1 Bewura 4:25 - EBƆRƐ BE KAWƆL

²⁵ Juda nɛ Israɛl be efuli nɛ k yili Dan nɛ k wɔ kelargato be esoso n ya fo Bɛshiba ashi kelargato be kaseto kikɛ daa kɔ kayurwushi nna saŋɛ nɛ ewura Sɔlɔmɔn wɔ ŋkpa to na. Ekama nɛ mbe kanaŋ daa chena mbe kefeelebi nɛ k bee sɔr asɔrso nɛ baa tre greep na nɛ figi be ndibi be afito kagbenewushiso nna.

1 Bewura 4:25 ပူးပေါင်းရင်းမြစ်များ

2 Samuɛl 17:11

Ma kasotoji e la fanɛ fo yili Dan be kade to ashi kelargato be esoso be kaba so n chala Israɛl be benapo n ya fo Bɛshiba be kade to be kelargato be kaseto na saŋɛ na so feeŋ nya benapo, nɛ b baa shi fanɛ teku ase be leele na, nɛ fo Absalɔm gbagba e juŋkpar nɛ an ya kɔ Deevid kena.

2 Samuɛl 24:15

Amoso Enyɛnpe Ebɔrɛ daŋ shin nna nɛ kulɔ be aleblawu ba Israɛl so kumo be kamɔnchɛ chipurso n ya fo jemanɛ mo nɛ mo ere Ebɔrɛ yili na. Yili efuli na be kebonfu ko n ya fo kumo be kebonfu ko, Israɛlebi na be basa ŋgboŋ adushunu e daŋ wu.

2 Bewura 18:31

Men sa maŋ nu n sa Hɛzekaya! Men nu n sa ma efuli so be ewura. Nɛ men ta menyi be amu n sa mo, e beeŋ shin nɛ men ba kraa kɔ menyi be waindibi be adɔana nɛ efigi be ndibi be asɔrso nsaa nuu menyi be atirbu to be nchu

1 Kronikɛls 22:9

Enyɛnpe na malɛ teŋ juŋkpar n nase le be kɔnɔ n sa ma: Fo pibi kaŋ ba ki ewura meeŋ shin nɛ kagbenewushi e baa wɔ mbe kasawule so. Kebia na be ketre e naŋ ba la Sɔlɔmɔn ŋkpal manɛ so mbe kuwurji be saŋɛ nɛ meeŋ kuŋ Israɛl nɛnɛ nɛ kagbenewushi e baa wɔ kumo to.

Aizaaya 36:16

Men sa maŋ nu n sa ewura Hɛzekaya! Men nu n sa ma ewurgboŋ na. Menyi alɛ e ta menyi be amu n sa mo. E beeŋ shin nɛ men baa kraa kɔ menyi be waindibi be adɔana nɛ efigi be ndibi be asɔrso a ji nsaa nu menyi be atirbu to be nchu

Aizaaya 60:18

Esa maaŋ naŋ nu nlu kikɛ be asheŋ efuli na so. Menyi be efuli na malɛ maaŋ naŋ mur kikɛ. Meeŋ baa kuŋ menyi ekpa kama so fanɛ egbal na. Saŋɛ na so menyi be basa beeŋ baa kpaŋ ma ŋkpal ŋ ka mɔlga bumo so.

Ezikɛl 38:11

Fo alɛ beeŋ baa sha kekɔ m pɔɔ efuli nɛ kumo be basa chena kayurwushi so ashi nde nɛ b maŋ pɔr egbalana a kuŋ amo na so.

Ezikɛl 39:26

B kaŋ ba chena bumo gbagba be kasawule so kayurwushi so nɛ esa kikɛ maŋ naa funti bumo na, baaŋ teŋ bumo be anishinyɔr nɛ b daŋ ji ŋkpal b ka daŋ debɔr ma na so.

Maika 4:4

Loŋ be jemanɛ na, ekama na beeŋ chena mbe ndibi sɔrso be kudɔ to nɛ kayurwushi nɛ esa kikɛ maaŋ naa funti mo. Ŋkpal manɛ so, Enyɛnpetale Ebɔrɛ na be kɔnɔ naseso nna na.

Zakareya 3:10

Kachɛ na kaŋ fo ekama beeŋ kela n tre mo kurgepoana nɛ b ba chena n ji kekurge kagbenewushiso ashi bumo be ndibi sɔrso be afito.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.

1 Samuɛl 3:20

Amoso baŋ yili Dan be kade to be kelargato be esoso n ya fo Bɛshiba be kade to be kelargato be kaseto kikɛ Israɛl be basa daŋ pin fanɛ Samuɛl la Enyɛnpe Ebɔrɛ na be anebi nna.