1 Bewura 7:14 - EBƆRƐ BE KAWƆL

¹⁴ Mo tuto nɛ e la Tayɛ be esa nsaa maŋ naa wɔ ŋkpa to na gba daa la esa nɛ e kɔ danyaŋ be keta n lɔŋɛ asɔ be enɔ to be kenyi nna. Mo nio daŋ shi Naftali be yiri to nna. Huram daa la esa nɛ e kɔ enɔ to be kenyi nɛnɛ nna, amoso ewura Sɔlɔmɔn ka tre mo n ta danyaŋ be keta n lɔŋɛ asɔ be kushuŋ be kenimu n sa mo, e daŋ shuli nna.

1 Bewura 7:14 ပူးပေါင်းရင်းမြစ်များ

2 Kronikɛls 2:14

Mo nio shi Dan be yiri to nna nɛ mo tuto malɛ la Tayɛ be kadetobia. E nyi kananɛ baa ta shuwa nɛ gbiti nɛ danyaŋ nɛ abɛlso nɛ ajembu nɛ ndibi a lɔŋɛ asɔ damta. E beeŋ tiŋ n lue ewajɛ buru nɛ apeper kpaw nɛ apeper kunɔkunɔ nɛ ago. E kɔ kenyi a laŋɛ kebaachaŋ asɔ a deŋi asɔ so nsaa beeŋ tiŋ n wora ndulgi kama nɛ b ŋini mo fanɛ e wora. Shin nɛ e tu fo beshumpo nɛ b kɔ enɔ to be kushuŋ be kenyi ga na nɛ bumo nɛ b daa shuŋ a sa fo tuto ewura Deevid na a shuŋ.

2 Kronikɛls 2:6

Ama esa kama maŋ wɔtɔ nɛ e beeŋ tiŋ m pɔr lambu nɛ k beeŋ tiŋ n sɔ Ebɔrɛ, ŋkpal manɛ so, esoso kikɛ gba kra du fimbi nɛ k tiŋ n sɔ mo. Kakpa nɛ ma ere beeŋ tiŋ m pɔr e la lambu nɛ baaŋ baa chɔɔ duwu kumo to a sa Ebɔrɛ.

2 Kronikɛls 4:11

Hiram e daŋ lɔŋɛ mpuliya nɛ eshabɔl nɛ ntishaŋ. Asɔ nɛ e daŋ nase kɔnɔ n sa ewura Sɔlɔmɔn fanɛ e beeŋ lɔŋɛ n sa bɔrɛlambu na nseŋ lɔŋɛ amo n loge na be ako e daa la, Eshabɔrɛ anyɔ na nɛ amo be ebuuso nɛ a deŋ amo be esoso na, nɛ Asɔ nɛ b chaŋ fanɛ ŋgbɛlɛbi nɛ a mɛa abar n deŋ shabɔrɛ na be kekama so na nɛ asɔ alfa ana nɛ a du fanɛ asɔrso kulkulbi nɛ baa tre amo pomegranates nɛ b ta danyaŋ n lɔŋɛ n deŋi eshabɔrɛ na be kekama so na; nɛ eturko kudu nɛ ebɔtɛ kudu na, nɛ katishaŋgboŋ nɛ baa tre teku na, nɛ edanyaŋ be egbolu kuduanyɔ nɛ katishaŋgboŋ na yil so na, nɛ mpuliya nɛ eshabɔl nɛ ntoe chɛgato na. Huram nɛ e kɔ enɔ to be kushuŋ be kenyi ga na e daŋ lɔŋɛ asɔ ere kikɛ. Danyaŋ nɛ k bee nyɛpkɛso nɛ b daŋ ta n lɔŋɛ amo fanɛ b ta a shuŋ ashi Enyɛnpe Ebɔrɛ be bɔrɛlambu na to fanɛ kananɛ ewura Sɔlɔmɔn ŋini fanɛ b wora na gbagba.

Ɛksodɔs 28:3

Shin nɛ basa nɛ ma ere Ebɔrɛ sa bumo enɔ to be kushuŋ be kenyi na, e lɔŋɛ Ɛɛrɔn be epiŋi na. Kumo be kaman nɛ b ta Ɛɛrɔn m bɔɔ ma Ebɔrɛ enɔ nɛ e shuŋ ma fanɛ bɔrɛmatapo.

Ɛksodɔs 35:30

Ade be kaman nɛ Mosis kaŋɛ Israɛlebi na le: “Men nu nfe, Enyɛnpe Ebɔrɛ lara Besalɛl nɛ e la Yuri pibinyɛn nsaa la Hur mo nanabi na nna ashi Juda be kanaŋ to na

Ɛksodɔs 35:31

n ta mbe kiyoyu n wɔtɔ mo to nseŋ sa mo kasɔwora kikɛ be kenyi nɛ ketiŋ n wora be eleŋ nɛ kasɔlɔŋɛ be kepinto kikɛ nyam be nfɛra.

Ɛksodɔs 35:35

E sa bumo kasɔwora be kenyi nna nɛ b baa tiŋ a ta ago be jese lela nɛ buru be jese nɛ jese peper kpaw nɛ ejese peper kunɔkunɔ a jɔ asɔ ŋko a lue ewajɛ be yiriyiri. Bumo alɛ bee tiŋ a wora ashuŋ be yiriyiri kikɛ nyam nsaa tiŋ a ji asɔ kebita kenyiso.”

Ɛksodɔs 36:1

Besalɛl nɛ Oholiab nɛ bekama nɛ mo ere Enyɛnpe Ebɔrɛ na sa kenyi nɛ kepinto nɛ b nyi kusɔ kama nɛ k daga fanɛ b wora a laŋɛ wajɛbu cheembi na be kaplɛa so na beeŋ wora asheŋ kananɛ Enyɛnpe Ebɔrɛ na kaŋɛ gbagba chap.

Ɛksodɔs 36:8

Ade kikɛ be kaman nɛ basa nɛ b daa shuŋ kushuŋ na be bumo nɛ b daa kɔ kenyi na, lɔŋɛ Ebɔrɛ be wajɛbu na. B daŋ ta ago be ejese lela mɔlmɔlbi nɛ ejese nɛ a la buru nɛ apeper kpaw nɛ apeper kunɔkunɔ nna n lue epatisa kudu nseŋ shin nɛ esa nɛ e nyi kajɔ ta kebasibi nɛ jese n jɔ n jɔ chɛrubim n deŋi n deŋi epatisa na so.

Aizaaya 28:26

Edɔpo na nyi mbe kushuŋ nna ŋkpal manɛ so, Ebɔrɛ e ŋini mo kumo.