1 Bewura 4:6 - EBƆRƐ BE KAWƆL

⁶ Ahisha malɛ e daa keni ewura be laŋ to be nyɛrbi so, nɛ Abda pibinyɛn Adoniram malɛ bee keni basa nɛ baa shuŋ eleŋ be kushuŋ na so.

1 Bewura 4:6 ပူးပေါင်းရင်းမြစ်များ

2 Samuɛl 20:24

Adoniram e daa la anya nɛ baa tintiŋ nɛ baa shuŋ na be enimu; Nɛ Ahilud pibinyɛn Jehoshafat malɛ daa la esa nɛ e bee sibɛ asheŋ a nase kawɔl to.

1 Bewura 12:18

Kede be kaman nɛ ewura Rehoboam shuŋi Adoniram nɛ e bee keni basa nɛ baa tintiŋ nɛ baa shuŋ na so fanɛ e ya malga Israɛlebi na kutɔ. E ka yɔ nɛ b kpa mo ajembu m mɔ. Nɛ Rehoboam nya manaŋ n luri mbe gbaŋɛturko to n shile n yɔ Jerusalɛm.

1 Bewura 4:5

Esa nɛ e daa la abane na be abonfu abonfu be bejuŋkparpo be enimu gboŋ e daa la Neetan pibinyɛn Azariya, nɛ bɔrɛmatapo Zabud nɛ mo alɛ gba la Neetan pibinyɛn na malɛ la bewura be asoetojipo.

1 Bewura 4:7

Ewura Sɔlɔmɔn daŋ lara basa kuduanyɔ nna nɛ b ki abonfu nɛ a wɔ Israɛl be efuli so na be abane be benimu. Bumo e daa sa ewura na nɛ mbe laŋ to ebi ajibi. Bumo be ekoŋwule kama bee bar ajibi kufɔl lelemu nna pɔɛŋ nɛ ako malɛ e sɔ so. Baa wora loŋ kebɛso kebɛso nna kafɛ kikɛ.

1 Bewura 9:15

Ewura Sɔlɔmɔn daŋ tintiŋ basa nna nɛ b pɔr bɔrɛlambu na nɛ ewura be laŋ na nseŋ sulɔ ajembu m mata kade na be epeŋilarkpa be kaba so be egbal na. Kumo be kaman nɛ e shin nɛ b pɔr egbal ŋ kulti kade na kikɛ. E daŋ shin nɛ b lɔŋɛ m pɔr Hazɔɔ nɛ Majido nɛ Gaza be nde gba nna.

2 Kronikɛls 10:18

Kede be kaman nɛ ewura Rehoboam shuŋi Adoniram nɛ e bee keni beshumpo so na fanɛ e ya malga Israɛlebi na kutɔ. E ka yɔ nɛ b kpa mo ajembu m mɔ. Nɛ Rehoboam nya manaŋ n luri mbe gbaŋɛturko to n shile n yɔ Jerusalɛm.