1 Bewura 8:40 - EBƆRƐ BE KAWƆL

⁴⁰ saŋɛ na so fo basa beeŋ baa bunyaŋ fo nsaa nu a sa fo ashi kasawule nɛ fo ta n sa an nananyɛnana ere so.

1 Bewura 8:40 ပူးပေါင်းရင်းမြစ်များ

Jɛnesis 22:12

Nɛ malaika na kaŋɛ: “Sa maŋ kaŋ mɔ kebia na. Naniere m pin fo ka bee sha ma Ebɔrɛ, ŋkpal manɛ so, fo maŋ mɔn ma fo pibinyɛn koŋwule nɛ fee sha ga na.”

1 Bewura 8:39

fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

1 Bewura 8:41

Befɔ nɛ b shi kufɔ na kaŋ nu eleŋ nɛ fo kɔ, nɛ asheŋgboŋ nɛ fee wora na, nseŋ ba bɔrɛlambu ere to m ba kule fo,

Nshɛ 115:13

E beeŋ nɛfa bekama nɛ baa bunyaŋ mo na; bewurjipo nɛ bebɔlpo kikɛ.

Nshɛ 130:4

Ama fee ta anyi be alubi a paŋ anyi nna; saŋɛ na so kɔnɔ beeŋ mɔ anyi ashi fo anishito.

Ɛksodɔs 20:20

Ndoŋ nna nɛ Mosis kaŋɛ basa na: “Men sa maa lɔ kufu. Ebɔrɛ ba nna nɛ e ba wora menyi ŋ keni nseŋ shin nɛ men baa wora mo kasonu nsaa maa wora alubi.”

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Ashuŋ Shunso 10:2

E daŋ chɛ Juwebi be betirpo to ga nseŋ daa kule Ebɔrɛ saŋkama.

Ashuŋ Shunso 9:31

Kumo be kaman nɛ asɔriebi nɛ b daa wɔ Judiya na nɛ Galili nɛ Samɛria na lar bumo be etɔrɔ na to n nya kagbenewushi gbrɛ. Kiyoyu Cheeŋ na e daŋ shin nɛ b daŋ yɔ anishito nseŋ wora keshi n ti so a wɔ Enyɛnpe be kebunyaŋ be kebaawɔtɔ to.

Ditɛronɔmi 12:1

Mbraana nɛ a daga fanɛ men baa wora amo kasonu ashi kasawule nɛ Enyɛnpe Ebɔrɛ nɛ menyi nananyɛnana shuŋ na ta a sa menyi na so nna na. Men nu amo!

Ditɛronɔmi 6:13

Amoso men baa bunyaŋ Enyɛnpe menyi be Ebɔrɛ na nsaa shuŋ mo nawule nseŋ naa nase nnɔ mo nawule be ketre to.

Ditɛronɔmi 6:2

A daga fanɛ menyi nɛ menyi be kamanebi kikɛ ka bee bunyaŋ Enyɛnpe menyi be Ebɔrɛ na nsaa wora mbe mbraana nɛ n ta a sa menyi ere kasonu menyi be kebaawɔtɔ kikɛ to, saŋɛ na so menyeeŋ chena kasawule na so n chɛr.

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

Joshuwa 4:24

Ŋkpal le be kusɔ nɛ k wora ere so bomin kikɛ beeŋ pin eleŋ nɛ an Nyɛnpe Ebɔrɛ ere kɔ nɛ kumo be loŋ e shin nɛ menyi alɛ e baa bunyaŋ mo saŋkama.”

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”

Kelaraŋŋini 19:5

Ndoŋ nna nɛ ebɔl shi kuwurputi na akpa ŋ kaŋɛ: “Menyi nɛ men la mbe anya na, men di an be Ebɔrɛ na epaŋ, menyi nɛ men ŋana mo na kikɛ, bewurbi nɛ begboŋi kikɛ, men di mo epaŋ.”

1 Samuɛl 12:24

Men baa nu a sa Enyɛnpe Ebɔrɛ na nsaa ta menyi be ŋgbene kikɛ a shuŋ mo nsaa nyiŋi asheŋgboŋ damta nɛ e wora n sa menyi na.