1 Bewura 21:3 - EBƆRƐ BE KAWƆL

³ Nɛ Nabɔf kaŋɛ ewura na le: “N nananyɛnana kutɔ nɛ n ji asɔrso be kudɔ ere be kapetɛ, amoso Ebɔrɛ e baa pete ma gba nɛ n ta kumo n sa fo!”

1 Bewura 21:3 ပူးပေါင်းရင်းမြစ်များ

Jɛnesis 44:17

Nɛ Josɛf kaŋɛ: “Cha, kaarɛ gba nɛ n wora loŋ. Esa nɛ b wu ma kusɔnuunchu na nawule e naaŋ ki ma kenya. Menyi nɛ men ka na e bɛta a yɔ epe men tuto kutɔ nɛ kagbenewushi.”

Jɛnesis 44:7

Ndoŋ nna nɛ b bishi mo le: “Manɛ e ba nɛ fo, an nyɛnpe bee malga le ere? Kaarɛ gba nɛ anyi, fo anya e wora loŋ!

1 Kronikɛls 11:19

ŋ kaŋɛ le: “M maaŋ nuu nchu ere! M baŋ nuu amo, k beeŋ baa du fanɛ ŋ ka nuu basa nɛ b ta bumo be amu ŋ kpa kelara ere be ŋklaŋ nna!” Ndoŋ nna nɛ e kini amo be kenu. Benapo lempo asa na be kenyɛn nɛ b daŋ ji nna na.

Job be kawɔl 27:5

M maaŋ shuli fanɛ kusɔ nɛ men kaŋɛ na bɔla ekpa hale n ya fo kachɛ nɛ meeŋ wu.

Ezikɛl 46:18

Ewura na maŋ daga fanɛ e sɔ basa na to be ekama be kapetɛsɔ ashi mo kutɔ. Kasawule kama nɛ e beeŋ ta n sa mbe kebia daga fanɛ k baa la mo gbagba peya nna, saŋɛ na so e maaŋ baa nyaŋ ma basa a sɔ bumo be nsawule a mbe mbia.”

Levitikɔs 25:23

A maŋ daga men ka fa kasawule n sa esa nɛ e baa kɔ kuraa, ŋkpal manɛ so, k maŋ la menyeya nna, Enyɛnpe Ebɔrɛ na e wɔ kumo nɛ menyi alɛ du fanɛ befɔ nɛ e sa ekpa nɛ men baa ji kumo so be tɔnɔ.

Nɔmbɛs 36:7

Israɛl be esa kikɛ be kapetɛ bee shir a wɔ mbe yiri nɛ e shi to nna.

Nɔmbɛs 36:9

Loŋ e naaŋ shin nɛ yiri ko maaŋ tɛmbaŋ n ya kaa ji yiri ko be kapetɛ. Yiri kama to ebi daga nna fanɛ b baa ji bumo gbagba be yiri to ebi be mpetɛ.”

Romebi 3:31

Ama an ta le be yirda ere n ti mbra na ekpa ŋko? Ayai, an baa kraa kɔ kumo to a ti kumo so eleŋ.

Romebi 3:4

Kaarɛ fanɛ loŋ e tiŋ n wora. Nɛ nyiŋgbasa bre la efɛpo, Ebɔrɛ bre la kashenteŋjipo nna saŋkama fanɛ kananɛ abɔrɛsibɛ na bee kaŋɛ na. A yɛ: “Fo mmalga to e naa ŋini fo ka kɔ kashenteŋ, fo alɛ beeŋ baa ji a lar fo edemu to.”

Romebi 3:6

Kaarɛ, loŋ maŋ kɔ ekpa kuraa, ŋkpal manɛ so, nuso nɛ Ebɔrɛ daa tiŋ a ji durnya ere to ebi demu?

Romebi 6:15

To, naniere, nuso nɛ anyeeŋ kaŋɛ? Fanɛ ŋkpal an ka maŋ naa wɔ mbra na to nsaa wɔ Ebɔrɛ be kuwɔr be kakɛ be kebaawɔtɔ to so an baa wora alubi a? Kaarɛ, loŋ maŋ daga.

Romebi 6:2

Kaarɛ, loŋ maŋ daga, ŋkpal manɛ so, alubi be kewora be kaplɛa so, an wu nna, amoso, nuso nɛ anyeeŋ wora ŋ kraa wɔ amo be kewora be kebaawɔtɔ to?

Romebi 7:13

To, kede bee ŋini fanɛ kusɔ lela e bar luwu ŋko? Cha, mannɛ aloŋ nna kuraa. Kulubi e bɔla kusɔ lela so m bar ma luwu nɛ kumo be da lubi gbagba e lar efuli. Amoso, ntaŋ na so nɛ esa bee wu kananɛ kulubi baŋ lubi kashenteŋto.

Romebi 7:7

To, naniere, nuso nɛ anyeeŋ kaŋɛ? An kaŋɛ fanɛ mbra na gbagba lubi nna ŋko? Kaarɛ, anyi maaŋ tiŋ ŋ kaŋɛ loŋ kuraa. Ŋkpal manɛ so, mbra na e shin nɛ m pin kusɔ nɛ k la kulubi. Nɛ mbra na daa maŋ kaŋɛ le nna: “Sa maŋ yɛlga fo barkasa be kusɔ,” n daa maaŋ pin loŋ be kayɛlga be asheŋ to.

1 Kɔrintebi 6:15

Men maŋ nyi fanɛ men be eyurana ere la Kristo gbagba be mba ko nna ŋko? To, k daga fanɛ n ta Kristo to be mba ko n ya chɔga sakaleche be eyur so a? Kuraa, loŋ maaŋ nya kikɛ.

Galeeshaebi 6:14

Ama ma ere, kaarɛ gba fanɛ ŋ ka beeŋ ji njɔŋ ko she an Nyɛnpe Yesu Kristo be luwu nɛ e wu kedibi largato na so nawule so, nɛ durnya maŋ naa la shɛŋ ma anishito.

Joshuwa 22:29

Anyi maaŋ kini kenu n sa Enyɛnpe Ebɔrɛ ŋko ŋ kini kebɛ mo so nseŋ pɔr bɔrɛsure a chɔɔ sarga kumo so ŋko a lara ajibi be sarga ŋko sarga kama kumo so. Anyi maaŋ pɔr bɔrɛsure kikɛ n naŋ ti Enyɛnpe nɛ e la anyi be Ebɔrɛ be bɔrɛsure nɛ k yil Enyɛnpe Ebɔrɛ be wajɛbu na be anishito na so.”

Joshuwa 24:16

Ndoŋ nna nɛ basa na kaŋɛ: “Anyi maaŋ yige keshuŋ Enyɛnpe Ebɔrɛ na nseŋ ya kaa shuŋ agbir.

1 Samuɛl 12:23

Nɛ m baŋ yige kebaakule Ebɔrɛ a sa menyi, kumo ere Enyɛnpe Ebɔrɛ na nɛ m maŋ wora kasonu na. Meeŋ ŋini menyi kusɔ nɛ k daga fanɛ men baa wora.

1 Samuɛl 24:6

Ndoŋ nna nɛ e kaŋɛ mbe basa na le: “Enyɛnpe Ebɔrɛ e baa pete ma nɛ n wora n nyɛnpe nɛ Enyɛnpe Ebɔrɛ lara fanɛ ewura kulubi. K maŋ daga fanɛ n wora mo kulubi kikɛ!”