1 Bewura 7:26 - EBƆRƐ BE KAWƆL

²⁶ Katishaŋgboŋ na be nwɔr daa sa fanɛ enɔ be epunto be mpar. Nɛ kumo be kɔnɔkarso malɛ daa du fanɛ kusɔnuunchu nseŋ naŋ to n lar kaman fanɛ atoto na. K daa beeŋ tiŋ n sɔ nchu egalɔn ŋgboŋ kudukako nɛ alfa anu.

1 Bewura 7:26 ပူးပေါင်းရင်းမြစ်များ

1 Bewura 6:18

B daŋ ta sida be ndibi nna m mata kumo alɛ gba be epunto be egbal na so ŋ kuŋ ajembu nɛ b ta m pɔr kumo na so, nseŋ wora ndeŋke nɛ atoto be ndulgi n deŋi sida be ndibi na so n ji amo kebita.

1 Bewura 6:32

B daŋ wora emalaika anyɔ na nɛ abii be ndibi nɛ atoto be ndulgi nna n deŋi akuloŋ na so n ji amo kebita, nseŋ ta shuwa m mata amo nɛ emalaika anyɔ na nɛ abii be ndibi be ndulgi na kikɛ so.

1 Bewura 6:35

nseŋ wora emalaika anyɔ nɛ abii nɛ atoto be ndulgi n deŋi amo so, nseŋ ta shuwa m mata amo kikɛ so.

1 Bewura 7:19

Kedɛdɛ na to be eshabɔrɛ na be nwuro na be nteŋ daa la ayadra asheshe nna, nɛ e wora ketotodibi nɛ baa tre lili na be ndulgi n deŋi amo so,

1 Bewura 7:25

Katishaŋgboŋ na daa bɛ egbolu kuduanyɔ nɛ b ta danyaŋ n wora na so nna. Danyaŋ be egbolu na daŋ pal mman nna n sa abar nɛ besa kilgi anishito n shoŋi kelargato be esoso be kaba so nɛ besa malɛ kilgi n shoŋi kelargato be kaseto be kaba so nɛ besa malɛ kilgi n shoŋi epeŋitɔrkpa be kaba so nɛ besa malɛ kilgi anishito n shoŋi epeŋilarkpa be kaba so.

1 Bewura 7:27

Huram malɛ daŋ naŋ ta danyaŋ nna n lɔŋɛ asɔ nɛ baa ta asɔ a bɛ so kudu, nɛ a kɔ aya. Amo be kekama be nteŋ daa la ayadra asheshe nna nɛ amo be jeŋgreŋ malɛ daa la ayadra anana nɛ bargato nɛ amo be mpar gba la ayadra ashe ashe.

1 Bewura 7:38

Huram malɛ gba daŋ naŋ ta danyaŋ n lɔŋɛ ntishaŋ kudu, turko kama nɛ kumo peya. Kusɔ nɛ baa ta asɔ a bɛ so kama nɛ kumo peya. Ntishaŋgboŋ na be kekama be kpaŋgelaŋ daa sa fanɛ ayadra ashe nna, nɛ amo be kekama beeŋ tiŋ n sɔ nchu egalɔn alfa anyɔ nɛ adesa.

2 Kronikɛls 4:5

Katishaŋgboŋ na be gbenteliŋ daa sa fanɛ enɔ be epunto be mpar nna. Nɛ kumo be kɔnɔkarso malɛ daa du fanɛ kusɔnuunchu nseŋ naŋ to n lar kaman fanɛ atoto na. K daa beeŋ tiŋ n sɔ egalɔn ŋgboŋ kuduanu be asɔ.

Ɛksodɔs 25:25

nseŋ ta shuwa n wora kekrande nɛ kumo be mpar sa fanɛ enɔ be mparto ŋ kulti kumo be ekarso kikɛ.

Jɛremaya 52:21

Danyaŋ be eshabɔrɛ anyɔ na be kekama be jeŋgreŋ daa sa fanɛ ayadra adunyɔ nɛ ashunu nɛ amo be ndanto ŋ kulti malɛ daa sa fanɛ ayadra kuduaburwa. Amo be kekama daa kɔ kelaŋ nna nsaa du gbuntelin.

Ezikɛl 45:11

Ekurwa nɛ ebɔtɛ nɛ ekɔlba nɛ egalɔn nɛ men kɔ a karga asɔ a fa na kikɛ maŋ daga fanɛ a baa la kapuni b kasɔkarga be asɔ. Amo kikɛ daga fanɛ a baa la asɔ nɛ ekama yirda fanɛ amo e la kashenteŋ be asɔ nɛ b kɔ a karga asɔ a fa nna.

Ezikɛl 45:14

Menyeeŋ barga men be ɔlifs be ŋku to ntuŋ kalfa, nseŋ ta katuŋ koŋwule m ba sa ma. Menyeeŋ baa karga amo ekɔlba nɛ egalɔn to nna. Galɔn koŋwule malɛ la ekɔlba ashunu nna.