1 Bewura 22:23 - EBƆRƐ BE KAWƆL

²³ Kumo be kaman nɛ anebi Mikaya malga mbe lalaloge be kamalga ŋ kaŋɛ le: “Kusɔ nɛ k wora e la fanɛ Enyɛnpe Ebɔrɛ na e sa ekpa nɛ fo gbagba be anebiana kini keji fo kashenteŋ. Ama mo alɛ gbagba nyi fo ka beeŋ mur!”

1 Bewura 22:23 ပူးပေါင်းရင်းမြစ်များ

1 Bewura 20:42

Nɛ anebi na kaŋɛ ewura na fanɛ Enyɛnpe na yɛ: “Ŋkpal ŋ ka kaŋɛ fo fanɛ fo mɔ ewura Bɛnhadad nɛ fo shin nɛ e shile so, fo alɛ gba beeŋ paŋ fo ŋkpa nɛ fo benapo malɛ kikɛ e wu ŋkpal bumo alɛ gba ka shin nɛ mbe basa shile ŋ ŋana so.”

1 Bewura 21:19

n ya kaŋɛ mo fanɛ ma Enyɛnpe Ebɔrɛ na e naa kaŋɛ mo fanɛ naniere fo ka mɔ Nabɔf na, mbe kapetɛ e ka nɛ fo ta ŋko? Kaŋɛ mo fanɛ kakpa nɛ njɔnɔ dente Nabɔf be ŋklaŋ na, ndoŋ gbagba nɛ baaŋ dente mo alɛ gba be ŋklaŋ!”

1 Bewura 22:24

Ndoŋ nna nɛ anebi Zɛdikaya yɔ anebi Mikaya kutɔ n ya kpa mo etaŋ anishito nseŋ bishi mo le: “Saŋɛ mo nɛ Enyɛnpe Ebɔrɛ yige ma nseŋ ya malga fo kutɔ?”

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

Ɛksodɔs 10:20

Ama ade kikɛ be kaman nɛ Enyɛnpe Ebɔrɛ naŋ shin nɛ Fɛɛro be kagbene naŋ ki kpakpa nɛ e naŋ kini keshin nɛ Israɛlebi na e yɔ.

Ɛksodɔs 4:21

Nɛ Enyɛnpe Ebɔrɛ naŋ kaŋɛ Mosis: “Fo kaŋ fo Ijipt, fo nyiŋi n wora emamachisheŋ nɛ n sa fo amo be eleŋ na kikɛ ashi ewura Fɛɛro be anishito. Ama meeŋ shin nɛ e wora mbe kagbene kpakpa ŋ kini fanɛ e maaŋ shin nɛ basa na e yɔ.

Aizaaya 3:11

Ama asheŋ maaŋ nyalɛ n sa basa lubi na bre. Kusɔ nɛ b ta n wora basa ko na e naaŋ wora bumo alɛ gba naniere.

Aizaaya 44:20

Esa nɛ e bee shuŋ agbir baa du fanɛ esa nɛ e bee muu nsunɔ a ji nna. Mbe kawulisheŋ na fule mo nna nɛ e ta mbe kumu n wɔtɔ kebaawɔtɔ ko to nɛ esa maaŋ naŋ tiŋ n chɛ mo to na. Ŋkpal manɛ so, e maaŋ shuli fanɛ kegbir nɛ e bee shuŋ na maŋ la Ebɔrɛ kikɛ.

Jɛremaya 18:11

Amoso kaŋɛ Juda nɛ Jerusalɛm be basa fanɛ n teŋ kre nseŋ wora shiriya nɛ ŋ gberge bumo kusoe. Kaŋɛ bumo b yige asheŋ lubi be kebaawɔtɔ na nseŋ fara a wora asheŋ niŋiso.

Ezikɛl 14:9

“Nɛ fanɛ anebi ko sa efɛ be kubɔya, ma Enyɛnpe Ebɔrɛ na e sa anebi na ekpa nɛ e ku efɛ. Ama ma alɛ kraa beeŋ kini anebi na nseŋ lara mo ashi ma basa Israɛlebi to.

Nɔmbɛs 24:13

hale nɛ fo ta fo ewurkpa be shuwa nɛ gbiti kikɛ gba ŋ kɛ ma, m maaŋ kini kenu n sa Enyɛnpe Ebɔrɛ kikɛ. Kusɔ nɛ Enyɛnpe Ebɔrɛ kaŋɛ, nɛ meeŋ wora.”

Ditɛronɔmi 2:30

Ama Ewura Sihɔn daa maaŋ shuli fanɛ an bɔla mbe efuli so n choŋ, ŋkpal manɛ so, Enyɛnpe menyi be Ebɔrɛ na daŋ shin nɛ e wora mbe kagbene kpakpa nna nsaa sha kekɔ anyi, saŋɛ na so anyi beeŋ kɔ m pɔɔ mo so nseŋ sɔ mbe kasawule nɛ an kraŋ chena so ere.

Demujipoana 9:23

nɛ Ebɔrɛ shin nɛ kebagato ba Abimelɛk nɛ Shɛkɛmebi na be kefɛato nɛ b fara a wu abar kulubi.