1 Bewura 3:12 - EBƆRƐ BE KAWƆL

¹² Meeŋ sa fo kusɔ nɛ fo kule na. Meeŋ sa fo kanyiasheŋ nɛ nfɛra a chɔ basa kama nɛ b juŋkpar fo m ba durnya ere to nɛ bumo nɛ baaŋ ba kumo to fo kaman kikɛ.

1 Bewura 3:12 ပူးပေါင်းရင်းမြစ်များ

1 Bewura 2:6

Kanaŋkama nɛ feeŋ wora n lara mbe efute manaŋ, fo wora loŋ. Sa maŋ shin nɛ e bel n fuli kumu n wu.

1 Bewura 2:9

Ama sa maŋ kaŋ shin nɛ e ta mbe kumu n ji. Fo gbagba nyi kusɔ nɛ k daga fo ka wora mo. E tiŋ bel ama sa maŋ shin nɛ e wu Ebɔrɛso be luwu.”

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

1 Bewura 5:12

Enyɛnpe Ebɔrɛ daŋ bɛ mbe kɔnɔ naseso so nna nseŋ sa ewura Sɔlɔmɔn kanyiasheŋ. Ewura Hiram nɛ ewura Sɔlɔmɔn daŋ nase kagbenewushi be kɔnɔ nna n sa abar fanɛ b maaŋ kɔ abar kena kikɛ saŋɛ na so kagbenewushi beeŋ baa wɔ bumo be kefɛato.

1 Bewura 5:9

Ma beshumpo beeŋ ta ndibi na n shi Lebanɔn n yɔ Teku nɛ baa tre Mɛditerenia na ase n ya kre amo to m mata abar n deŋi nchu na so nɛ a fuŋiso a yɔ kaplɛkama nɛ fee sha fanɛ an yɛr amo. A baŋ fo kakpa nɛ fee sha na nɛ ma basa e saŋɛ amo to n nase eboŋkar nɛ fo alɛ be basa e baa ta amo ndoŋ. Kukɔ nɛ feeŋ ka ma e la kebaasa ma laŋ to ebi ajibi.”

1 Kronikɛls 29:25

Enyɛnpe Ebɔrɛ daŋ maŋ Sɔlɔmɔn so nna nseŋ shin nɛ mbe kuwurji daa kɔ kemaŋkura a chɔ Israɛl be ewura kama peya; nɛ kumo be loŋ daŋ chinchiŋ efuli na so ebi kikɛ ga.

2 Kronikɛls 2:12

Kemaŋkura e baa la Enyɛnpe Ebɔrɛ nɛ e la Israɛl be Ebɔrɛ nɛ esoso nɛ kasawule kikɛ be etopo na peya! Mo e sa ewura Deevid ebinyɛn nyiashempo nɛ e kɔ asheŋ be kepinto nɛ kasheŋwora be kenyi nsaa sha kepɔr bɔrɛlambu n sa Enyɛnpe Ebɔrɛ nɛ ewura be laŋ n sa mbe kumu.

Nehemaya 13:26

Ebɔrɛ daŋ sha Israɛl be ewura Sɔlɔmɔn ga nseŋ daŋ shin nɛ durnya to kikɛ be ewura kikɛ maŋ fo mo so, ama beche pɔtɛ nɛ e ta na daŋ shin nɛ e shuŋ agbir nseŋ tɔr kulubi to nna.

Nshɛ 10:17

Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Aŋasa 2:6

Ŋkpal manɛ so, Enyɛnpe Ebɔrɛ na e naa sa kanyiasheŋ. Mo kutɔ nɛ kenyi nɛ asheŋ be kepinto bee shi.

Kaŋinichiŋgeliŋ 1:13

N wora ania fanɛ meeŋ koya nseŋ pin kusɔ kama nɛ k bee wora durnya ere to. Ama Ebɔrɛ shin nɛ k ki kpakpa n sa anyi edimɛdi.

Kaŋinichiŋgeliŋ 1:16

Nɛ ŋ kaŋɛ ma kumu le: “Naniere bre ŋ ki bunyaŋ be esagboŋ nna nsaa nyi asheŋ malɛ a chɔ esa kama nɛ e juŋkpar ma n ji kuwura ashi Jerusalɛm to. Amoso n nyi kusɔ nɛ baa tre kanyiasheŋ nɛ kenyi.”

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Danɛl 1:17

Ebɔrɛ daŋ sa mbrantiɛfɔlbi ana na nwɔl be kenyi nɛ asheŋ be kepinto nna, nseŋ ta kebaa tiŋ a kute bɔrɛdare nɛ edare gbagba be afito be kenyi n ti Danɛl bre so.

Matiu 12:42

Demujiachɛ na Bɔrɛfito be Ewurche beeŋ yili n ji m bri mbreebi, ŋkpal manɛ so, e yili kaboŋ wɔfɔ durnya ere to n nite n ya nu Ewura Sɔlɔmɔn be kashennyi be kesheŋ ŋini, ama ma e kaŋɛ menyi na fanɛ esa ko wɔ nfe a chɔ Ewura Sɔlɔmɔn.”

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Ditɛronɔmi 34:9

Pɔɛŋ nɛ Mosis wu na, e daŋ lara Nun pibinyɛn, Joshuwa nna nɛ e sɔ mo ere Mosis so a juŋkpar basa na. Mosis daŋ ta mbe enɔana n deŋi Joshuwa so nna ŋ kule Ebɔrɛ n sa mo, nɛ Enyɛnpe Ebɔrɛ na sa mo kanyiasheŋ ga. Israɛl be basa na malɛ daŋ wora Joshuwa kasonu nna nseŋ daa bɛ mbraana nɛ Enyɛnpe Ebɔrɛ na bɔla Mosis so n ta n sa bumo na so.

Kɔlɔsiebi 2:3

Wulo na e la fanɛ Ebɔrɛ lara Yesu Kristo nɛ mo nawule shin nɛ an nya kanyiasheŋ kashenteŋto nseŋ shin nɛ an pin kashenteŋ na kikɛ.