1 Bewura 5:12 - EBƆRƐ BE KAWƆL

¹² Enyɛnpe Ebɔrɛ daŋ bɛ mbe kɔnɔ naseso so nna nseŋ sa ewura Sɔlɔmɔn kanyiasheŋ. Ewura Hiram nɛ ewura Sɔlɔmɔn daŋ nase kagbenewushi be kɔnɔ nna n sa abar fanɛ b maaŋ kɔ abar kena kikɛ saŋɛ na so kagbenewushi beeŋ baa wɔ bumo be kefɛato.

1 Bewura 5:12 ပူးပေါင်းရင်းမြစ်များ

Jɛnesis 21:32

Eebraham nɛ Abimelɛk ka nase kɔnɔ ashi Bɛshiba n loge na nɛ Abimelɛk nɛ mbe benapo be enimu nɛ baa tre Fikɔl na bɛta n yɔ Filistiebi be kasawule so.

1 Bewura 15:19

“Shin nɛ anyi nɛ fo e wora kɔnɔkoŋwule fanɛ kananɛ an tutoana daŋ wora na. Gbiti nɛ shuwa ere bre la fo kakɛ nna. A daga fanɛ fo ku fo nɛ Israɛl be ewura Baasha be kɔnɔkoŋwule nɛ men kɔ na to, nɛ kumo be loŋ e shin nɛ e lara mbe benapo ashi ma kasawule so.”

1 Bewura 3:12

Meeŋ sa fo kusɔ nɛ fo kule na. Meeŋ sa fo kanyiasheŋ nɛ nfɛra a chɔ basa kama nɛ b juŋkpar fo m ba durnya ere to nɛ bumo nɛ baaŋ ba kumo to fo kaman kikɛ.

1 Bewura 4:29

Ebɔrɛ daŋ sa ewura Sɔlɔmɔn kanyiasheŋ nɛ asheŋ be kepinto nɛ nfɛra alegaiso nna.

1 Bewura 5:13

Beshumpo ŋgboŋ adesa nɛ ewura Sɔlɔmɔn daŋ fin ashi Israɛl be efuli so kikɛ fanɛ b ku bɔrɛlambu na be ndibi.

2 Kronikɛls 1:12

Meeŋ sa fo kanyiasheŋ nɛ nfɛra nseŋ naŋ ta kedamaya nɛ amansherbi n ti fo so. Ma alɛ beeŋ shin nɛ fo ketre e dii a chɔ bewura kama nɛ b juŋkpar fo nɛ bumo nɛ baaŋ bɛ fo so kikɛ.”

Nshɛ 127:1

Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Aŋasa 1:1

Israɛl be ewura Sɔlɔmɔn nɛ e la Deevid pibinyɛn na be aŋasa nde.

Kaŋinichiŋgeliŋ 12:9

Ama ŋkpal eŋinipo na ka la enyiashempo so, e kraa ŋini basa asɔ nɛ mo ere nyi nna. E koya aŋasa nna nseŋ mige amo to nɛnɛ m pin amo be kashenteŋ kikɛ.

Sɔlɔmɔn 1:1

Sɔlɔmɔn be nshɛ to be kebelbelso.

Eemɔs 1:9

Enyɛnpe Ebɔrɛ yɛ: “Tayɛ be basa wora alubi n ya baŋ so, amoso a ba naa wora shɛŋ, meeŋ gberge bumo kusoe. M maaŋ yige bumo kikɛ. B kplaŋ bumo be keteri be kɔnɔkoŋwule nɛ b nase n sa abar na be ŋkre so, nseŋ pɛ efuli lelemu be basa n yɔ Edɔm be kasawule so n ya fa.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.