1 Bewura 6:7 - EBƆRƐ BE KAWƆL

⁷ Ŋkpal ewura Sɔlɔmɔn ka daa maa sha akpanfu nɛ b kɔ a bure ajembu to be awɔr kakpa nɛ baa pɔr bɔrɛlambu na so, e daŋ shin nna nɛ mbe beshumpo shɛl ajembu nɛ baaŋ ta m pɔr kumo ashi kakpa nɛ baa bure ajembu to ashi kebee so be efuli so na pɔɛŋ nseŋ sulɔ amo m ba kade to.

1 Bewura 6:7 ပူးပေါင်းရင်းမြစ်များ

1 Bewura 6:6

Amo be kumo nɛ k wɔ kaseto na be mpar daa la ayadra ashunu nɛ bargato nna, nɛ kumo nɛ k bɛ so na malɛ be mpar daa la ayadra akpanu nɛ kumo nɛ k wɔ esoso na malɛ be mpar la ayadra kudu nɛ bargato. B daŋ yuu ndibi nna n sɔ ebuana na to saŋɛ na so amo be egbɛ maaŋ bɛ bɔrɛlambu na be egbal na so.

1 Bewura 6:8

Ebu nɛ k wɔ kaseto na be kabuna daa wɔ bɔrɛlambu na be kelargato be kaseto be kaba so nna. Ndoŋ nɛ b daŋ yili n wora diiso a yɔ ebu nyɔsopo na nɛ kesasopo na kikɛ to.

Ɛksodɔs 20:25

Ama nɛ men baŋ ta ajembu nɛ men pɔr bɔrɛsure n sa ma, men sa maŋ kaŋ ta kanase n shɛl amo m pɔr kumo, ŋkpal manɛ so, nɛ men baŋ ta kanase n shɛl amo, kumo ere men maaŋ naŋ tiŋ n lara sarga kumo so n sa ma.

Aŋasa 24:27

Nase kudɔ n du fo adɔjibi pɔɛŋ nsaa pɔr kowu.

Aizaaya 42:2

E maaŋ ponte awɔrso ŋko m malga awɔrso ashi agbembi so.

Ashuŋ Shunso 9:31

Kumo be kaman nɛ asɔriebi nɛ b daa wɔ Judiya na nɛ Galili nɛ Samɛria na lar bumo be etɔrɔ na to n nya kagbenewushi gbrɛ. Kiyoyu Cheeŋ na e daŋ shin nɛ b daŋ yɔ anishito nseŋ wora keshi n ti so a wɔ Enyɛnpe be kebunyaŋ be kebaawɔtɔ to.

Romebi 9:23

Mo alɛ daa sha nna nɛ basa e wu mbe kemaŋkuragboŋ nɛ e shin nɛ k ba anyi nɛ mbe kuwɔr na chɛr a ba anyi so so nna. Anyi nɛ e bela ase n yili nɛ an nya mbe kemaŋkura na.

2 Kɔrintebi 5:5

Ebɔrɛ e bela anyi ase n yili le be kesheŋ ere nseŋ ta mbe Kiyoyu n sa anyi nɛ e baa la asɔ nɛ e kɔ a sa anyi kikɛ be tɔɔnɛ.

Kɔlɔsiebi 1:12

ŋkpal manɛ so, mo e shin nɛ men daga kenya asɔ nɛ e kɔ a sa mbe basa na be ako ashi ebɔrɛso, kakpa nɛ kefulto wɔ na.

Jeems 1:20

ŋkpal manɛ so, mannɛ kanya agbo so nɛ esa bee bɔla a wora alelasheŋ nɛ a bee par Ebɔrɛ.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.