1 Bewura 6:13 - EBƆRƐ BE KAWƆL

¹³ Meeŋ baa wɔ ma basa Israɛlebi to ashi bɔrɛlambu nɛ menyee pɔr ere to, ma alɛ maaŋ kini bumo n lɛ.”

1 Bewura 6:13 ပူးပေါင်းရင်းမြစ်များ

1 Bewura 8:27

Ebɔrɛ beeŋ tiŋ a wɔ edimɛdi to durnya ere to a? Esoso kikɛ gba maaŋ tiŋ n sɔ fo. Nɛ nuso nɛ bɔrɛlambu nɛ m pɔr ere bre beeŋ tiŋ n sɔ fo?

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Ɛksodɔs 25:8

Ade be kaman nɛ fo shin nɛ basa na e yuu wajɛbu cheembi n sa ma, saŋɛ na so, meeŋ ba kaa wɔ bumo to.

Ɛksodɔs 29:45

Saŋɛ na so, nɛ ŋ gbelge m baa kaa wɔ Israɛlebi na to a la bumo be Ebɔrɛ.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Levitikɔs 26:11

Meeŋ baa wɔ ma wajɛbu na to ashi menyi to, ma alɛ maa lar menyi be kaman kikɛ.

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

Ditɛronɔmi 31:6

Men nya kagbene a kɔ kenyɛn. Men sa maa ŋana bumo. Ŋkpal manɛ so, Enyɛnpe menyi be Ebɔrɛ na gbagba beeŋ baa wɔ menyi kutɔ. Mo alɛ maaŋ lar menyi kaman ŋko ŋ kplaŋ menyi so kikɛ.”

Ditɛronɔmi 31:8

Enyɛnpe Ebɔrɛ na gbagba beeŋ baa wɔ fo kutɔ a juŋkpar fo. Mo alɛ maaŋ lar fo kaman ŋko ŋ kplaŋ fo so kikɛ; amoso sa maa pɔ aba ŋko a lɔ kufu.”

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.