1 Bewura 5:1 - EBƆRƐ BE KAWƆL

¹ Ewura Deevid mo teri kpakpaso e daa la Hiram nɛ e la Tayɛ be kade be ewura na, amoso e ka nu fanɛ Sɔlɔmɔn e sɔ mo tuto so n ji kuwura, nɛ e shuŋi mbe benimu fanɛ b ya chɔrɔ mo.

1 Bewura 5:1 ပူးပေါင်းရင်းမြစ်များ

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

2 Samuɛl 5:11

Kede be kaman nɛ Taye be ewura Hiram shuŋi mbɔ ewura Deevid kutɔ nseŋ sa mo ndibi nɛ baa tre sida na n ta ekapɛnta nɛ basa nɛ baa ta ajembu a pɔr n ti so fanɛ b ya pɔr ewura be laŋ n sa Deevid.

2 Samuɛl 8:10

nɛ e shuŋi mo pibinyɛn Joram fanɛ e ya chɔrɔ ewura Deevid nseŋ sa mo ansaŋ nɛ kushuŋ, ŋkpal e ka kɔ m pɔɔ ewura Hadadeza, nɛ ewura Toi kɔ mo kena alɛ damta a maŋ tiŋ m pɔɔ mo so na so. Joram daŋ ta shuwa nɛ gbiti nɛ danyaŋ be abɛlso nna m ba sa Deevid.

1 Bewura 10:25

Bewura kama nɛ b ba mo kutɔ daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ adoŋsɔ nɛ asɔ nɛ a kɔ efɛa belbelso nɛ egbaŋɛ nɛ ekurma nna. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

1 Bewura 5:10

Kumo be kaman nɛ ewura Hiram sa ewura Sɔlɔmɔn sida nɛ paɛŋ be ndibi nɛ e bee sha na kikɛ,

1 Bewura 5:13

Beshumpo ŋgboŋ adesa nɛ ewura Sɔlɔmɔn daŋ fin ashi Israɛl be efuli so kikɛ fanɛ b ku bɔrɛlambu na be ndibi.

1 Kronikɛls 14:1

Tai be ewura Hiram daŋ shuŋi mbɔ ewura Deevid kutɔ nna. E daŋ shuŋi ekapɛnta nɛ basa nɛ baa ta ajembu a pɔr nna nseŋ ta ndibi nɛ baa tre sida na n ti so fanɛ b ya pɔr ewura be laŋ n sa Deevid.

2 Kronikɛls 17:11

Filistiebi na be beko daŋ ta gbiti damta nɛ ŋkɛ ko nna m ba sa ewura Jehoshafat a ŋini fanɛ b sɔ mo ŋ ki bumo be ewura. Nlɔrbu ko gba daŋ ta mbolpɔ ŋgboŋ ashunu nɛ alfa ashunu nɛ mboe ŋgboŋ ashunu nɛ alfa ashunu nna m ba sa mo.

2 Kronikɛls 2:3

Ewura Sɔlɔmɔn daŋ ta le be kubɔya ere nna n ya sa Tayɛ be Ewura Hiram: “Shin nɛ ma nɛ fo e baa ji yawu fanɛ kananɛ fo nɛ n tuto ewura Deevid daa ji yawu na, nɛ fo baa fa ndibi nɛ baa tre sida na a sa ma fanɛ kananɛ fo daŋ fa amo n sa mo nɛ e pɔr mbe ewura be laŋ na.

2 Kronikɛls 9:26

Mo e daa ji bewura nɛ b wɔ Lɔrgboŋ nɛ baa tre Yufreetes na ashi kelargato be esoso n ya fo Filistiebi be efuli so ashi kelargato be kaseto n ta n ya fo Ijiptebi be kasawule be egbaŋ to kikɛ so eleŋ.

Ɛzra 4:20

Bewura nɛ b daŋ ji eleŋ ga daŋ chena Jerusalɛm to nseŋ daŋ ji kuwura basa nɛ b daa tase Yufreetes be epeŋitɔrkpa be kasawule so, bumo alɛ daa tu bumo a sɔ elampo nɛ atoto nna.

