1 Bewura 8:23 - EBƆRƐ BE KAWƆL

²³ Enyɛnpe nɛ fo la Israɛl be Ebɔrɛ na, ashi esoso nɛ kasawule kikɛ, Ebɔrɛ kikɛ maŋ naa wɔtɔ fanɛ fo. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ nɛ b ta bumo be ŋgbene kikɛ a wora kasonu a sa fo na nna.

1 Bewura 8:23 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 33:20

Ndoŋ nɛ e pɔr bɔrɛsure m bunyaŋ Israɛl be Ebɔrɛ na nseŋ nase kumo Ɛl Elohi Israɛl.

2 Samuɛl 7:22

kananɛ fo Enyɛnpetale be keshi du! Fo nawule e la Ebɔrɛ. Dra kikɛ nɛ an nyi fo ka la Ebɔrɛ.

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

1 Bewura 3:6

Nɛ ewura Sɔlɔmɔn kaŋɛ Enyɛnpe Ebɔrɛ le: “Fo kasha nɛ fo kɔ n sa fo kayɛrbi, n tuto Ewura Deevid na maa chɛrga kikɛ. Mo alɛ daa la esa lela nna nsaa ji kashenteŋ a sa fo. Naniere fo shin nɛ mbe kebia yili mbe katelamu to ŋ ki ewura.

1 Bewura 6:12

“Fo baŋ bɛ ma mbra nɛ asɔ nɛ ŋ kaŋɛ fo ere kikɛ so, meeŋ wora kusɔ kama nɛ n nase kɔnɔ n sa fo tuto ewura Deevid na n sa fo.

1 Bewura 8:24

Fo bɛ kɔnɔ nɛ fo nase n sa n tuto ewura Deevid na so nseŋ shin nɛ kumo kikɛ bɔlɔ so kabre.

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

Ɛzra 1:3

Bekama nɛ b la Enyɛnpe Ebɔrɛ na be basa beeŋ tiŋ n yɔ n ya lɔŋɛ Israɛl be Ebɔrɛ nɛ e wɔ Jerusalɛm to na be bɔrɛlambu na m pɔr.

Nehemaya 1:5

“O Enyɛnpe Ebɔrɛ nɛ fo wɔ ebɔrɛso, fo e kɔ eleŋ ga nɛ fo bunyaŋ shi m baŋ so. Fo alɛ e naa wora a bɛ fo nnɔ naseso so a sa bekama nɛ baa sha fo nsaa wora fo mmalga kasonu.

Nehemaya 9:32

O, anyi be Ebɔrɛ mo nɛ eleŋ kikɛ bɔɔ fo enɔ, nɛ fo asheŋ kɔ kufu; fo maa lar fo kamalga kaman kikɛ, kasha malɛ bɔlɔ fo to kiŋkiŋ. Nyiŋi awurfoŋ nɛ k ba anyi nɛ anyi be bewura nɛ bejuŋkparpo nɛ bɔrɛmatapoana nɛ anebiana nɛ an nanaana nɛ anyi be basa kikɛ so, yili Asiriya be ewura be jemanɛ kikɛ so m ba fo kabre.

Nshɛ 113:5

Esa kikɛ maaŋ tiŋ n ta mbe kumu m ber Enyɛnpe anyi be Ebɔrɛ na. Mo e chena mbe kuwurputi so ebɔrɛso

Nshɛ 35:10

Nseŋ ta ma kagbene kikɛ ŋ kaŋɛ Enyɛnpe na le: “Esa kama maŋ du fanɛ fo. Fo e naa kuŋ bepɔshipo ashi belempo be enɔ to, nsaa mɔlga betirpo ashi basa lempo be kamɛaŋ to.”

Nshɛ 86:8

O Enyɛnpe Ebɔrɛ, agbirana kikɛ maŋ du fanɛ fo, Ebɔrɛ kikɛ maŋ naa wɔtɔ a du fanɛ fo. Esa malɛ kikɛ maŋ naŋ wora asheŋ nɛ fee wora ere be kekama.

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Ɛksodɔs 3:15

Kede be kaman nɛ Ebɔrɛ naŋ kaŋɛ Mosis fanɛ e kaŋɛ Israɛlebi na le: “Enyɛnpe Ebɔrɛ nɛ e la men nananyɛnana Eebraham nɛ Aizek nɛ Jeekɔb be Ebɔrɛ na e shuŋi ma menyi kutɔ. Ketre ere malɛ e naaŋ baa la ma ketre hale mbaanaayɔ. Loŋ nɛ men be kaman to ebi kikɛ gba beeŋ ba kaa tre ma.

Aizaaya 40:18

Esa kikɛ maŋ du fanɛ Ebɔrɛ. Amoso esa maaŋ tiŋ ŋ ŋini kananɛ e du.

Aizaaya 40:25

Wanɛ bre nɛ esa beeŋ tiŋ n ta m ber Ebɔrɛ cheembi na? Esa mo e wɔtɔ a du fanɛ mo?

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 10:6

Enyɛnpe Ebɔrɛ, esa kama maŋ du fanɛ fo. Fo shi ga nɛ fo ketre malɛ gba shi a kɔ eleŋ ga.

Danɛl 9:4

Ma kabɔrɛkule na to nɛ m bugi to ŋ kaŋɛ Enyɛnpetale Ebɔrɛ na alubi nɛ ma basa wora ŋ kaŋɛ le: “Enyɛnpe Ebɔrɛ nɛ fo shibi nɛ anyee bunyaŋ fo nɛ fee ji kashenteŋ a sa fo ŋkre nɛ fo nase na nsaa ŋini bekama nɛ baa sha fo nsaa wora fo aparsheŋ na kasha saŋkama na,

Luuk 1:72

E yɛ e beeŋ wu an nanaana kuwɔr n nyiŋi mbe kɔnɔ naseso cheembi na.

Ditɛronɔmi 7:12

Nɛ men nu nseŋ wora mbraana ere kasonu kashenteŋto, Enyɛnpe menyi be Ebɔrɛ na beeŋ baa bɛ menyi nɛ mo be kɔnɔkoŋwule be ŋkre na so nseŋ ŋini menyi mbe kasha nɛ k maa loge na fanɛ kananɛ e nase men nananyɛnana kɔnɔ na.

Ditɛronɔmi 7:9

Ŋkpal loŋ so, men baa nyiŋi fanɛ Enyɛnpe menyi be Ebɔrɛ na nawule e la Kashenteŋ be Ebɔrɛ nsaa la Kashenteŋjipo. E beeŋ wora m bɛ mbe kɔnɔkoŋwule be ŋkre so nseŋ lara mbe kasha nɛ k maa loge na ŋ ŋini basa nɛ baa sha mo nsaa wora mbe mbraana kasonu na, yili kenana ko n ya fo kenana ko loŋ be kagboŋ so.

1 Samuɛl 2:2

Ebɔrɛ kikɛ maŋ wɔtɔ a du cheembi fanɛ fo Enyɛnpe na; Esa kama maŋ du fanɛ fo. Fo an be Ebɔrɛ du fanɛ kebee nna a kuŋ anyi.