1 Bewura 4:13 - EBƆRƐ BE KAWƆL

¹³ Bɛngeba e daa keni Ramɔf be kade nɛ k wɔ Giliad na, nɛ ndewurbi nɛ a wɔ kumo be kasawule so nsaa la Jair nɛ e la Manase be kaman to ebi na peya na so. Mo koŋwule na e daŋ naa keni Agob be kebonfu nɛ k wɔ Bashan be kasawule so nsaa kɔ nde adeshe nɛ b pɔr egbal ŋ kulti amo nseŋ ta danyaŋ n lɔŋɛ amo be akuloŋgboŋana na kikɛ so.

1 Bewura 4:13 ပူးပေါင်းရင်းမြစ်များ

1 Bewura 22:3

Ndoŋ nna nɛ Ahab kaŋɛ mbe benimuana le: “Manɛ nna nɛ anyi maaŋ wora ania ŋ kɔ n sɔ Ramɔf nɛ k wɔ Giliad na ashi Siriya be ewura na be enɔ to? Efuli na la anyi peya nna!”

2 Bewura 9:1

Kachako nɛ anebi Elaisha tre anebiana be katuŋ na to be eko ŋ kaŋɛ mo le: “Bela ase n ta ɔlif be ŋku kɔlba ere n yɔ Ramɔf nɛ k wɔ Giliad na.

2 Bewura 9:14

Loŋ be saŋɛ na nɛ ewura Joram daŋ nya doro ashi kena nɛ Ramɔfebi nɛ Siriya be ewura Haziɛl daŋ kɔ na to, nɛ mo ere ewura Joram na wɔ Jizreel a chɛ mbe kumu na, Jehu daŋ kaŋɛ mo braana benapo be benimu na nna le: “Menyi be ekama nɛ e bɛ ma so, e sa maŋ kaŋ juŋkpar n yɔ Ramɔf n ya kaŋɛ Jizreel be basa kesheŋ ere.”

1 Kronikɛls 2:23

Jemanɛ ko ka ba fo, nɛ Gɛshur nɛ Mɛsopoteemia be efuli so be basa kɔ n sɔ nde adeshe ashi efuli na so. B daŋ sɔ Jair nɛ Kɛnaf gba be nde nɛ nde nɛ ndewurbi nɛ a kulti amo na kikɛ n ti so. Bekama nɛ b daa wɔ Giliad be efuli so na kikɛ daa la Makiir be kaman to ebi nna.

Nshɛ 22:12

Bedoŋ damta e kulti ma n wɔtɔ fanɛ apuntona. B kɔ eleŋ nna nseŋ lubi fanɛ Bashan be efuli so be egbolu.

Nshɛ 68:15

Bashan be kebeegboŋ na shi nna nseŋ lar n lar ayabi.

Nɔmbɛs 32:41

Jair nɛ e shi Manase be yiri to na e daŋ ya kɔ n sɔ ndewurbi ko nseŋ nase amo Jair be ndewurbi.

Ditɛronɔmi 3:10

Ewura Ɔg be nde nɛ a wɔ kepreŋsawule so na kikɛ nɛ amo nɛ a wɔ Giliad nɛ Bashan be efuli so kikɛ hale n ya fo nde nɛ a wɔ nde nɛ baa tre Saleka nɛ Edrei na be epeŋilarkpa be kaba so na kikɛ nɛ an daŋ kɔ n suge.”

Ditɛronɔmi 3:4

An daŋ suge mbe nde kikɛ. Kukoŋwule gba daa maŋ ka nɛ anyi maŋ suge kumo. Nde adeshe nɛ an daŋ kɔ n sɔ ashi efuli nɛ baa tre Agob nɛ Ewura Ɔg daŋ chena Bashan a ji kumo so be kuwura na.

Ditɛronɔmi 3:8

“Kasawule nɛ k dese Lɔr nɛ baa tre Jɔɔdan na be epeŋilarkpa be kaba so na nɛ an daŋ suge ashi Amɔriebi be bewura anyɔ na kutɔ. Bumo be nsawule daŋ yili lɔr nɛ baa tre Aanɔn nɛ k wɔ kelargato be kaseto na nna n ya fo kebeegboŋ nɛ baa tre Hɛɛmɔn nɛ k wɔ kelargato be esoso na ase na nna.

Ditɛronɔmi 4:43

Kade nɛ baa tre Bɛza nɛ k wɔ keshishɛrsawule be kepreŋ so na nɛ e daŋ lara n yili n sa Ruben be yiri to ebi, nseŋ lara kumo nɛ baa tre Ramɔf nɛ k wɔ Giliad be kasawule so na n yili n sa Gad be yiri to ebi, nseŋ naŋ lara kade nɛ baa tre Golan nɛ k wɔ Bashan be kasawule so na n yili n sa Manase be yiri to ebi.

Joshuwa 20:8

Jɔɔdan be lɔr na be epeŋilarkpa be kaba so ashi keshishɛrsawule na so na malɛ b daŋ lara Beza nɛ k wɔ Ruben be kasawule so na nɛ Ramɔf nɛ k wɔ Giliad ashi Gad be kasawule so na nɛ Golan nɛ k wɔ Bashan ashi Manase be kasawule so na.

Joshuwa 21:38

Nde nɛ b daŋ nya ashi Gad be yiri to ebi be kasawule so malɛ daa la nde ana nna. Amo e la Ramɔf nɛ k la kesɔnyige be nde na be kuko ashi Giliad na nɛ Mahanaim