1 Bewura 4:7 - EBƆRƐ BE KAWƆL

⁷ Ewura Sɔlɔmɔn daŋ lara basa kuduanyɔ nna nɛ b ki abonfu nɛ a wɔ Israɛl be efuli so na be abane be benimu. Bumo e daa sa ewura na nɛ mbe laŋ to ebi ajibi. Bumo be ekoŋwule kama bee bar ajibi kufɔl lelemu nna pɔɛŋ nɛ ako malɛ e sɔ so. Baa wora loŋ kebɛso kebɛso nna kafɛ kikɛ.

1 Bewura 4:7 ပူးပေါင်းရင်းမြစ်များ

1 Bewura 12:4

“Fo tuto ewura Sɔlɔmɔn bre daŋ tintiŋ anyi nna nseŋ shin nɛ anyee shuŋ a gben ga. Fo baŋ ku anyi be ashuŋ so nɛ anyi maŋ naa shuŋ tintiŋ be kushuŋ nɛ asheŋ bɔ n sa anyi bre, kumo ere anyi alɛ beeŋ baa shuŋ fo saŋkama.”

1 Bewura 4:5

Esa nɛ e daa la abane na be abonfu abonfu be bejuŋkparpo be enimu gboŋ e daa la Neetan pibinyɛn Azariya, nɛ bɔrɛmatapo Zabud nɛ mo alɛ gba la Neetan pibinyɛn na malɛ la bewura be asoetojipo.

1 Bewura 4:6

Ahisha malɛ e daa keni ewura be laŋ to be nyɛrbi so, nɛ Abda pibinyɛn Adoniram malɛ bee keni basa nɛ baa shuŋ eleŋ be kushuŋ na so.

1 Bewura 4:8

Benimu kuduanyɔ na nɛ abonfu nɛ baa keni so na be atre nde. Bɛnhur e daa keni kebee so be efuli nɛ k wɔ Efrayim na be kebonfu so.

1 Bewura 5:7

Ewura Sɔlɔmɔn be kubɔya ere ka tu ewura Hiram, nɛ mbe kagbene fuli mo ga m baŋ so. Nɛ e kaŋɛ le: “Kemaŋkura e baa la Eyɛnpe Ebɔrɛ na peya ŋkpal e ka sa ewura Deevid kebianyiashempo nɛ e sɔ mo so n ji efuli lempo ere be kuwura so.”