1 Bewura 6:5 - EBƆRƐ BE KAWƆL

⁵ B daŋ pɔr ebuwurbiana nɛ baa ta asɔ a wɔtɔ nna m mata bɔrɛlambu na be egbalana m bɛ abar so esoso.

1 Bewura 6:5 ပူးပေါင်းရင်းမြစ်များ

1 Bewura 6:16

B daŋ pɔr ŋkpar to be ebu nɛ baa tre acheembiana to be kakpa cheembi na bɔrɛlambu na to nna. Sida be ndibi nɛ b daŋ ta n yili kumo be kaseto m mata kumo be atarbi so hale n ya fo kumo be epɔ to kikɛ. Kumo be nteŋ daa la ayadra adesa nna.

1 Bewura 6:31

Ɔlif be kedibi nɛ b ta n lɔŋɛ acheembiana to be kakpa cheembi na be kabuna to be akuloŋgboŋ anyɔ nɛ amo be kabuna to be ndibi nɛ amo be esoso pɛlte na.

1 Bewura 6:6

Amo be kumo nɛ k wɔ kaseto na be mpar daa la ayadra ashunu nɛ bargato nna, nɛ kumo nɛ k bɛ so na malɛ be mpar daa la ayadra akpanu nɛ kumo nɛ k wɔ esoso na malɛ be mpar la ayadra kudu nɛ bargato. B daŋ yuu ndibi nna n sɔ ebuana na to saŋɛ na so amo be egbɛ maaŋ bɛ bɔrɛlambu na be egbal na so.

1 Kronikɛls 23:28

Livaiebi na be kushuŋ e daa la kebaachɛ Ɛɛrɔn be kaman to ebi to ashi Enyɛnpe Ebɔrɛ be bɔrɛlambu na be kushuŋ to. Bumo e naŋ baa lɔŋɛ kumo nsaa keni kumo be alɔnɛ nɛ ebuana nɛ asɔ cheembi na so nɛ a saa maa wora eyurpi.

1 Kronikɛls 28:11

Ewura Deevid daŋ ŋini Sɔlɔmɔn kananɛ baŋ pɔr bɔrɛlambu na nɛ kumo be ebuana nɛ baa ta asɔwurbi a yili to na nɛ kumo be epunto be ebuana nɛ acheembiana to be kakpa cheembi nɛ baa ta alubi a paŋ na nna.

1 Kronikɛls 9:26

B daŋ ta ebuana nɛ a wɔ bɔrɛlambu na to na nɛ ekpanjawu nɛ a wɔ kumo to na kikɛ be kushuŋ nna n sa mbunakenipoana be benimu ana nɛ b la Livaiebi na nna.

2 Kronikɛls 31:11

Nɛ ewura na shin nɛ b pɔr ebuana nɛ baaŋ ba ta asɔ a yili to ashi bɔrɛlambu na be kelɔnɛ na be ekarso,

2 Kronikɛls 4:20

nɛ kefitilatɔl na nɛ efitila nɛ b ta shuwa lela n lɔŋɛ nɛ baa chɔ amo e yili acheembiana to be kakpa cheembi na,

2 Kronikɛls 5:7

Bɔrɛmatapoana na e daŋ ta Enyɛnpe Ebɔrɛ be ŋkre be deka na n ya yili m mata emalaika anyɔ na be aya ase ashi acheembiana to be kakpa cheembi na to.

2 Kronikɛls 5:9

Ndibi na daa wɔ nteŋ nna ga nɛ esa beeŋ tiŋ n yili acheembiana to be kakpa cheembi na be kabuna to n wu amo ama manɛ kakpa kikɛ nɛ esa beeŋ tiŋ n yili n wu amo. Loŋ be ndibi na yili ndoŋ n chɛr ga.

Nehemaya 10:37

Anyi alɛ beeŋ naŋ bar aboyu nyifu nɛ an fara ŋ kɔr m ba sa bɔrɛmatapoana na ashi bɔrɛlambu na to. Amo nɛ asɔrso nɛ a walɛ ga na nɛ yabra popɔr nɛ ɔlif be ŋku. Anyeeŋ bar anyi be ayu teŋiso be kudu kudusopo m ba sa Livaiebi nɛ baa nite a sɔ asɔ ashi ndeana na to na.

