1 Bewura 8:36 - EBƆRƐ BE KAWƆL

³⁶ kumo ere, Enyɛnpe Ebɔrɛ, yili esoso n nu bumo be kekule nseŋ ta fo basa Israɛlebi be alubi m paŋ bumo nseŋ ŋini bumo kusɔ nɛ k daga, n shin nɛ bɔrɛ e ba fo kasawule nɛ fo ta n sa fo basa fanɛ bumo be kapetɛ mbaanaayɔ ere so.

1 Bewura 8:36 ပူးပေါင်းရင်းမြစ်များ

1 Bewura 18:1

Saŋɛ so nɛ ewule tɔr na be kafɛ sasopo to, nɛ Enyɛnpe Ebɔrɛ kaŋɛ anebi Elaija le: “Ta fo kumu n ya ŋini ewura Ahab pɔɛŋ nɛ n shin nɛ bɔrɛ e ba.”

1 Bewura 18:41

Kede be kaman nɛ anebi Elaija kaŋɛ ewura Ahab le: “Ya fin kusɔ ko n ji naniere bre, ŋkpal manɛ so n nu bɔrɛ ka bee gbri a ba.”

1 Bewura 18:45

K maŋ chɛr ko nɛ awɔlpa to kikɛ nyɔ le gbitigbiti. Nɛ afu fara a chala nɛ bɔrɛ fara a chulgi. Ndoŋ nna nɛ Ahab luri mbe gbaŋɛturko to n shile m bɛta n yɔ Jizreel be kade to.

Nshɛ 119:133

Sa maŋ shin nɛ n tɔr fanɛ kananɛ fo nase kɔnɔ na, fo alɛ e sa maŋ shin nɛ kulubi e pɔɔ ma so.

Nshɛ 119:33

Enyɛnpe Ebɔrɛ, ŋini ma fo mbraana be kifi to, saŋɛ na so, meeŋ baa wora amo kasonu saŋkikɛ.

Nshɛ 143:8

Ŋkpal ŋ ka ta ma yirda n deŋi fo so so, shin nɛ m baa nyiŋi fo kasha nɛ k maa loge na be asheŋ kachipurso kikɛ. Mee kule fo nna nɛ fo ŋini ma ekpa nɛ meeŋ baa bɔla so a wora asheŋ.

Nshɛ 25:12

Fee ŋini basa nɛ baa ŋana fo bunyaŋ so na ekpa nɛ fo lara n sa bumo fanɛ b bɔla so na nna.

Nshɛ 25:8

Ŋkpal Enyɛnpe Ebɔrɛ ka walɛ nɛ mbe asheŋ woraso niŋi ekpa so, e bee ŋini alubiworapoana mbe ekpa nna nɛ b bɛ so.

Nshɛ 27:11

Ŋini ma ekpa lela nɛ fee sha fanɛ m baa bɔla so, nɛ ma doŋana maaŋ nya ma.

Nshɛ 32:8

Fo yɛ feeŋ ŋini ma ekpa nɛ meeŋ bɔla so. Feeŋ ji ma asoeto nseŋ keni ma so.

Nshɛ 5:8

Enyɛnpe Ebɔrɛ, juŋkpar ma ŋkpal fo ka bee wora asheŋ niŋiso so. Ŋini ma fo ekpa niŋiso na, ŋkpal ŋ ka kɔ bedoŋ damta so.

Nshɛ 68:10

Nɛ fo basa chena kumo so, nɛ fo sa bumo to be bumo nɛ b maŋ kɔ shɛŋ na kusɔ jiso.

Nshɛ 68:9

Kasawule ka wɔl nɛ fo shin nɛ bɔrɛ ba nɛ kaboŋ wushi.

Nshɛ 86:11

O Enyɛnpe Ebɔrɛ, ŋini ma kusɔ nɛ fee sha fanɛ n wora. Meeŋ baa nu a sa fo kashenteŋ na. Ŋini ma kananɛ meeŋ ta ma kagbene kikɛ a shuŋ fo nsaa bunyaŋ fo ketre na.

Nshɛ 94:12

Kagbenefuli la ekama nɛ fo Enyɛnpe Ebɔrɛ na bee bela nsaa ŋini mo fo mbra na peya nna!

Aizaaya 30:21

Nɛ fanɛ men foe ekpa a yɔ jisoso ŋko bena so gba, menyeeŋ nu mbe ebɔl menyi be kamanto ka bee kaŋɛ le: “Ekpa na nde. Men bɔla kumo so.”

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Jɛremaya 42:3

Amoso kule Enyɛnpe, anyi be Ebɔrɛ na nɛ e ŋini anyi kakpa nɛ anyeeŋ yɔ nɛ kusɔ nɛ anyeeŋ wora.”

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Jowɛl 2:23

Zayɔnebi, men shin nɛ men be ŋgbene e fuli menyi ŋkpal kusɔ nɛ Enyɛnpe, men be Ebɔrɛ na wora n sa menyi na so. E sa menyi dɔchubɔrɛso be bɔrɛ nɛ bɔrɛchu lela nɛ a shin nɛ men be adɔjibi wora nɛnɛ fanɛ kananɛ a chɛr a wora na.

Maika 4:2

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee na so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ mo alɛ bee shi Zayɔn be kebee so a malga a sa mbe basa.”

Matiu 22:16

Bumo be bebɛsopo nɛ Hɛrɔd be basa na nɛ b daŋ shuŋi nɛ b ba bishi mo: “Eŋinipo, an nyi fo ka la kashenteŋjipo a ŋini basa abɔrɛsheŋ na nɛ amo be kashenteŋ be ekpa so, fo alɛ be shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du nsaa malga.

1 Samuɛl 12:23

Nɛ m baŋ yige kebaakule Ebɔrɛ a sa menyi, kumo ere Enyɛnpe Ebɔrɛ na nɛ m maŋ wora kasonu na. Meeŋ ŋini menyi kusɔ nɛ k daga fanɛ men baa wora.