1 Bewura 3:15 - EBƆRƐ BE KAWƆL

¹⁵ Ewura Sɔlɔmɔn ka tiŋi edi to nɛ e pin fanɛ Ebɔrɛ e daŋ malga mo kutɔ edare to. Ndoŋ nna nɛ e yɔ Jerusalɛm n ya yili Enyɛnpe Ebɔrɛ be ŋkre be deka na be anishito n lara sarga chɔɔso nɛ kɔnɔkoŋwuleso be sarga n sa Enyɛnpe Ebɔrɛ. Kumo be kaman nɛ e wora kejigboŋ n sa mbe benimuana.

1 Bewura 3:15 ပူးပေါင်းရင်းမြစ်များ

Jɛnesis 28:16

Jeekɔb ka tiŋi mbe edi na to nɛ e fɛ mbe kumu to le: “Kajaa, Enyɛnpe Ebɔrɛ na wɔ kaboŋ ere nna nɛ n daa maŋ nyi!”

Jɛnesis 31:54

Kumo be kaman nɛ e lara sarga abee be efuli na so ndoŋ nseŋ tre basa nɛ b wɔ ndoŋ na kikɛ nɛ b ba ji. B ka ji n loge nɛ b di ndoŋ ŋklade.

Jɛnesis 40:20

Edareana na be kaman be kachɛ sasopo na daa la Fɛɛro be kakurgeachɛ nna nɛ e wora kejigboŋ n sa mbe benimu kikɛ nseŋ lara asɔnuuso kenipo nimuso na nɛ bodobodo worapo nimuso na ashi kabuti to m ba benimu kikɛ be anishito.

Jɛnesis 41:7

ta ayu lela lempo ashunu na m min. Kumo be kaman nɛ Fɛɛro tiŋi n wu fanɛ edare nɛ e ku.

1 Bewura 3:16

Kachako nɛ beche anyɔ ko ba ewura Sɔlɔmɔn kutɔ.

1 Bewura 8:63

Ewura Sɔlɔmɔn daŋ mɔ ana ŋgboŋ adunyɔ nɛ anyɔ nɛ mbolpɔ nɛ mboe malɛ ŋgboŋ kalfa nɛ adunyɔ nna n lara kɔnɔkoŋwuleso be esarga pɔɛŋ nɛ mo nɛ basa na kikɛ ta bɔrɛlambu na m bɔɔ Ebɔrɛ enɔ.

1 Bewura 8:65

Ewura Sɔlɔmɔn nɛ Israɛlebi na kikɛ daŋ ji abuu to be kebaawɔtɔ be kejigboŋ nchɛnshunu nna m bɛ abar so. Basa na daŋ shi efuli na be kaplɛkama nna. Bedamta daŋ shi Hamaf Paas ashi kelargato be esoso be kaba so nna nɛ beko malɛ shi Ijipt be kasawule be egbaŋ to ashi kelargato be kaseto be kaba so.

1 Kronikɛls 16:3

nseŋ sa bumo kikɛ ajibi. E daŋ sa Israɛl be eche nɛ enyɛn kikɛ bodobodo lelemu nɛ eblaŋ tɔso nɛ greep be asɔrso wɔlso nna.

2 Kronikɛls 7:5

Ewura Sɔlɔmɔn daŋ mɔ ana ŋgboŋ adunyɔ nɛ anyɔ nɛ mbolpɔ nɛ mboe malɛ ŋgboŋ kalfa nɛ adunyɔ nna n lara kɔnɔkoŋwuleso be sarga pɔɛŋ nɛ mo nɛ basa na kikɛ ta bɔrɛlambu na m bɔɔ Ebɔrɛ enɔ.

Ɛsta 1:3

E ka ji kuwura be kafɛ sasopo to nɛ e wora kejigboŋ n sa mbe benimuana nɛ ekrachiana. Pɛshiya be efuli so nɛ Midia be efuli so be esoji be benimu, n ta bewura nɛ b wɔ efuli na so nɛ bejuŋkparpoana kikɛ e daŋ ba kejigboŋ na to.

Jɛremaya 31:26

Saŋɛ na so basa beeŋ kaŋɛ le: ‘N di nna ŋ koso nɛ eleŋ popɔr.’

Danɛl 5:1

Kumo be kaman nɛ ewura Bɛlshaaza malɛ ki Babilɔn be ewura. Kachako nɛ e wora kejigboŋ n tre mbe bewurbi, nɛ mo nɛ bumo kikɛ chena a nuu nsa.

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Maak 6:21

Ama kachako Hɛrodias nya kusɔ nɛ e daa sha na. Kumo be kamɔnchɛ daa la Hɛrɔd be kakurgeachɛ nna nɛ e wora kejigboŋ n sa abane be benimu nɛ benapo be benimu nɛ Galili be bebunyampoana.