1 Bewura 22:40 - EBƆRƐ BE KAWƆL

⁴⁰ Ewura Ahab ka wu, mo pibinyɛn Ahaziya e sɔ mo so n ji kuwura.

1 Bewura 22:40 ပူးပေါင်းရင်းမြစ်များ

2 Samuɛl 7:12

E kaŋ wu nɛ b ta mo n ya nase mo nananyɛnana be edesekpa, meeŋ shin nɛ mbe mbinyɛnsobi ere be eko e ki ewura, nɛ n shin nɛ mbe kuwurji malɛ e ba kɔ eleŋ ga.

1 Bewura 11:21

Hadad ka wɔ Ijipt nseŋ nu fanɛ ewura Deevid nɛ Jɔab nɛ e la Israɛl be benapo be enimu na kikɛ wu, nɛ e kaŋɛ Ijipt be ewura na le: “Shin nɛ m bɛta n yɔ ma kade to.”

1 Bewura 11:43

E ka wu nɛ b puli mo Jerusalɛm nɛ baa tre ewura Deevid be kade to na nɛ mo pibi Rehoboam sɔ mo so ŋ ki ewura.

1 Bewura 14:31

Ewura Rehoboam ka wu, kakpa nɛ baa puli bewurbi ashi Jerusalɛm nɛ k la ewura Deevid be kade to na nɛ b puli mo. Ndoŋ nna nɛ mo pibinyɛn Abija sɔ mo so n ji kuwura.

1 Bewura 2:10

Deevid ka wu, Jerusalɛm nɛ baa tre Ewura Deevid be kade na, to nɛ b puli mo.

1 Bewura 22:39

B sibɛ kusɔ kama nɛ ewura Ahab wora, kananɛ e ta asɔlnyii n lɔŋɛ ewura be laŋ, nɛ nde nɛ e pɔr na kikɛ be asheŋ n wɔtɔ Israɛl be bewura be adrasheŋ be nwɔl to.

1 Bewura 22:41

Israɛl be ewura Ahab ka ji kuwura be kafɛ nasopo to nɛ Asa malɛ pibinyɛn Jehoshafat ki Juda be ewura.

1 Bewura 22:51

Ewura Jehoshafat ka ji Juda be kuwura be kafɛ kuduashunusopo to nɛ Ahab malɛ pibinyɛn Ahaziya ki Israɛl be ewura nseŋ ji kuwura Samɛria to nfɛ anyɔ.

1 Bewura 22:52

E daŋ wora kulubi nna ŋ gbiti Enyɛnpe Ebɔrɛ ŋkpal e ka daŋ bɛ mo tuto Ahab nɛ mo nio Jɛzebel nɛ ewura Jeroboam mo nɛ e shin nɛ Israɛlebi luri kulubi to so.

2 Bewura 1:17

Amoso ewura Ahaziya daŋ wu nna, nɛ kusɔ nɛ Enyɛnpe Ebɔrɛ bɔla anebi Elaija so ŋ kaŋɛ na bɔlɔ so. Ahaziya daa maŋ kɔ mbinyɛnsobi amoso e ka wu mo sipo Joram e daŋ sɔ mo so n ji kuwura jemanɛ nɛ Jehoshafat pibinyɛn Jehoram daŋ ji Juda be kuwura be kafɛ nyɔsopo to na.

2 Bewura 1:2

Kachako nɛ Israɛl be efuli so be Ewura Ahaziya shi mbe laŋ be kuchoŋi be esoso ashi Samɛria be kade to n tɔrto nseŋ doro ga. Ŋkpal loŋ so e daŋ shuŋi mbɔ Ekrɔn be kade to nna fanɛ b ya bishi Filistiebi be kegbir nɛ baa tre Baalzebɔb na ŋ keni e beeŋ nya alenfia ŋko e maaŋ nya?

2 Kronikɛls 20:35

Jemanɛ ko, Juda be ewura Jehoshafat nɛ Israɛl be ewura Ahaziya nɛ e daŋ wora asheŋ lubi damta ga na, daŋ wora kɔnɔkoŋwule be ŋkre nna.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.