1 Bewura 3:6 - EBƆRƐ BE KAWƆL

⁶ Nɛ ewura Sɔlɔmɔn kaŋɛ Enyɛnpe Ebɔrɛ le: “Fo kasha nɛ fo kɔ n sa fo kayɛrbi, n tuto Ewura Deevid na maa chɛrga kikɛ. Mo alɛ daa la esa lela nna nsaa ji kashenteŋ a sa fo. Naniere fo shin nɛ mbe kebia yili mbe katelamu to ŋ ki ewura.

1 Bewura 3:6 ပူးပေါင်းရင်းမြစ်များ

Jɛnesis 24:40

Nɛ e kaŋɛ ma fanɛ Enyɛnpe nɛ e bee bɛ mo so na beeŋ shin nɛ mbe malaika e juŋkpar ma n yɔ n ya shin nɛ n nya kumulela n nya eche ashi mbe kanaŋ to nɛ mo tuto pe m ba sa mo pibi na.

2 Samuɛl 22:21

Ŋkpal ŋ ka bee wora asheŋ niŋiso so nɛ fo Enyɛnpe Ebɔrɛ be alelasheŋ shi ga n sa ma na. Fo nɛfa wɔ ma so nna ŋkpal ŋ ka maŋ wora kulubi so.

2 Samuɛl 22:25

Ŋkpal ma alɛ ka bee wora kusɔ nɛ k walɛ so, e bee nɛfa ma nna. Mo alɛ nyi fanɛ m maŋ wora kulubi mbe anishito.

2 Samuɛl 7:5

“Ya kaŋɛ ma kayɛrbi Deevid fanɛ ma, Enyɛnpe Ebɔrɛ e naa kaŋɛ mo na fanɛ mannɛ mo nɛ mee sha fanɛ e pɔr bɔrɛlambu n sa ma nɛ m baa wɔtɔ.

1 Bewura 1:48

ŋ kule Ebɔrɛ ŋ kaŋɛ le: ‘Kemaŋkura e baa la Enyɛnpe Israɛl be Ebɔrɛ na peya. Mo e shin nɛ n chena n wu esa nɛ e beeŋ sɔ ma so n ji kuwura!’ ”

1 Bewura 15:5

Enyɛnpe Ebɔrɛ daŋ wora loŋ nna ŋkpal ewura Deevid ka daa wora mbe aparsheŋ nsaa maa wora a da mbe mbra so so, ama kusɔ nɛ e daŋ wora Yuriya nɛ e la Hiti be esa na nawule.

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

1 Bewura 3:14

Nɛ fo baa nu a sa ma nsaa bɛ ma mbra so fanɛ kananɛ fo tuto ewura Deevid daa bɛ ma so na bre, ma alɛ beeŋ teŋi fo ŋkpa so.”

1 Bewura 9:4

Nɛ feeŋ baa kɔ kasonu n sa ma nsaa ji kashenteŋ fanɛ kananɛ fo tuto ewura Deevid daa du na, nsaa bɛ ma mbra nɛ ma keŋini so bre,

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

2 Kronikɛls 1:8

Nɛ ewura Sɔlɔmɔn kaŋɛ Enyɛnpe na le: “Kasha nɛ fo kɔ n sa fo kayɛrbi, n tuto Deevid maa chɛrga kikɛ. Naniere fo alɛ ta ma n tal mbe katelamu to nɛ ŋ ki ewura.

Nshɛ 116:7

Ŋkpal Enyɛnpe Ebɔrɛ na ka wora ma kelela so, shɛŋ be asheŋ maŋ naa fɔŋ ma ashi ma kagbene to.

Nshɛ 119:17

Wora fo kayɛrbi kelela; saŋɛ na so meeŋ baa wɔtɔ nsaa wora fo kamalga kasonu.

Nshɛ 13:6

Enyɛnpe Ebɔrɛ, meeŋ boŋ kashɛ m maŋkura fo, ŋkpal fo ka wora ma kelela so.

Nshɛ 15:2

Basa nɛ baa wora Ebɔrɛ kasonu kusɔ kama to na, nɛ bumo nɛ bumo be asheŋ woraso niŋi akpa na, nɛ bumo nɛ baa ji kashenteŋ ashi bumo be ŋgbene to

Nɔmbɛs 12:7

Ama kananɛ mee malga ma kayɛrbi Mosis bre kutɔ kɔr. Mo nɛ n ta ŋ ki ma basa Israɛlebi be ejuŋkparpo.

2 Kɔrintebi 9:11

Ekpa kama so, e beeŋ shin nɛ men baa la damawuraana a sha kebaakɛ basa asɔ saŋkikɛ, saŋɛ na so basa damta beeŋ baa chɔrɔ Ebɔrɛ ŋkpal men be kakɛ mo nɛ baa nya ashi anyi be enɔ to so so.

2 Kɔrintebi 9:5

Amoso nɛ n wu fanɛ a daga fanɛ n shin nɛ bekurgepoana ere e juŋkpar ma n yɔ men kutɔ n ya shin nɛ men bela men be kakɛ gboŋgboŋi nɛ men nase kɔnɔ fanɛ menyeeŋ sa na n yili. Saŋɛ na so, kakɛ na beeŋ baa yil fanɛ kashaso be kakɛ, mannɛ fanɛ kanyaŋso be kakɛ.