1 Bewura 4:29 - EBƆRƐ BE KAWƆL

²⁹ Ebɔrɛ daŋ sa ewura Sɔlɔmɔn kanyiasheŋ nɛ asheŋ be kepinto nɛ nfɛra alegaiso nna.

1 Bewura 4:29 ပူးပေါင်းရင်းမြစ်များ

Jɛnesis 41:49

Ajibi na be keshi na daŋ ba wora kebanso ga nna nɛ e gben n yige amo be kekarga, ŋkpal manɛ so, esa daa maaŋ naŋ tiŋ ŋ karga amo.

1 Bewura 3:12

Meeŋ sa fo kusɔ nɛ fo kule na. Meeŋ sa fo kanyiasheŋ nɛ nfɛra a chɔ basa kama nɛ b juŋkpar fo m ba durnya ere to nɛ bumo nɛ baaŋ ba kumo to fo kaman kikɛ.

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

1 Bewura 4:20

Saŋɛ nɛ Sɔlɔmɔn daa la ewura na, Juda nɛ Israɛl be basa daa shibi ga nna fanɛ teku ase be shishɛr. Ama bumo kikɛ ka bee nya a ji nsaa nuu yɛlyɛla so, bumo kikɛ be ŋgbene daa fuli bumo nna.

Nshɛ 119:32

N wora shiriya kenishipereso nna nɛ ŋ wora fo mbraana kasonu, ŋkpal manɛ so, feeŋ chɛ ma to nɛ n nya kepinto n ti so.

Nshɛ 119:34

Chɛ ma to nɛ m pin fo mbra to nseŋ wora kumo kasonu; saŋɛ na so, meeŋ ta ma kagbene kikɛ m bɛ kumo so.

Aŋasa 2:6

Ŋkpal manɛ so, Enyɛnpe Ebɔrɛ na e naa sa kanyiasheŋ. Mo kutɔ nɛ kenyi nɛ asheŋ be kepinto bee shi.

Kaŋinichiŋgeliŋ 1:16

Nɛ ŋ kaŋɛ ma kumu le: “Naniere bre ŋ ki bunyaŋ be esagboŋ nna nsaa nyi asheŋ malɛ a chɔ esa kama nɛ e juŋkpar ma n ji kuwura ashi Jerusalɛm to. Amoso n nyi kusɔ nɛ baa tre kanyiasheŋ nɛ kenyi.”

Kaŋinichiŋgeliŋ 2:26

Ebɔrɛ bee ta kanyiasheŋ nɛ kenyi nɛ kagbenefuli nna a sa bekama nɛ baa wora mbe aparsheŋ. Ama belubiworapo bre, e bee shin nna nɛ baa shuŋ a nya asɔ a yili, nɛ bekama nɛ baa wora Ebɔrɛ be aparsheŋ na e ba ji amo be kapetɛ. Ade kikɛ la asheŋ fuloŋ nna. A du nna fanɛ kebaa ju a bɛ afu so.

Aizaaya 60:5

Menyi alɛ beeŋ wu loŋ nɛ men be ŋgbene e fuli menyi ga. Kagbenefuli be ga beeŋ shin nɛ men baa chicha. Baaŋ sulɔ efuli pɔtɛana nɛ awɔ teku be kaba ndoŋ na be asɔ lela nɛ kanya m ba sa menyi.

Jɛremaya 33:22

Meeŋ shin nɛ ma kenya Deevid be kaman to ebi nɛ bɔrɛmatapoana nɛ b shi Livai be yiri to e wora keshi n ti so, nɛ esa maaŋ tiŋ ŋ karga bumo fanɛ kananɛ esa maaŋ tiŋ ŋ karga achɛkpabi ŋko teku ase be leele na.”

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Habakuk 1:9

Bumo be benapo nyaŋɛto nna a ba basa be kemur to nɛ kufugboŋ tɔr bekama nɛ baa kɔ na so. Basa nɛ baa kɔ a pɛ a ki anya na shi alegaiso nna fanɛ eshishɛr na.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.

Demujipoana 7:12

Midianebi nɛ Amalɛkebi nɛ eyiri nɛ b shi epeŋilarkpa na kikɛ daŋ pesaŋ to nna n sɔ ketaŋɛ na to kikɛ fanɛ elotɔr ka gama abar so na. Enyɔma nɛ b daa kɔ ndoŋ na be keshi daa du fanɛ teku ase be shishɛr nna.