1 Bewura 3:14 - EBƆRƐ BE KAWƆL

¹⁴ Nɛ fo baa nu a sa ma nsaa bɛ ma mbra so fanɛ kananɛ fo tuto ewura Deevid daa bɛ ma so na bre, ma alɛ beeŋ teŋi fo ŋkpa so.”

1 Bewura 3:14 ပူးပေါင်းရင်းမြစ်များ

1 Bewura 11:34

Ama maaŋ sɔ efuli na kikɛ mo kutɔ. Ŋ kraa beeŋ shin nɛ e baa ji kuwura n ya fo saŋɛ nɛ e beeŋ wu, ŋkpal ma kayɛrbi ewura Deevid nɛ ŋ gbagba lara nɛ e bɛ ma mbra nɛ ma keŋini so na so.

1 Bewura 15:5

Enyɛnpe Ebɔrɛ daŋ wora loŋ nna ŋkpal ewura Deevid ka daa wora mbe aparsheŋ nsaa maa wora a da mbe mbra so so, ama kusɔ nɛ e daŋ wora Yuriya nɛ e la Hiti be esa na nawule.

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

1 Bewura 3:6

Nɛ ewura Sɔlɔmɔn kaŋɛ Enyɛnpe Ebɔrɛ le: “Fo kasha nɛ fo kɔ n sa fo kayɛrbi, n tuto Ewura Deevid na maa chɛrga kikɛ. Mo alɛ daa la esa lela nna nsaa ji kashenteŋ a sa fo. Naniere fo shin nɛ mbe kebia yili mbe katelamu to ŋ ki ewura.

1 Kronikɛls 28:7

Nɛ e beeŋ baa bɛ ma mbraana so nɛnɛ nsaa wora kusɔ nɛ mee kaŋɛ mo saŋkama bre, mbe kuwurji beeŋ baa wɔtɔ hale mbaanaayɔ.’ ”

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 29:2

E daŋ bɛ mo nananyɛn ewura Deevid be aya so nna nseŋ wora kusɔ nɛ keniŋi Enyɛnpe Ebɔrɛ na be anishito.

2 Kronikɛls 34:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

Nshɛ 132:12

Nɛ fo kaman to ebi beeŋ baa bɛ ma nɛ fo be kɔnɔkoŋwule be ŋkre na so nsaa wora ma keŋini kasonu, kumo ere meeŋ shin nɛ fo kaman to ebi e baa ji Israɛl be kuwura mbaanaayɔ.”

Nshɛ 21:4

E kule fo ŋkpa tenteŋ nɛ fo sa mo ŋkpa nɛ k maŋ kɔ ekar.

Nshɛ 21:5

E nya bunyaŋ gboŋgboŋi ŋkpal kechɛto nɛ fo sa mo na so. Fo shin nɛ e nya ketre nɛ eleŋ.

Nshɛ 91:16

Meeŋ sa fo ŋkpa tenteŋ nseŋ ŋini fo ma kumɔlga.”

Aŋasa 3:16

Kanyiasheŋ e naa sa esa ŋkpa tenteŋ, nɛ kedamaya nɛ kemaŋkura.

Aŋasa 3:2

Asɔ nɛ mee ŋini fo na beeŋ sa fo ŋkpa tenteŋ, nɛ nɛfa.

Zakareya 3:7

Enyɛnpetale Ebɔrɛ na yɛ: “Nɛ fo baa wora ma mbraana kasonu nsaa shuŋ ashuŋ nɛ meeŋ baa sa fo bre, meeŋ shin nɛ fo baa keni ma bɔrɛlambu na nɛ kumo be kelɔnɛ so. Ma alɛ beeŋ baa nu fo kabɔrɛkule fanɛ kananɛ mee nu emalaika nɛ b wɔ ŋ kutɔ ere be kabɔrɛkule na.”

Ashuŋ Shunso 13:22

Ebɔrɛ ka gboŋi mo kuwura na to nɛ e shin nɛ Deevid ki bumo be ewura. Le nɛ Ebɔrɛ daŋ malga Deevid be asheŋ: ‘N wu fanɛ Jɛsi pibi Deevid be kaduli gbagba nɛ mee sha na. Mo e la emo nɛ e beeŋ wora kusɔ kama nɛ mee sha fanɛ e wora na.’

Ditɛronɔmi 25:15

Men baa ta asɔ nɛ a daga a karga asɔ be egbɛ ŋko amo be kananɛ a sa, saŋɛ na so menyi beeŋ chena kasawule nɛ Enyɛnpe menyi be Ebɔrɛ na bee sa menyi na so n chɛr.

Ditɛronɔmi 5:16

Men baa bunyaŋ men tutoana nɛ men nioana, fanɛ kananɛ ma, Enyɛnpe, menyi be Ebɔrɛ na yili n sa menyi na; saŋɛ na so, asheŋ beeŋ nyalɛ n sa menyi nɛ menyi alɛ e chena kasawule nɛ n ta a sa menyi ere so n chɛr.

Ditɛronɔmi 5:33

Men baa bɛ amo kikɛ so, saŋɛ na so, asheŋ beeŋ nyalɛ n sa menyi nɛ men tiŋ n chena kasawule nɛ Enyɛnpe, menyi be Ebɔrɛ na bee ta a sa menyi na so n chɛr.

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.