1 Bewura 8:1 - EBƆRƐ BE KAWƆL

¹ B ka pɔr bɔrɛlambu na n loge be kaman nɛ Ewura Sɔlɔmɔn shuŋi n tre bejuŋkparpoana na kikɛ nɛ Israɛl be eyiriana nɛ mbuna mbunaana be benimuana kikɛ fanɛ b ba shɛr Jerusalɛm n ta Enyɛnpe Ebɔrɛ be ŋkre be deka na ashi Zayɔn nɛ k la Deevid be kade to na n yɔ bɔrɛlambu na to.

1 Bewura 8:1 ပူးပေါင်းရင်းမြစ်များ

2 Samuɛl 6:6

B ka fo Naakɔn be kugooro nɛ e b bri ayu kumo so na, nɛ egbolu na fiti nɛ ŋkre be deka na bee shin nɛ k tɔr nɛ Uzza teŋi enɔ nɛ e suse kumo to.

1 Bewura 2:10

Deevid ka wu, Jerusalɛm nɛ baa tre Ewura Deevid be kade na, to nɛ b puli mo.

1 Bewura 3:15

Ewura Sɔlɔmɔn ka tiŋi edi to nɛ e pin fanɛ Ebɔrɛ e daŋ malga mo kutɔ edare to. Ndoŋ nna nɛ e yɔ Jerusalɛm n ya yili Enyɛnpe Ebɔrɛ be ŋkre be deka na be anishito n lara sarga chɔɔso nɛ kɔnɔkoŋwuleso be sarga n sa Enyɛnpe Ebɔrɛ. Kumo be kaman nɛ e wora kejigboŋ n sa mbe benimuana.

1 Kronikɛls 11:7

Deevid daŋ ya chena kumɔlga be kakpa lempo na nna amoso nɛ b daa tre kumo “Deevid be kadegboŋ na.”

1 Kronikɛls 15:25

Ewura Deevid nɛ Israɛl be bejuŋkparpoana na nɛ benapo be benimuana na daŋ yɔ Obɛd Edɔm be laŋ to nna nɛ b ya ta ŋkre be deka na nseŋ ji eyur ndoŋ ga.

1 Kronikɛls 15:29

B ka ta ŋkre be deka na a luri kade na to na, nɛ Sɔɔl pibiche Mikaal keni tokuro to n wu ewura Deevid ka bee cha a tɛto, nɛ mbe asheŋ nu mo agbo alegaiso nɛ e maŋ naa keni mo a bɔlɔ kenishi.

1 Kronikɛls 15:3

Kumo be kaman nɛ Deevid tre Israɛlebi na kikɛ m ba Jerusalɛm, nɛ b ya ta ŋkre be deka na m ba wajɛbu nɛ e yuu ŋkpal kumo so na to.

1 Kronikɛls 28:1

Pɔɛŋ nɛ b pɔr bɔrɛlambu na ewura Deevid daŋ tre Israɛl be bejuŋkparpoana nɛ eyiriana na be benimuana nɛ ekrachi nimuso nɛ benapo be benimuana nɛ benimu nɛ baa keni ewura na nɛ mbe mbia be asɔ nɛ asɔbɔya so na nɛ ewurkpa be benimuana nɛ benapo nɛ b kɔ kenyɛn ga na m ba shɛr Jerusalɛm nna.

2 Kronikɛls 30:1

Basa na daa maŋ tiŋ n ji kebansonchoŋ be kejigboŋ na kufɔl juŋkparso na to, ŋkpal manɛ so bɔrɛmatapoana na be bedamta daa maŋ fɔrso n lar so daŋkare be ekpa so nɛ basa damta malɛ daa maŋ ba Jerusalɛm to. Ŋkpal loŋ so, ewura Hɛzekaya nɛ mbe benimuana nɛ Jerusalɛm be basa daŋ shuli nna fanɛ b ji kejigboŋ na kufɔl nyɔsopo na to. Kumo be kaman b sa Israɛl nɛ Judaebi nɛ Efrayim nɛ Manase be eyiri na ebɔl fanɛ b ba nɛ b ji kebansonchoŋ be kejigboŋ na ashi Jerusalɛm be bɔrɛlambu na to nɛ k baa la kemaŋkura n sa Enyɛnpe Israɛl be Ebɔrɛ na.

Ɛzra 3:1

Israɛlebi na daŋ ta afɔl ashunu nna n chena bumo be ndeana to n loge. Kumo be kaman nɛ bumo kikɛ ba shɛr Jerusalɛm to.

Nshɛ 102:21

Amoso Jerusalɛmebi kikɛ e ber mbe asheŋ be kubomboŋ, nseŋ kpaŋ Enyɛnpe Ebɔrɛ be ketre na,

Nshɛ 9:11

Men boŋ nshɛ n fur Enyɛnpe Ebɔrɛ nɛ e wɔ Zayɔn be kebee so a ji basa so kuwura na, n shin nɛ efuliana e nu kusɔ nɛ e wora.

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Aizaaya 46:13

Meeŋ ba mɔlga menyi. Ma nɛ menyi maaŋ naŋ barga abar. M maaŋ naŋ chɛr nseŋ ba mɔlga menyi. Meeŋ mɔlga basa nɛ b wɔ Jerusalɛm to nseŋ shin nɛ Israɛl be efuli na e nya kemaŋkura.”

Nɔmbɛs 1:4

Men shin nɛ yiri kikɛ to be enimu koŋwule e chɛ menyi to.”

Joshuwa 23:2

Kachako nɛ e tre Israɛlebi be bejuŋkparpo kikɛ, benimu nɛ demujipoana nɛ bumo be ekrachi m ba kaŋɛ bumo le: “Naniere bre m bel.

Joshuwa 24:1

Ndoŋ nna nɛ Joshuwa tre Israɛl be eyiriana na kikɛ m ba Shɛchem. Bumo be benimuana nɛ bejuŋkparpo nɛ demujipoana nɛ ekrachiana nɛ e daŋ tre m ba Ebɔrɛ be anishito

1 Pita 2:6

Ŋkpal manɛ so, abɔrɛsibɛ na bee kaŋɛ fanɛ Ebɔrɛ bee kaŋɛ le nna: “Men keni, kejembu nɛ n lara nɛ k la ma kenishi nɛ n ta n nase Zayɔn to na, k la kebonfu to be gbaltɔlasejembu nna nɛ esa kama malɛ nɛ e yirda mo maaŋ ji anishinyɔr kikɛ.”