Nehemaya 12:44

Loŋ be kamɔnchɛ na b daŋ lara basa ko nna fanɛ b baa keni ebuana nɛ baa yili ajibi nɛ asɔ wurbi ashi bɔrɛlambu na to na so nna. Bumo alɛ e naaŋ baa sɔ adɔjibi nɛ b juŋkpar n teŋi na nɛ adɔjibi nɛ asɔbɔya be kudu kudusopo nɛ b lara m ba sa Ebɔrɛ na. Bumo koŋwule na e naaŋ baa sɔ adɔjibi nɛ Mosis be mbra bee ŋini fanɛ b baa bar m ba kaa sa bɔrɛmatapoana nɛ Livaiebi na gba.

Nshɛ 28:2

Jande, nu ma kekule, saŋɛ so nɛ m maŋ ma enɔana so n shoŋi fo bɔrɛlambu cheembi na a bunyaŋ fo nsaa kule fo, a fin kechɛto ere.

Ɛksodɔs 25:22

Ndoŋ nɛ ma nɛ menyi beeŋ baa shɛr nɛ m baa bɔla chɛrubim anyɔ na be nferinto ashi buuso na so a ta ma mbra nɛ ma mmalga a sa fo nɛ fo alɛ e baa ta amo a sa Israɛlebi na.

Sɔlɔmɔn 1:4

Keta ma nɛ an nya manaŋ n yɔ; Ma ewura, keta ma n yɔ fo ebu to manaŋ. Ndoŋ nɛ anyi be ŋgbene beeŋ fuli anyi, nɛ an nuu nsa nseŋ ji anyi be amu. Nɛ beche bee sha fo, kumo be ekpa so nna.

Jɛremaya 35:2

“Jɛremaya, yɔ Reekab be kanaŋ to be basa kutɔ n ya kaŋɛ bumo fanɛ b shin nɛ fo nɛ bumo e yɔ bɔrɛlambu na to be ebuana na be kuko to. Men kaŋ yɔ ndoŋ nɛ fo ya sa bumo yabra.”

Jɛremaya 35:4

m ba bɔrɛlambu na to. Kumo be kaman nɛ ŋ keta bumo n luri anebi Hanan nɛ mo tuto daa la Igdaliya na be bebɛsopo be ebu to. Ebu na daa wɔ Shallum pibinyɛn, Maaseia nɛ e daa la bɔrɛlambu na to be beshumpo na be enimugboŋ ko na be ebu be awɔlto nna nɛ k mata benimuana na be beko be peya.

Ezikɛl 40:17

Ade kikɛ be kaman, nɛ kanyɛn na naŋ keta ma m bɔla kedɛdɛ na to n yɔ bɔrɛlambu na be kowushina be kelɔnɛ na so. Ebu adesa e wɔ kowushina be egbal na to nɛ b ta ajembu n yuu n dulgi kakpa nɛ baa nite na

Ezikɛl 40:44

Ndoŋ nna nɛ kanyɛn na naŋ keta ma n luri epunto be kelɔnɛ na to nɛ n ya wu ebu anyɔ ko nɛ amo be mbuna daa bugi a yɔ epunto be kelɔnɛ na so. Kuko daa wɔ kabunagboŋ nɛ k wɔ kelargato be esoso be kaba so na ase nseŋ kilgi n shoŋi kelargato be kaseto be kaba so nna, nɛ kenyɔsopo malɛ wɔ kabunagboŋ nɛ k wɔ kelargato be kaseto be kaba so na ase nseŋ kilgi n shoŋi kelargato be esoso be kaba so.

Ezikɛl 41:4

E ka loge, nɛ e karga ŋkpar to be ebu na gbagba; nɛ kumo be kaba kama so daa sa fanɛ ayadra adesa nɛ ana. Ebu ere daa wɔ nferinto be ebu na be anishito nna. Kumo be kaman nɛ e kaŋɛ ma: “Acheembiana to be kakpa cheembi nna na.”

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Nɔmbɛs 7:89

Mosis ka yɔ wajɛbu na to nɛ mo nɛ Enyɛnpe Ebɔrɛ na e ya malga abar kutɔ, nɛ e nu Enyɛnpe Ebɔrɛ be ebɔl ka shi mpɔrduli nɛ baa tre Chɛrubim nɛ b pɔr n yili ŋkre be deka be buuso na so na be nferinto a malga mo kutɔ.