1 Bewura 4:5 - EBƆRƐ BE KAWƆL

⁵ Esa nɛ e daa la abane na be abonfu abonfu be bejuŋkparpo be enimu gboŋ e daa la Neetan pibinyɛn Azariya, nɛ bɔrɛmatapo Zabud nɛ mo alɛ gba la Neetan pibinyɛn na malɛ la bewura be asoetojipo.

1 Bewura 4:5 ပူးပေါင်းရင်းမြစ်များ

2 Samuɛl 12:25

Ŋkpal Enyɛnpe Ebɔrɛ ka bee sha Sɔlɔmɔn ga so, e daŋ shin nna nɛ anebi Neetan ya nase mo ketre Jedidaya. Kumo be kifito e la fanɛ Ebɔrɛ bee sha mo.

2 Samuɛl 15:37

Deevid mo teri Hushai ka bɛta n yɔ Jerusalɛm k maŋ chɛr ko nɛ Absalɔm gba fo ndoŋ.

2 Samuɛl 16:16

Deevid mo teri kpakpaso Hushai ka tu Absalɔm nɛ e ponte ŋ kaŋɛ le: “Yiramu, Ebɔrɛ e sa fo ŋkpa tenteŋ!”

2 Samuɛl 20:26

Nɛ Ira nɛ e shi Jaari be kade to na daa la ewura Deevid be bɔrɛmatapo.

2 Samuɛl 5:14

E ka yɔ Jerusalɛm na, mbia nɛ e daŋ ya kurge ndoŋ nde: Shamua nɛ Shobab nɛ Neetan nɛ Sɔlɔmɔn nɛ

2 Samuɛl 7:2

Ndoŋ nna nɛ ewura Deevid kaŋɛ anebi Neetan le: “Keni! Ndibi nɛ baa tre sida na nɛ b ta m pɔr ma laŋ ere, ama Ebɔrɛ be ŋkre be deka na bre wɔ wajɛbu to nna!”

2 Samuɛl 8:18

Jehowada pibinyɛn Bɛnaya e daa la esa nɛ e bee kuŋ ewura Deevid. Ewura Deevid malɛ be mbinyɛnsobi e daa la mbe asoetojipoana.

1 Bewura 4:6

Ahisha malɛ e daa keni ewura be laŋ to be nyɛrbi so, nɛ Abda pibinyɛn Adoniram malɛ bee keni basa nɛ baa shuŋ eleŋ be kushuŋ na so.

1 Bewura 4:7

Ewura Sɔlɔmɔn daŋ lara basa kuduanyɔ nna nɛ b ki abonfu nɛ a wɔ Israɛl be efuli so na be abane be benimu. Bumo e daa sa ewura na nɛ mbe laŋ to ebi ajibi. Bumo be ekoŋwule kama bee bar ajibi kufɔl lelemu nna pɔɛŋ nɛ ako malɛ e sɔ so. Baa wora loŋ kebɛso kebɛso nna kafɛ kikɛ.

1 Kronikɛls 27:33

Ahitofɛl e daa la ewura na be asoetojipo nɛ Hushai nɛ e la Aki be esa na, daa la ewura na mo teri nɛ asoetojipo.

Aŋasa 22:11

Fo baa sha asheŋ niŋiso nsaa kɔ kamalga belbelso, kumo ere feeŋ tiŋ n ji ewura kenekpa.

Baru lela nɛ Jɔn kute na 13:23

Bebɛsopo na be emo nɛ Yesu daa sha na daŋ chena nna m mata mo.

Jeems 2:23

Loŋ malɛ e naa shin nɛ abɔrɛsibɛ na be kɔnɔ bee bɔlɔ fanɛ Eebraham yirda Ebɔrɛ nɛ Ebɔrɛ yili kumo fanɛ e maŋ kɔ kulubi mo to na. Amoso nɛ Ebɔrɛ daŋ tre mo mo teri na.