Nshɛ 45:12

Basa beeŋ shi Tayɛ be kade to m bar fo ŋkɛ, nɛ damawuraana e ta mmalga belbelso m ba fule fo nɛ fo wora asɔ nɛ baa sha n sa bumo.

Nshɛ 72:8

Shin nɛ mbe kuwurji e yili teku ko ase n salga to n ya fo teku nyɔsopo ase. Ŋko n yili Yufreetes be Lɔr na ase n salga to n ya fo durnya be ekar.

Nshɛ 80:12

Manɛ nna nɛ fo buri kunji nɛ k bee kuŋ kumo na to, nɛ ekama nɛ e bɔla ndoŋ a choŋ bee nya kumo be asɔrso a chuge?

Ɛksodɔs 34:24

Meeŋ ju efuli pɔtɛana be basa kikɛ nseŋ kpalga men be kasawule to. Esa kama malɛ beeŋ baa ŋana keta men be nsawule jemanɛ nɛ men yɔ nɛ men ya bunyaŋ ma, men Nyɛnpe Ebɔrɛ na ale asa kafɛ kikɛ to na.

Aizaaya 23:1

Kubɔya nɛ k wɔtɔ a laŋɛ kadegboŋ nɛ baa tre Tayɛ na be kaplɛa so nde. Menyi nɛ menyee ta ekuloŋgboŋ a shuŋ nchu so e boŋ to awɔrso n shu ga! Ŋkpal manɛ so, kade nɛ menyee kaa ta menyi be ekuloŋ a gbuŋ kumo to nɛ baa tre Tayɛ na mur. Kumo to be nwu nɛ ekulonyilikpa kikɛ mur kuraa. Jemanɛ nɛ menyi be ekuloŋgboŋ shi kepla nɛ baa tre Saipres a ba na nɛ men nu ebaru na be asheŋ.

Ezikɛl 19:11

Kumo be ayabi daa kɔ eleŋ nna, nseŋ daa walɛ keku n wora kuwurkpabi. K daŋ daŋ n yɔ awɔlto a chɔ ndibi nɛ a ka na kikɛ nna. Ekama daŋ wu kumo be nteŋ nɛ ayabi damta.

Eemɔs 1:9

Enyɛnpe Ebɔrɛ yɛ: “Tayɛ be basa wora alubi n ya baŋ so, amoso a ba naa wora shɛŋ, meeŋ gberge bumo kusoe. M maaŋ yige bumo kikɛ. B kplaŋ bumo be keteri be kɔnɔkoŋwule nɛ b nase n sa abar na be ŋkre so, nseŋ pɛ efuli lelemu be basa n yɔ Edɔm be kasawule so n ya fa.

Nɔmbɛs 24:7

Baaŋ nya mbɔrɛchu damta nseŋ duu bumo be adɔjibi kasawule nɛ k kɔ kayul nɛnɛ so. Bumo be ewura be kuwurji beeŋ baa chɔ Amalɛk be ewura Agag peya. Mbe kuwura beeŋ ji eleŋ ga nɛ mbe ketre e dii.

Luuk 7:5

E bee sha an be efuli ere so be basa ga, mo e shin nɛ b pɔr nshɛrbu n sa anyi na.”

Ditɛronɔmi 20:11

Nɛ b kaŋ shuli fanɛ b tuba nseŋ bugi bumo be mbunaana n sa menyi nɛ men luri kade na to, kumo ere kade na to be basa kikɛ beeŋ ki menyi be anya nsaa shuŋ menyi.

1 Samuɛl 10:27

Ama basa nɛ baa ku asheŋ na bre daŋ kaŋɛ le nna: “Nuso nɛ Sɔɔl malɛ beeŋ tiŋ m mɔlga anyi ashi anyi doŋana kutɔ?” B daa maa sha Sɔɔl ka ki bumo be ewura, ŋkpal loŋ so b daa maŋ bar mo kakɛ kikɛ. Ama Sɔɔl malɛ daa maŋ kaŋɛ shɛŋ.