1 Bewura 20:7 - EBƆRƐ BE KAWƆL

⁷ Ndoŋ nna nɛ ewura Ahab tre kade na to be bejuŋkparpoana kikɛ ŋ kaŋɛ bumo le: “Men wu kananɛ kanyɛn ere bee sha nɛ e ta anyi n wɔtɔ asheŋ to nna na. Men wu e ka shoŋi ma ebɔl fanɛ e beeŋ ba sɔ ma beche nɛ b walɛ abita ga na nɛ ma mbia nɛ b kɔ eleŋ ga na nɛ ma shuwa nɛ gbiti kikɛ, nɛ n shuli.”

1 Bewura 20:7 ပူးပေါင်းရင်းမြစ်များ

1 Bewura 20:6

Echefo saŋɛ ere so meeŋ shuŋi ma benimu fo laŋ to nɛ fo benimuana be elaŋ to nɛ b ba keni n fin asɔ kama nɛ a walɛ na nseŋ ta amo kikɛ.”

1 Bewura 20:8

Nɛ bejuŋkparpo na kikɛ kaŋɛ le: “Sa maŋ tuge mo.”

1 Bewura 21:8

Ndoŋ nna nɛ e ta ewura Ahab be ketre n sibɛ nwɔl n ta mbe tɔɔnɛ be kebersobi n deŋi amo so nseŋ ta amo n shoŋi benimuana na nɛ bunyaŋwuraana nɛ b wɔ Jizreel nɛ k la Nabɔf be kade na to kikɛ.

1 Bewura 8:1

B ka pɔr bɔrɛlambu na n loge be kaman nɛ Ewura Sɔlɔmɔn shuŋi n tre bejuŋkparpoana na kikɛ nɛ Israɛl be eyiriana nɛ mbuna mbunaana be benimuana kikɛ fanɛ b ba shɛr Jerusalɛm n ta Enyɛnpe Ebɔrɛ be ŋkre be deka na ashi Zayɔn nɛ k la Deevid be kade to na n yɔ bɔrɛlambu na to.

2 Bewura 5:7

Israɛl be ewura na ka kraŋ kawɔl na nɛ mbe aba pɔ mo nɛ kufu pɛ mo ŋkpal Siriya be benapo na be eleŋ nɛ b kɔ so nɛ e kpɛa mbe asɔbuuso to m ponte ŋ kaŋɛ le: “A ji nuso nɛ Siriya be ewura na kaŋɛ fanɛ kanyɛn ere e ba ŋ kutɔ nɛ n chɛ mbe keboti? E bee fɛ fanɛ n la Ebɔrɛ nna nsaa kɔ luwu nɛ ŋkpa be eleŋ a? Naniere bre k baŋ fuli geeŋ nna fanɛ kolu nɛ e bee sha ma!”

1 Kronikɛls 13:1

Ewura Deevid daŋ tre mbe benapo be benimu nɛ baa keni benapo be ntuŋ kagboŋ kagboŋ nɛ kalfa kalfa so na nna nɛ mo nɛ bumo to jina.

1 Kronikɛls 28:1

Pɔɛŋ nɛ b pɔr bɔrɛlambu na ewura Deevid daŋ tre Israɛl be bejuŋkparpoana nɛ eyiriana na be benimuana nɛ ekrachi nimuso nɛ benapo be benimuana nɛ benimu nɛ baa keni ewura na nɛ mbe mbia be asɔ nɛ asɔbɔya so na nɛ ewurkpa be benimuana nɛ benapo nɛ b kɔ kenyɛn ga na m ba shɛr Jerusalɛm nna.

Job be kawɔl 15:35

Ŋkpal manɛ so, b la basa nɛ baa kre asheŋ lubi nsaa wora amo nna. Efɛ nɛ kafule malɛ e bɔlɔ bumo be ŋgbene to.”

Nshɛ 140:2

Ŋkre lubi e wɔ bumo be ŋgbene to, nɛ baa bar kebagato karechɛ kikɛ.

Nshɛ 36:4

B dese bumo be edesekpa gba alubi be kewora be ŋkre nɛ baa kre. B maa wora asheŋ lela kikɛ. Kulubi kama malɛ maa choŋ bumo so.

Nshɛ 62:3

Nchɛ afanɛ nɛ menyeeŋ ta m bri esa? Menyeeŋ yili egbal nɛ k kulti ere so n ta mo n lɛ to a?

Nshɛ 7:14

Basa di alubi be dampo, nseŋ bela ase nɛ b kurge kafulesheŋ nɛ kumukpakpaso.

Aŋasa 11:14

Efuli nɛ k maŋ kɔ bejuŋkparpo nyiashempo bee mur nna; ama besoetojipo damta bee kuŋ efuli nna.

Aŋasa 11:27

Esa kama nɛ e bee fin asheŋ lela bee nya asheŋ lela nna, nɛ asheŋ lubi malɛ bee tu ekama nɛ e bee fin asheŋ lubi.

Aŋasa 24:2

Asheŋ lubi nawule be asheŋ nɛ baa fɛ saŋkama. Bumo be mmalga kikɛ la kananɛ baaŋ wora kulubi nna.

Aŋasa 6:14

Baa wora loŋ nna nsaa kɔ nfɛra lubi a kre asheŋ a bar kebagato basa to kaplɛkama.

Danɛl 11:27

Bewura anyɔ na beeŋ baa bɔɔ enɔ a wɔtɔ kawie koŋwule to a ji, ama baaŋ baa kre abar nia lubi nna a fule abar. Bumo alɛ maaŋ nya kusɔ nɛ baa fin na, ŋkpal saŋɛ nɛ Ebɔrɛ yili kumo na ka maŋ naŋ fo so.