1 Bewura 8:22 - EBƆRƐ BE KAWƆL

²² Ndoŋ nna nɛ ewura Sɔlɔmɔn yili bɔrɛsure na be anishito Israɛlebi na kikɛ be anishito m maŋ mbe enɔana so ŋ kule Ebɔrɛ le:

1 Bewura 8:22 ပူးပေါင်းရင်းမြစ်များ

1 Bewura 8:54

Ewura Sɔlɔmɔn ka kule Enyɛnpe Ebɔrɛ n loge, nɛ e niŋito n yili bɔrɛsure nɛ e gbir kumo ase na be anishito

2 Bewura 11:14

E ka ya wu ewura popɔr na nɛ e yili eshabɔrɛana na akpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuli so nsaa foŋ mbel nɛ bɔrɛlambu to be beshɛbompoana bee juŋkpar kasheŋ wora na kikɛ, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Bewura 23:3

Kumo be kaman nɛ e yili shabɔrɛ na be kakpa nɛ bewura bee chena na n nase kɔnɔ n sa Enyɛnpe Ebɔrɛ na fanɛ e beeŋ bugi mbe kagbene kikɛ n wora kasonu n sa mo nseŋ bɛ mbe mbra nɛ asheŋ nɛ e yili n sa bumo na, kɔnɔ naseso be ŋkre be asheŋ nɛ b sibɛ n wɔtɔ kawɔl na to na kikɛ so.

Ɛzra 9:5

Kaaseso be sarga be kelara be jemanɛ ka fo, nɛ n ta kagbenejija nɛ ma asɔ kpɛatoso na loŋ ŋ koso n ya gbir nseŋ maŋ ma enɔana so kabɔrɛkule to ŋ ŋini Enyɛnpe ma Ebɔrɛ na

Job be kawɔl 11:13

Job, yili fo kagbene kukoŋwule n sa Ebɔrɛ, nseŋ bɛta n yɔ mo kutɔ kabɔrɛkule to.

Nshɛ 28:2

Jande, nu ma kekule, saŋɛ so nɛ m maŋ ma enɔana so n shoŋi fo bɔrɛlambu cheembi na a bunyaŋ fo nsaa kule fo, a fin kechɛto ere.

Nshɛ 63:4

Meeŋ di fo epaŋ saŋɛ so nɛ n wɔ ŋkpa to kikɛ; nseŋ maŋ ma enɔana so ashi fo ketre to.

Ɛksodɔs 33:10

Saŋkama nɛ basa na baŋ wu kuwɔlpa na ka yili nshɛr be wajɛbu na be kabuna to, bumo kikɛ bee gbir bumo be wajɛbu be kabuna to nna a bunyaŋ.

Ɛksodɔs 9:29

Nɛ Mosis malɛ kaŋɛ mo: “Ŋ kaŋ baŋ lar kade ere to na nɛ meeŋ maŋ ma enɔana so ŋ kule Enyɛnpe Ebɔrɛ nɛ e shin nɛ bɔrɛ na be keponte nɛ abɔrɛjembubi gbɛgbɛso na kikɛ e ku nɛ fo pin fanɛ durnya ere la Enyɛnpe Ebɔrɛ na peya nna.

Ɛksodɔs 9:33

Ade be kaman nɛ Mosis nɛ Ɛɛrɔn lar ewura Fɛɛro kutɔ nɛ kade na to nɛ Mosis maŋ mbe enɔana so ŋ kule Enyɛnpe Ebɔrɛ nɛ bɔrɛ na be keponte na nɛ abɔrɛjembubi gbɛgbɛso na kikɛ nɛ bɔrɛchu nɛ k daa chulgi kasawule na so na kikɛ ku kuraa.

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

1 Timoti 2:8

Mee sha nna fanɛ kaplɛkama benyɛn nɛ b maa ta bumo be enɔana a shuŋ alubi e baa maŋ amo so kabɔrɛkule to nsaa maa keta kanya agbo ŋko a kini keyirda fanɛ Ebɔrɛ bee nu kabɔrɛkule.