1 Bewura 4:8 - EBƆRƐ BE KAWƆL

⁸ Benimu kuduanyɔ na nɛ abonfu nɛ baa keni so na be atre nde. Bɛnhur e daa keni kebee so be efuli nɛ k wɔ Efrayim na be kebonfu so.

1 Bewura 4:8 ပူးပေါင်းရင်းမြစ်များ

1 Bewura 4:7

Ewura Sɔlɔmɔn daŋ lara basa kuduanyɔ nna nɛ b ki abonfu nɛ a wɔ Israɛl be efuli so na be abane be benimu. Bumo e daa sa ewura na nɛ mbe laŋ to ebi ajibi. Bumo be ekoŋwule kama bee bar ajibi kufɔl lelemu nna pɔɛŋ nɛ ako malɛ e sɔ so. Baa wora loŋ kebɛso kebɛso nna kafɛ kikɛ.

Joshuwa 19:50

Kananɛ Enyɛnpe Ebɔrɛ daŋ kaŋɛ na gbagba nɛ b daŋ bɛ so nseŋ ta kade nɛ e kaŋɛ fanɛ e bee sha na n sa mo. Kumo e la: Timnaf Sɛrah nɛ k wɔ Efrayim be abee be efuli so na. Nɛ e lɔŋɛ kade na m pɔr nseŋ chena ndoŋ.

Joshuwa 24:33

Nɛ Ɛɛrɔn pibinyɛn Eliaza wu nɛ b ta mo n ya puli Gibia nɛ k wɔ Efrayim be abee be efuli so na. Ndoŋ nɛ b daŋ ta n sa mo pibinyɛn Finihas na.

Demujipoana 17:1

Kanyɛn ko e daa wɔtɔ nɛ baa tre mo Maika nɛ e daŋ chena Efrayim be kepreŋsawule so.

Demujipoana 19:1

Pɔɛŋ nɛ bewura fara a ji kuwura ashi Israɛl be efuli so na, Livai be yiri to be kanyɛn ko e daa wɔ kakpa wɔfɔ ko ashi Efrayim be kepreŋsawule so nseŋ ya ta ejipoche ashi kade nɛ baa tre Bɛtlɛhɛm nɛ k wɔ Juda be efuli so na.