1 Bewura 8:15 - EBƆRƐ BE KAWƆL

¹⁵ Le nɛ e daŋ kaŋɛ: “Kapandi e baa la Enyɛnpe Ebɔrɛ Israɛl be Ebɔrɛ na peya! Mo e daŋ shin nɛ mbe nnɔ naseso bɔlɔ so n sa n tuto ewura Deevid nseŋ kaŋɛ mo le:

1 Bewura 8:15 ပူးပေါင်းရင်းမြစ်များ

Luuk 1:68

“Men shin nɛ an di Enyɛnpe, Israɛl be Ebɔrɛ epaŋ. Mo e ba mbe basa be kechɛto to m ba sɔ bumo n yige.

Nehemaya 9:5

Ndoŋ nna nɛ Joshuwa nɛ Kadmiɛl nɛ Bani nɛ Hashabnaya nɛ Sherebia nɛ Hodia nɛ Shebania nɛ Petahiya nɛ b shi Livai be yiri to na kaŋɛ basa le: “Men koso n yili nseŋ boŋ to m maŋkura Enyɛnpe menyi be Ebɔrɛ nɛ e wɔ ŋkpa to mbaanaayɔ na. Men maŋkura mbe mamachi be Ketre na, E shi ga nɛ kɔnɔ to be mmalga maaŋ tiŋ n ji mbe asheŋ.”

1 Kronikɛls 29:20

Kede be kaman nɛ ewura Deevid kaŋɛ basa na kikɛ le: “Men di Enyɛnpe men nananyɛnana be Ebɔrɛ na epaŋ.” Ndoŋ nna nɛ basa na kikɛ di Ebɔrɛ epaŋ nseŋ jɔŋɛ ŋ kurgi bumo be amu n yuu to m bunyaŋ Enyɛnpe Ebɔrɛ nɛ ewura Deevid kikɛ.

1 Kronikɛls 29:10

Ewura Deevid daŋ yili basa na kikɛ be anishito nna n di Enyɛnpe Ebɔrɛ epaŋ ŋ kaŋɛ le: “Enyɛnpe Ebɔrɛ nɛ fo la an nana Jeekɔb be Ebɔrɛ na, kapandi e baa la fo peya mbaanaayɔ!

Luuk 1:70

Dra na kikɛ nɛ e shin nɛ mbe anebi cheembiana kaŋɛ le:

Nshɛ 115:18

Anyi nɛ an wɔ ŋkpa to ere nawule e naŋ tiŋ a di mo epaŋ naniere hale mbaanaayɔ. Men kpaŋ Enyɛnpe Ebɔrɛ na!

2 Kronikɛls 6:4

Le nɛ e daŋ kaŋɛ: “Kapandi e baa la Enyɛnpe Ebɔrɛ nɛ e la Israɛl be Ebɔrɛ na peya! Mo e daŋ shin nɛ mbe nnɔ naseso bɔlɔ so n sa n tuto ewura Deevid nseŋ kaŋɛ mo fanɛ,

Joshuwa 21:45

Enyɛnpe Ebɔrɛ be nnɔ nɛ e daŋ nase n sa Israɛlebi na kikɛ daŋ bɔlɔ so nna.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Luuk 1:72

E yɛ e beeŋ wu an nanaana kuwɔr n nyiŋi mbe kɔnɔ naseso cheembi na.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Aizaaya 1:20

Ama nɛ men kplaŋ ma so bre, kumo ere menyeeŋ wu kena to. Ma, Enyɛnpe Ebɔrɛ na, e kaŋɛ na.”

Nshɛ 138:2

Meeŋ bunyaŋ fo ashi fo bɔrɛlambu cheembi to, nseŋ kpaŋ fo ketre ŋkpal fo kasha nɛ k maa chɛrga na nɛ fo kashenteŋji so, ŋkpal manɛ so, fo maŋ fo ketre nɛ fo atande so a chɔ asɔ kikɛ.

Nshɛ 41:13

Kechɔrɔ e baa la Enyɛnpe Israɛl be Ebɔrɛ na peya hale mbaanaayɔ. Amɛn.

2 Kronikɛls 20:26

Kumo be kachɛ nasopo na, nɛ b shɛr Bɛraka be ketaŋɛ na to nseŋ di Enyɛnpe Ebɔrɛ epaŋ ŋkpal kusɔ nɛ e wora so. Amoso nɛ baa tre ketaŋɛ na Bɛraka na. Kumo be kifito ashi Hibruwebi be ŋgbar to e la, kapandi.

1 Kronikɛls 17:12

Mo e naŋ pɔr ma bɔrɛlambu n sa ma. Ma alɛ beeŋ shin nɛ mbe kuwurji e baa wɔtɔ mbaanaayɔ.

2 Samuɛl 7:25

Naniere bre Enyɛnpe Ebɔrɛ, shin nɛ fo kɔnɔ nɛ fo nase n sa ma nɛ n nanabiana na e bɔlɔ so.

2 Samuɛl 7:5

“Ya kaŋɛ ma kayɛrbi Deevid fanɛ ma, Enyɛnpe Ebɔrɛ e naa kaŋɛ mo na fanɛ mannɛ mo nɛ mee sha fanɛ e pɔr bɔrɛlambu n sa ma nɛ m baa wɔtɔ.

2 Samuɛl 6:18

E ka lara esarga na n loge nɛ e nɛfa basa na ashi Enyɛnpetale Ebɔrɛ na be ketre to.

1 Kronikɛls 16:36

Men di Enyɛnpe Israɛl be Ebɔrɛ na epaŋ! Men di mo epaŋ naniere hale mbaanaayɔ! Ndoŋ nna nɛ basa na kikɛ shuli so ŋ kaŋɛ le: “Amɛn” Nseŋ di Enyɛnpe Ebɔrɛ epaŋ.

1 Kronikɛls 22:10

Mo e naŋ pɔr bɔrɛlambu n sa ma. Meeŋ tre mo m pibi nɛ mo alɛ gba e tre ma mo tuto. Mbe mbia e naa baa ji Israɛl be kuwura a ka a sa abar mbaanaayɔ.”

1 Samuɛl 25:32

Ndoŋ nna nɛ Deevid kaŋɛ Abigɛl le: “Kemaŋkura e baa la Enyɛnpe, Israɛl be Ebɔrɛ nɛ e shuŋi fo fanɛ fo ba shɛr ma to kabre ere peya!