1 Bewura 21:11 - EBƆRƐ BE KAWƆL

¹¹ Ndoŋ nna nɛ benimuana na nɛ bunyaŋwuraana nɛ b wɔ Jizreel be kade na to kikɛ wora kusɔ nɛ Jɛzebel kaŋɛ na gbagba chap.

1 Bewura 21:11 ပူးပေါင်းရင်းမြစ်များ

1 Bewura 21:10

Men fin befɛpo anyɔ nɛ b yili mbe anishito ŋ ku mo kɔnɔ fanɛ e sho Ebɔrɛ nɛ ewura kikɛ kɔnɔ. Kumo be kaman nɛ men lara mo n yɔ kade na be ekarso n ya kpla mo ajembu m mɔ.”

1 Bewura 21:12

B daŋ lara kachɛ koŋwule nna m ber kebomboŋ n tre basa kikɛ n shɛr ŋ kishi, nseŋ shin nɛ Nabɔf chena kemaŋkura be echenakpa nshɛr na to.

2 Kronikɛls 24:21

Ewura Jɔash daŋ teŋ kelela nɛ Zakareya mo tuto Jehowada daŋ wora mo na so nna nseŋ ti bejuŋkparpo na so nɛ b kre fanɛ b mɔ Zakareya. Ewura na e daŋ sa ekpa nɛ b kpa Zakareya ajembu m mɔ ashi Enyɛnpe Ebɔrɛ be bɔrɛlambu na be kelɔnɛ so. Zakareya ka bee wu nɛ e kaŋɛ le: “Enyɛnpe Ebɔrɛ wu kusɔ nɛ fee wora ere kikɛ. Mo alɛ beeŋ gberge fo kusoe n tal to!”

Ɛksodɔs 1:17

Ama beche nɛ b daa keta kakurge na daa kɔ kabɔrɛŋana nna, amoso b daŋ kini kewora kusɔ nɛ Ijipt be ewura na kaŋɛ bumo na nna, nseŋ daa yige mbinyɛnsobi na gba.

Ɛksodɔs 1:21

Beche nɛ baa sɔ kakurge na ka daa ŋana Ebɔrɛ so so e daŋ nɛfa bumo nna n sa bumo be ekama mo gbagba be mbia.

Aŋasa 29:12

Ewura nɛ e bee nu efɛ be beyaasepo bee ki basa lubi nna.

Aŋasa 29:26

Esa kama bee sha fanɛ e ji ewura keteri nna, ama Enyɛnpe Ebɔrɛ nawule e naa shin nɛ ewura bee wora asheŋ nɛ a niŋi.

Aizaaya 59:14

Keji asheŋ nɛ amo be ekpa so maŋ naa wɔtɔ, nɛ kewora kusɔ nɛ k daga gba maŋ wɔ anyi be kebaawɔtɔ to. Keji kashenteŋ kelɔnɛ so gba maŋ naa wɔtɔ ashi anyi to kuraa.

Hoziya 5:11

Israɛl be basa luri tɔrɔ damta to nseŋ paŋ kasawule nɛ k la bumo peya na ŋkpal b ka ya kaa shuŋ agbir so.

Levitikɔs 19:15

Men baa kɔ kashenteŋji nsaa ji asheŋ nɛ amo be ekpa so ashi men be demuji kikɛ to. Men sa maa kpɛa betirpo to ŋko a ŋana damawuraana.

Maika 6:16

Le be asheŋ ere beeŋ ba menyi so nna ŋkpal men ka bɛ ewura Omri nɛ mo pibinyɛn, ewura Ehab be asheŋ lubi so so. Bumo be edaŋkare to nɛ men bee kute to. Amoso meeŋ shin nɛ men mur cheche nɛ ekama e baa tege nsaa mushe menyi fanɛ asɔ jiga na.”

Matiu 2:12

B ka loge nɛ Ebɔrɛ fiɛ bumo so edare to ŋ kaŋɛ fanɛ b sa maŋ naŋ bɛta n yɔ Ewura Hɛrɔd kutɔ. Amoso b daŋ bɔla ekpa popɔr so nna m bɛta n yɔ bumo be efuli so.

Matiu 2:16

Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.

Ashuŋ Shunso 4:19

Nɛ Pita nɛ Jɔn bishi bumo: “Menyi ere kutɔ, kenu n sa menyi nɛ kenu n sa Ebɔrɛ, kumo e bɔla ekpa?

Ashuŋ Shunso 5:29

Nɛ Pita nɛ mo braana beshuŋipo na kaŋɛ: “Ebɔrɛ e daga an ka nu n sa, mannɛ enyiŋgbasa.

1 Samuɛl 22:17

Kumo be kaman nɛ Sɔɔl ponte ŋ kaŋɛ bekumpo na le: “Men mɔ Enyɛnpe Ebɔrɛ be bɔrɛmatapoana na kikɛ, ŋkpal manɛ so, bumo nɛ Deevid e wora kɔnɔ ŋ kre asheŋ. B nyi Deevid ka daa shile nɛ b kini kekaŋɛ ma.” Ama bekumpo na be ekama maŋ teŋi keshilbi gba ŋ ŋini Enyɛnpe Ebɔrɛ be bɔrɛmatapoana na.

1 Samuɛl 23:20

Amoso Yiramu, ba anyi be efuli so saŋkama nɛ k par fo nɛ an chɛ fo to nɛ fo nya mo m pɛ.”