1 Bewura 7:36 - EBƆRƐ BE KAWƆL

³⁶ B daŋ wora atoto nɛ ebuluŋ nɛ abii be ndibi nɛ emalaika anyɔ na be ndulgi nna n deŋi asɔ na be kaplɛkama.

1 Bewura 7:36 ပူးပေါင်းရင်းမြစ်များ

1 Bewura 6:29

B daŋ wora emalaika anyɔ na nɛ abii be ndibi nɛ atoto be ndulgi nna n deŋi bɔrɛlambu na be epunto nɛ kumo be ŋkpar to be ebu nɛ baa tre acheembiana to be kakpa cheembi na be egbalana kikɛ so.

1 Bewura 6:32

B daŋ wora emalaika anyɔ na nɛ abii be ndibi nɛ atoto be ndulgi nna n deŋi akuloŋ na so n ji amo kebita, nseŋ ta shuwa m mata amo nɛ emalaika anyɔ na nɛ abii be ndibi be ndulgi na kikɛ so.

1 Bewura 6:35

nseŋ wora emalaika anyɔ nɛ abii nɛ atoto be ndulgi n deŋi amo so, nseŋ ta shuwa m mata amo kikɛ so.

1 Bewura 7:29

B daŋ wora ebuluŋ nɛ egbolu nɛ emalaika anyɔ na be ndulgi nna n deŋi ndibi nɛ a yil teteri na nɛ amo nɛ b ber m mata akel to na kikɛ so nna. Awule nɛ b daŋ ta n ji kakpa nɛ b wora ebuluŋ be ndulgi n deŋi so na be esoso nɛ kaseto kikɛ kebita.

1 Bewura 7:35

Amo be kekama be kɔnɔkarso daa kɔ kekrande kulkulso nɛ kumo be bumburuŋ sa fanɛ keyadra be nteŋ nna nɛ b wora asɔ ko kumo be kebonfu to m pɛ kumo ŋ keta.

1 Bewura 7:37

B daŋ lɔŋɛ asɔ na nna nɛ amo kikɛ sasa nseŋ duli abar.

Ezikɛl 10:14

Asɔbɔya keniso na be ekama daa kɔ anishiakpa ana nna. Bumo be anishito daa la dimɛdi be anishiakpa nna nɛ bumo be jisoso daa la buluŋ be anishiakpa nɛ bumo be bena so la gbolu be anishiakpa nɛ bumo be kaman to daa la kusore be anishiakpa.

Ezikɛl 40:31

Ebu nɛ k wɔ kumo be kabuna to na daŋ kilgi anishito n shoŋi kowushina be kelɔnɛ na nna. Atemprembi aburwa nɛ baa dii a yɔ kabunagboŋ ere ase.

Ezikɛl 40:37

Ebu nɛ k wɔ kumo be kabuna to na daŋ kilgi n shoŋi kowushina be kelɔnɛ na nna, nɛ b wora abii be ndibi be nduli n deŋi kedɛdɛ na be egbalana na so. Atemprembi aburwa nɛ baa dii so a yɔ kabunagboŋ ere ase.