1 Bewura 4:12 - EBƆRƐ BE KAWƆL

¹² Ahilud pibinyɛn Baana e daa keni kebonfu nɛ Tanaak nɛ Majido be nde wɔ na so. Mo koŋwule na e daŋ naa keni kebonfu nɛ k wɔ Bɛf Shan nɛ k mata Zeratan nɛ k wɔ Jezreel be kelargato be kaseto be kaba so, nɛ yili Bɛf Shan a yɔ Abel Mɛhola n ya fo Jokmiam be kaba so na kikɛ so.

1 Bewura 4:12 ပူးပေါင်းရင်းမြစ်များ

1 Bewura 18:46

Nɛ Enyɛnpe Ebɔrɛ be kiyoyu gbelge anebi Elaija so nɛ e lɔŋɛ mbe epiŋi ŋ kre to nseŋ shile n ya choŋ Ahab so n yɔ Jizreel be kade to.

1 Bewura 19:16

Kumo be kaman nɛ fo yɔ Israɛl be efuli so n ya duga ŋku n do Nimshi pibinyɛn Jehu gba so m buu mo Israɛl be efuli so be kuwura, nseŋ naŋ duga ŋku n do Shafat pibinyɛn Elaisha nɛ e shi Abel Mahola na be kumu so saŋɛ na so fo luwu be kaman e beeŋ sɔ fo so ŋ ki anebi.

1 Bewura 7:46

Ewura na daŋ shin nna nɛ b ŋalga danyaŋ na nseŋ chulgi amo n wɔtɔ mpuliya nɛ b pɔr n yili lɔr nɛ baa tre Jɔɔdan na be keplasawule nɛ k wɔ Sukɔf nɛ Zereda be nferinto na to.

1 Kronikɛls 6:68

nɛ Jokmiam nɛ Bɛf Hɔrɔn

Joshuwa 12:22

Kadɛsh be ewura nɛ Jokniam nɛ k wɔ Kamɛl na be ewura.

Joshuwa 17:11

Bɛf Shan nɛ Iblim nɛ amo be nde nɛ a kulti amo na kikɛ, n ta Dɔɔ nɛ k wɔ teku ase na nɛ Endɔ nɛ Tanaak nɛ Meggiddo nɛ ndewurbi nɛ a kulti amo na kikɛ da wɔ Isakar nɛ Ashɛr be nsawule so nna nsaa la Manase peya.

Joshuwa 3:16

epul to nɛ lɔr na ku to nɛ nchu nɛ a shil a ba na bɛta kaman n ya fo kade nɛ baa tre Adam nɛ k wɔ Zaretan be efuli so na. Ndoŋ nna nɛ lɔr na be nchu nɛ a shil a yɔ na malɛ shile n ya luri Teku nɛ baa tre Araba na to, (kumo e la Nfɔl be Teku na). Kumo be kaman nɛ basa na dii lɔr na n yɔ kumo be kaba nɛ Jɛriko wɔ na.

Demujipoana 5:19

Keenan be bewura kɔ anyi kena ashi kade nɛ baa tre Taanak nɛ k mata kabombi nɛ k dese kade nɛ baa tre Mɛgido na nna; ama bumo alɛ maŋ tiŋ ŋ kɔ n suge anyi be gbiti gba.

Demujipoana 7:22

Gidiɔn nɛ mbe benapo alfa asa na ka foŋ bumo be mbel na nɛ Enyɛnpe Ebɔrɛ na shin nɛ keyeŋiyeŋi tɔr bumo doŋana na so nɛ b pee etokobi a kɔ abar, nseŋ fara a shile a yɔ Bɛf Shitta nɛ k wɔ Zarera be kaba so na. B daŋ shile hale n ya fo Abel Mɛhola nɛ k taga Tabat to na.

1 Samuɛl 18:19

Ama k ka ba fo jemanɛ nɛ k daga fanɛ Mɛrab e kil Deevid na, nɛ Sɔɔl kaŋɛ fanɛ e ya kil kanyɛn nɛ baa tre Adriɛl nɛ e shi Mɛhola na.

1 Samuɛl 31:10

Kumo be kaman nɛ b ta mbe kena to be akɔsɔ na kikɛ n ya yili kegbirche Ashtɔrɛf be lambu to nseŋ gbir mo nɛ mbe mbia asa be eyurana malɛ m mata Bɛf Shan be kade to be egbal be kowushina.

1 Samuɛl 31:12

nɛ bumo be basa nɛ b kɔ kenyɛn ga na koso kanyɛso na kikɛ n nite n yɔ Bɛf Shan, n ya lara Sɔɔl nɛ mbe mbinyɛnsobi na be eyurana ashi egbal na so m bɛta amo n yɔ Jabesh n ya chɔɔ amo ndoŋ.