1 Bewura 5:7 - EBƆRƐ BE KAWƆL

⁷ Ewura Sɔlɔmɔn be kubɔya ere ka tu ewura Hiram, nɛ mbe kagbene fuli mo ga m baŋ so. Nɛ e kaŋɛ le: “Kemaŋkura e baa la Eyɛnpe Ebɔrɛ na peya ŋkpal e ka sa ewura Deevid kebianyiashempo nɛ e sɔ mo so n ji efuli lempo ere be kuwura so.”

1 Bewura 5:7 ပူးပေါင်းရင်းမြစ်များ

Jɛnesis 33:5

Kumo be kaman nɛ Isɔɔ ki ŋ keni n wu beche na nɛ bumo be mbia na nseŋ bishi Jeekɔb le: “Fo nɛ basa mo malɛ nna?” Nɛ Jeekɔb kaŋɛ: “Mbia nɛ Ebɔrɛ wu ma kuwɔr n sa ma, fo kenya nna.”

1 Bewura 1:48

ŋ kule Ebɔrɛ ŋ kaŋɛ le: ‘Kemaŋkura e baa la Enyɛnpe Israɛl be Ebɔrɛ na peya. Mo e shin nɛ n chena n wu esa nɛ e beeŋ sɔ ma so n ji kuwura!’ ”

1 Bewura 10:9

Kemaŋkura e baa la Enyɛnpe fo Ebɔrɛ na peya. Mbe kagbene fuli fo so ga nna so nɛ e ta fo ŋ ki Israɛlebi be ewura nɛ fo baa ji bumo so eleŋ. Ŋkpal kasha nɛ e kɔ n sa mbe basa Israɛlebi na ka maŋ kɔ ekar so, nɛ e ta fo ŋ ki bumo be ewura nɛ fo baa ji asheŋ nɛ amo be ekpa so nsaa wora asɔ nɛ a niŋi ekpa a sa bumo na.”

1 Bewura 3:9

amoso jande sa ma kanyiasheŋ nɛ nfɛra nɛ meeŋ ta a pin kulubi nɛ kelela. Saŋɛ na so meeŋ tiŋ n ji bumo so kuwura nɛnɛ; nɛ mannɛ aloŋ, nuso nɛ meeŋ tiŋ n wora n ji fo basa damta ere kikɛ so kuwura?”

1 Bewura 4:7

Ewura Sɔlɔmɔn daŋ lara basa kuduanyɔ nna nɛ b ki abonfu nɛ a wɔ Israɛl be efuli so na be abane be benimu. Bumo e daa sa ewura na nɛ mbe laŋ to ebi ajibi. Bumo be ekoŋwule kama bee bar ajibi kufɔl lelemu nna pɔɛŋ nɛ ako malɛ e sɔ so. Baa wora loŋ kebɛso kebɛso nna kafɛ kikɛ.

1 Bewura 5:6

Amoso chɛ ma to nseŋ shuŋi fo basa nɛ b yɔ Lebanɔn n ya ku ndoŋ be ndibi gboŋgboŋi nɛ baa tre sida na m bar ma. Bumo nɛ ma basa beeŋ baa shuŋ nɛ ŋ ka fo basa na kanaŋkama nɛ feeŋ sɔ ma, ŋkpal manɛ so ma basa maŋ nyi ndibi be kushuŋ fanɛ fo basa.”

1 Bewura 5:8

Kumo be kaman nɛ ewura Hiram malɛ ta le be kubɔya ere n shoŋi ewura Sɔlɔmɔn. E yɛ: “N nya fo kubɔya na, ma alɛ wora shiriya nɛ n wora kusɔ nɛ fee sha na kikɛ n sa fo. Meeŋ sa fo sida be ndibi na nɛ ndibi nɛ baa tre paɛŋ na gba.

Nshɛ 137:6

Nɛ ŋ ka maŋ naŋ nyiŋi fo, ŋko n ta Jerusalɛm fanɛ kakpa nɛ ma kagbene bee fuli so ga, Ebɔrɛ e shin nɛ ma kudonduloŋ e cha m mata ma kɔnɔ to nɛ nsaa maŋ naŋ tiŋ m malga ŋko m boŋ nshɛ.

Aŋasa 10:1

Ewura Sɔlɔmɔn be aŋasa nde: Kebia nyiashempo bee bar mo tuto nɛ mo nio kumu saŋɛ nna, ama kebia wulpo bre bee wɔtɔ bumo ebesa to nna.

Aŋasa 13:1

Kebia nyiashempo kikɛ bee kaŋ kusoe nna a nu mo tuto be keŋini, ama kumukpakpasowura bre maa shuli a sɔ keŋini.

Aŋasa 15:20

Kebia nyiashempo kikɛ bee bar mo tuto kagbenefuli nna, kebia wulpo e naa kplaŋ mo nio be keŋini so.

Aŋasa 23:24

Esa nɛ e bee wora asheŋ niŋiso kikɛ, mo tuto be kagbene bee fuli mo nna. Kebia nyiashempo be asheŋ bee par mo kurgepo nna.

Aizaaya 8:18

Ma nɛ mbia nɛ Enyɛnpe Ebɔrɛ na sa ma na nde. Enyɛnpetale Ebɔrɛ nɛ mbe kuwurputi wɔ kebee nɛ baa tre Zayɔn na so na e shuŋi anyi fanɛ kasokpele be tɔɔnɛ n sa Israɛl be basa.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.