1 Bewura 7:29 - EBƆRƐ BE KAWƆL

²⁹ B daŋ wora ebuluŋ nɛ egbolu nɛ emalaika anyɔ na be ndulgi nna n deŋi ndibi nɛ a yil teteri na nɛ amo nɛ b ber m mata akel to na kikɛ so nna. Awule nɛ b daŋ ta n ji kakpa nɛ b wora ebuluŋ be ndulgi n deŋi so na be esoso nɛ kaseto kikɛ kebita.

1 Bewura 7:29 ပူးပေါင်းရင်းမြစ်များ

Jɛnesis 3:24

Ebɔrɛ ka ju Adam nɛ mbe eche ashi kudɔbi na to n loge nɛ e shin nɛ emalaika nɛ baa tre chɛrubim na ba kudɔbi na be epeŋipetekpa m baa kaa keni kumo so, nɛ tokobi nɛ k bee suse edɛ bee filito a yɔ a ba, saŋɛ na so ekama maaŋ tiŋ n yɔ kedibi nɛ k bee sa ŋkpa na ase.

1 Bewura 6:27

B daŋ ta amo nna n yili acheembiana to be kakpa cheembi na nɛ amo be kekama parga aba to nɛ keba ko bee chute ebu na be kaba ko be egbal nɛ kuko malɛ bee chute kumo barkasa be keba ashi ebu na be nferinto.

1 Bewura 7:25

Katishaŋgboŋ na daa bɛ egbolu kuduanyɔ nɛ b ta danyaŋ n wora na so nna. Danyaŋ be egbolu na daŋ pal mman nna n sa abar nɛ besa kilgi anishito n shoŋi kelargato be esoso be kaba so nɛ besa malɛ kilgi n shoŋi kelargato be kaseto be kaba so nɛ besa malɛ kilgi n shoŋi epeŋitɔrkpa be kaba so nɛ besa malɛ kilgi anishito n shoŋi epeŋilarkpa be kaba so.

1 Bewura 7:28

Ndibi baŋɛso nɛ b daŋ ta n yili teteri nseŋ ta amo be ako malɛ ŋ gbir m mata amo nɛ a yil na be akel to.

1 Bewura 7:30

Kusɔ nɛ baa ta asɔ a bɛ so na be kekama daa kɔ danyaŋ be aya ana nna nɛ danyaŋ be mpuliyabi fanɛ cheche be aya be mpuliyabi na. B lɔŋɛ abɛlso nna n wɔtɔ asɔ nɛ baa ta asɔ a bɛ so na be kekama be esoso be kebonfu kikɛ to nna a ta danyaŋ be ntishaŋ na a bɛso.

Ɛksodɔs 25:18

Shin nɛ b ta shuwa m bɛl asɔ anyɔ ko nɛ a du fanɛ emalaika nɛ baa tre chɛrubim na n yuu deka na be buuso na so.

Ɛksodɔs 37:7

Kumo alɛ be kaman nɛ e bɛa shuwa to n lɔŋɛ chɛrubim anyɔ n yuu kuwɔr be kakpa na be nteŋ to be ekarso na.

Ezikɛl 1:10

Anishito ana nɛ ekama kɔ na malɛ daa kɔr abar to nna. Bumo be anishito be kaba so daa la dimɛdi be anishito nna, nɛ jisoso be kaba so la buluŋ be anishito, nɛ bena so la gbolu be anishito nɛ kaman malɛ peya na la kusore be anishito.

Ezikɛl 10:14

Asɔbɔya keniso na be ekama daa kɔ anishiakpa ana nna. Bumo be anishito daa la dimɛdi be anishiakpa nna nɛ bumo be jisoso daa la buluŋ be anishiakpa nɛ bumo be bena so la gbolu be anishiakpa nɛ bumo be kaman to daa la kusore be anishiakpa.

Hoziya 5:14

Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Hibruwebi 9:5

Asɔ pɔrso anyɔ ko nɛ baa tre chɛrubim nɛ a daa ŋini fanɛ Ebɔrɛ be kemaŋkura wɔ ndoŋ na daa yuu deka na be kumu so nna m parga to m buu kakpa nɛ baa tre kuwɔr be kakpa na. Ama anyi maaŋ tiŋ m malga m malga asheŋ ere to n luri to n loge.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

Kelaraŋŋini 5:5

Ŋ ka bee shu na nɛ bejuŋkparpoana na be eko kaŋɛ ma: “Sa maa shu, keni Juda be kanaŋ to be buluŋ, Ewura Deevid mo Nanabigboŋ na kɔ m pɔɔ so ŋkaa beeŋ tiŋ m bu m bu abersobi ashunu na nseŋ tiŋ m bugi kawɔl sibɛso na.”