1 Bewura 7:23 - EBƆRƐ BE KAWƆL

²³ Huram daŋ lɔŋɛ danyaŋ be katishaŋgboŋ kulkulso nɛ baa tre Teku nna nɛ kumo be mpar daa sa fanɛ ayadra kuduanu, nɛ kumo be chuŋguluŋ malɛ daa sa fanɛ ayadra ashunu nɛ bargato nɛ kumo be kɔnɔkarso ŋ kulti be bumburuŋ daa la ayadra adena nɛ anu.

1 Bewura 7:23 ပူးပေါင်းရင်းမြစ်များ

1 Bewura 7:22

B daŋ ta nwuro nɛ a duli ketotodibi nɛ baa tre lili na nna m buu eshabɔrɛ na so, nɛ eshabɔrɛ na be kushuŋ loge.

2 Bewura 16:15

Kumo be kaman nɛ ewura Ahaz kaŋɛ bɔrɛmatapo Uriya le: “Yili kabre a yɔ baa lara esarga chɔɔso nɛ ayu be esarga nɛ ewura be esarga chɔɔso nɛ mbe ayu be esarga nɛ kasawule na so be basa kikɛ be esarga chɔɔso nɛ bumo be ayu nɛ asɔnuuso be esarga na kikɛ a deŋi ma bɔrɛsure gboŋgboŋi na so kachipurso nɛ kaaseso be jemanɛ kikɛ, nsaa ta asɔbɔya nɛ b mɔ n lara sarga na kikɛ be ŋklaŋ a ŋmenyaŋ kumo so. Ama meeŋ baa lara esarga danyaŋ be bɔrɛsure na bre so a bishi so a fin Enyɛnpe Ebɔrɛ na be nfɛra.”

2 Bewura 16:17

Kumo be kaman nɛ ewura Ahaz shin nɛ b lara danyaŋ be eturko na nseŋ bɛge echeenshi nɛ a bɛ amo so na n yili, nseŋ shin nɛ b bɛge katishaŋgboŋ nɛ baa tre Teku, nɛ k bɛ danyaŋ be egbolu kuduanyɔ na be mman na, n yili kejembu be ketɔl so.

2 Bewura 25:13

Babilɔn be benapo na daŋ bɛa danyaŋ be eshabɔrɛ nɛ eturko nɛ danyaŋ be katishaŋgboŋ nɛ baa tre Teku nɛ k daa wɔ bɔrɛlambu na to na to nna nseŋ lara amo be danyaŋ na kikɛ n yɔ Babilɔn.

1 Kronikɛls 18:8

E daŋ sɔ danyaŋ damta gba ashi Tibhaf nɛ Kun be nde nɛ Hadadeza daa ji kuwura amo so na gba to nna. Amo nɛ ewura Deevid pibi Sɔlɔmɔn daŋ ta n lɔŋɛ bɔrɛlambu na to be katishaŋgboŋ nɛ baa tre teku na, nɛ eshabɔrɛ nɛ danyaŋ be ntishaŋ jito na.

2 Kronikɛls 4:2

E daŋ lɔŋɛ danyaŋ be katishaŋgboŋ kulkulso nɛ baa tre Teku nna nɛ kumo be mpar daa sa fanɛ ayadra kuduanu, nɛ kumo be chuŋguluŋ malɛ daa sa fanɛ ayadra ashunu nɛ bargato nɛ kumo be kɔnɔkarso ŋ kulti daa la ayadra adena nɛ anu.

Ɛksodɔs 30:17

Ade kikɛ be kaman nɛ Enyɛnpe Ebɔrɛ naŋ kaŋɛ Mosis le:

Ɛksodɔs 38:8

B daŋ ŋalga beche nɛ baa shuŋ Enyɛnpe be wajɛbu na be kabuna to be danyaŋ be edigi nna n lɔŋɛ katishaŋgboŋ na nɛ kumo be ketɔl.

Jɛremaya 27:19

Jemanɛ nɛ Ewura Nebukadneeza daŋ ba pɛ Juda be ewura Jehowachin nɛ Juda nɛ Jerusalɛm be benimuana na nseŋ tintiŋ bumo n yɔ Babilɔn be efuli so na, e daŋ maŋ ta Jerusalɛm to be yawu kpakpaso be asɔ kikɛ n yɔ. E daŋ yige danyaŋ be eshabɔrɛana nɛ danyaŋ be echeenshigboŋ na nɛ danyaŋ be eturko nɛ a wɔ bɔrɛlambu na to na nna. E daŋ yige yawu kpakpaso be asɔ lela ko gba ashi ewurkpa nɛ Jerusalɛm be mboŋ nɛ a ka na nna.

Jɛremaya 52:17

Nebuzaradan daŋ kaŋɛ mbe benapo nna fanɛ b yɔ bɔrɛlambu na to n ya ta asɔ nɛ b ta shuwa ŋko gbiti n lɔŋɛ na. Amo e la echeenshi nɛ asɔ chɔɔ edɛ nɛ ntishaŋ nɛ baa wɔtɔ nchu a ŋmanyaŋ asɔ so nɛ mba nɛ b kɔ a kɛ asɔ nɛ efitilatɔl nɛ duwu be echeenshibi nɛ ekurwa nɛ baa wɔtɔ yabra a lara sarga na. Babilɔn be benapo na daŋ ta danyaŋ be asɔ. Amo e la asɔ nɛ b kɔ a muu nsunɔ tushiso nɛ eshabɔl nɛ asɔ nɛ b kɔ a duŋ fitila na nɛ ntishaŋ nɛ baa wɔtɔ nchu a ŋmanyaŋ asɔ so nɛ eduwu be echeenshi nɛ b kɔ a shuŋ Ebɔrɛ ashi bɔrɛlambu na to na nna. Benapo nɛ baa kuŋ Babilɔn be ewura na be enimu na daŋ ta danyaŋ be asɔ ere gba nna n ti so. Amo e la eshabɔrɛ anyɔ nɛ a yil bɔrɛlambu na be anishito na nɛ katishaŋgboŋ nɛ baa tre Teku na nɛ egbolu kudu anyɔ nɛ katishaŋgboŋ na bɛ so na nɛ eturko nɛ ewura Sɔlɔmɔn daŋ shin nɛ b lɔŋɛ n yili bɔrɛlambu na to na. B daŋ maŋ tiŋ ŋ karga asɔ nɛ b ta na be egbɛ ŋkpal a kaa daa wɔgbɛ ga na so.