt be efuli so nɛ bumo nɛ mo nase nnɔ n sa abar dra dra na.

1 Bewura 8:9 ပူးပေါင်းရင်းမြစ်များ

1 Bewura 8:21

N ta Enyɛnpe Ebɔrɛ be ŋkre be deka nɛ afaltajembu nɛ a la ŋkre nɛ Enyɛnpe Ebɔrɛ nɛ mbe basa Israɛlebi kre saŋɛ nɛ e lara bumo ashi Ijipt be kasawule so na, n wɔtɔ n yili bɔrɛlambu na to.”

2 Kronikɛls 5:10

Shɛŋ shɛŋ daa maŋ wɔ ŋkre be deka na to ama ajembu paŋgelambi anyɔ nɛ Mosis daŋ ta n wɔtɔ kumo to ashi kebeegboŋ nɛ baa tre Sainai na ase saŋɛ so nɛ Israɛlebi na lar Ijipt be efuli so nɛ bumo nɛ Enyɛnpe Ebɔrɛ yili ŋkre n sa abar na.

2 Kronikɛls 5:9

Ndibi na daa wɔ nteŋ nna ga nɛ esa beeŋ tiŋ n yili acheembiana to be kakpa cheembi na be kabuna to n wu amo ama manɛ kakpa kikɛ nɛ esa beeŋ tiŋ n yili n wu amo. Loŋ be ndibi na yili ndoŋ n chɛr ga.

Ɛksodɔs 13:21

Karechɛ kikɛ Enyɛnpe Ebɔrɛ daa shin nɛ kuwɔlpa bee juŋkpar mbe basa kapaso nna nsaa shin nɛ edɛ be kabulpi malɛ bee juŋkpar bumo kanyɛso.

Ɛksodɔs 14:24

Kaboŋ ka ba kaa kpaŋɛ to nɛ Enyɛnpe Ebɔrɛ yili edɛ be kabulpi nɛ kuwɔlpa na to n wu Ijipt be benapo na nseŋ ta kebagato n lɛ bumo so.

Ɛksodɔs 16:10

Ɛɛrɔn ka bee malga a sa Israɛlebi na nɛ b keni keshishɛrsawule na be kaba so n wu Enyɛnpe be kemaŋkura ka bee nyaŋɛ kuwɔlpa to epul na to.

Ɛksodɔs 16:33

Kumo be kaman nɛ Mosis kaŋɛ Ɛɛrɔn le: “Jɔ manna na be kurwa be bɔlɔ n wɔtɔ kɔlba to n yili kakpa nɛ menyee bunyaŋ Enyɛnpe Ebɔrɛ na nɛ a baa yil anyi be kaman to ebi kikɛ.”

Ɛksodɔs 25:16

B kaŋ lɔŋɛ deka na n loge nɛ fo ta ajembu pantraŋ pantrambi nɛ ma mbraana deŋi so nɛ meeŋ ta n sa fo ere n wɔtɔ kumo to.

Ɛksodɔs 25:21

Ade kikɛ be kaman nɛ b ta ajembu pantraŋ pantrambi anyɔ nɛ ma mbraana deŋi so na n wɔtɔ deka na to nseŋ ta buuso nɛ baa tre kuwɔr be kakpa na m buu so.

Ɛksodɔs 40:20

Ade be kaman nɛ e ta mbra be ajembu anyɔ na n wɔtɔ kɔnɔkoŋwule be ŋkre be deka na to nseŋ ta buuso nɛ baa tre kuwɔr be kakpa na m buu kumo so nseŋ shin nɛ b nyisi ndibi nɛ baa pɛ to a maŋ kumo so na n wɔtɔ amo be mpinibi na be amaŋ to.

Ezikɛl 10:4

Ndoŋ nna nɛ Enyɛnpe Ebɔrɛ na be kemaŋkura shi asɔbɔya keniso na be amu so n yɔ bɔrɛlambu na be kabuna to nɛ kuwɔlpa na sɔ bɔrɛlambu na to kikɛ nɛ Enyɛnpe Ebɔrɛ na be kemaŋkura shin nɛ kelɔnɛ na kikɛ to fulto parr.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Nɔmbɛs 17:10

Nɛ Enyɛnpe Ebɔrɛ kaŋɛ Mosis le: “Bɛta Ɛɛrɔn bre be kekpabi na n ya nase ŋkre be deka na be anishito, nɛ k baa la kefiɛso n sa Israɛlebi nɛ baa fubel a bile asheŋ a malga a gbiti ma na. B baa maŋ yige bumo be nfubel na, bumo kikɛ beeŋ wu.”

Nɔmbɛs 9:15

Kachɛ nɛ b yuu Enyɛnpe be wajɛbu na, awɔlpa daŋ ba buu kumo kikɛ so nna a wɔ ndoŋ. Kanyɛ baŋ biri kuwɔlpa na bee kilgi nna n duli fanɛ edɛ na.

Ditɛronɔmi 31:26

“Men sɔ Ebɔrɛ be mbra be kawɔl ere n nase m mata Enyɛnpe menyi be Ebɔrɛ na be kɔnɔkoŋwule be ŋkre be deka na. K beeŋ baa wɔtɔ ndoŋ a ji shɛda fanɛ men nyi kusɔ nɛ Enyɛnpe Ebɔrɛ na bee sha fanɛ men baa wora.

Ditɛronɔmi 4:13

E daŋ kaŋɛ menyi kusɔ nɛ k daga fanɛ men wora, nɛ menyi nɛ mo be kɔnɔkoŋwule be ŋkre na e yili. Kumo e la fanɛ, a daga fanɛ men baa wora mbra kudu nɛ Enyɛnpe Ebɔrɛ na sibɛ n deŋi ajembu peŋgeleŋ peŋgelembi anyɔ so na kasonu.

Hibruwebi 9:4

Ndoŋ nɛ shuwa be bɔrɛsure nɛ baa chɔɔ duwu kumo so na wɔ. Ndoŋ koŋwule na nɛ kɔnɔkoŋwule be ŋkre be deka nɛ duwu mata m mata kumo kikɛ so na daa wɔ nɛ shuwa be kapuya nɛ k kɔ manna na. Ɛɛrɔn be kekpabi nɛ k bee purge afantaŋ na nɛ ajembu anyɔ nɛ b sibɛ mbraana na n deŋi so na malɛ kikɛ daa wɔ deka na to nna.

Kelaraŋŋini 15:8

Ade be kaman nɛ edishi shi Ebɔrɛ be kemaŋkura to nɛ mbe eleŋ to n sɔ bɔrɛlambu na kikɛ to nɛ esa kikɛ malɛ daa maŋ tiŋ n luri bɔrɛlambu na to hale nɛ emalaika ashunu na be etɔrɔ ashunu na ya loge.