1 Bewura 6:23 - EBƆRƐ BE KAWƆL

²³ Ɔlif be kedibi nɛ b daŋ ta n lɔŋɛ asɔ anyɔ ko nɛ a du fanɛ emalaika nɛ baa tre amo chɛrubim na nseŋ ta amo n yili acheembiana to be kakpa cheembi na to. Amo be kekama be jeŋgreŋ daa la ayadra kuduanu nna.

1 Bewura 6:23 ပူးပေါင်းရင်းမြစ်များ

Jɛnesis 3:24

Ebɔrɛ ka ju Adam nɛ mbe eche ashi kudɔbi na to n loge nɛ e shin nɛ emalaika nɛ baa tre chɛrubim na ba kudɔbi na be epeŋipetekpa m baa kaa keni kumo so, nɛ tokobi nɛ k bee suse edɛ bee filito a yɔ a ba, saŋɛ na so ekama maaŋ tiŋ n yɔ kedibi nɛ k bee sa ŋkpa na ase.

1 Bewura 6:24

Asɔ anyɔ na kikɛ daŋ duli abar nna nseŋ naa sasa. Amo be kekama daa kɔ aba anyɔ anyɔ nna nɛ kekama malɛ be keba be nteŋ daa sa fanɛ ayadra ashunu nɛ bargato. Amoso yili kukoŋwule be keba ko be ekar n ya fo kuko malɛ be keba be ekar be nteŋ daa la ayadra kuduanu nna.

1 Bewura 6:31

Ɔlif be kedibi nɛ b ta n lɔŋɛ acheembiana to be kakpa cheembi na be kabuna to be akuloŋgboŋ anyɔ nɛ amo be kabuna to be ndibi nɛ amo be esoso pɛlte na.

1 Bewura 6:32

B daŋ wora emalaika anyɔ na nɛ abii be ndibi nɛ atoto be ndulgi nna n deŋi akuloŋ na so n ji amo kebita, nseŋ ta shuwa m mata amo nɛ emalaika anyɔ na nɛ abii be ndibi be ndulgi na kikɛ so.

Nshɛ 18:10

Nɛ e dii n chena asɔ firgiso nɛ baa tre chɛrubim na so n firgi afu to a ba.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Aizaaya 37:16

“Enyɛnpetale Israɛl be Ebɔrɛ, fo e chena fo kuwurputi so awɔlto nɛ emalaika nɛ baa tre chɛrubim na wɔ fo aya ase. Fo nawule e la Ebɔrɛ. Fo e to esoso nɛ kasawule nsaa ji kuwura durnya be kuwurjiana kikɛ so.

Ezikɛl 41:24

Kabuna kama malɛ daa kɔ akuloŋ anyɔ nna.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.